spot_img
Home​ຂ່າວທ່ອງທ່ຽວ6 ເດືອນຕົ້ນປີນີ້ ມີນັກທ່ອງທ່ຽວ ເຂົ້າແຂວງຄໍາມ່ວນ 72 ພັນກວ່າຄົນ!

6 ເດືອນຕົ້ນປີນີ້ ມີນັກທ່ອງທ່ຽວ ເຂົ້າແຂວງຄໍາມ່ວນ 72 ພັນກວ່າຄົນ!

Published on

ຂປລ. ຕາມ​ການລາຍ​ງານ​ຈາກ ຂະ​ແໜງທ່ອງທ່ຽວແຂວງຄໍາມ່ວນ ໃຫ້ຮູ້ວ່າ: ​ໃນໄລຍະ 6 ​ເດືອນຕົ້ນສົກປີ 2015-2016 ນີ້ ມີນັກທ່ອງທ່ຽວເຂົ້າມາທ່ຽວທັງໝົດ 72.956 ຄົນ, ຍິງ 48.056 ຄົນເຊິ່ງສ່ວນໃຫຍ່ແມ່ນນັກທ່ອງທ່ຽວຈາກອາຊີ​ ໂດຍ​​ສະ​ເພາະ​ນັກ​ທ່ອງ​ທ່ຽວ​ຊາວ​ຈີນ. ເຊິ່ງສາມາດສ້າງລາຍຮັບໃຫ້ແຂວງ ສະເລ່ຍ ປະມານ 148 ຕື້ກວ່າກີບ.​

ເພື່ອຮອງ​ຮັບ​ນັກ​ທ່ອງ​ທ່ຽວ​ທັງ​ພາຍ​ໃນ ​ແລະ ຕ່າງປະ​ເທດ ທີ່​ຈະ​ເຂົ້າ​ມາ​ທ່ອງ​ທ່ຽວ ຢູ່ແຂວງ​ຄຳ​ມ່ວນ​ນັ້ນ, ພາກສ່ວນ​ກ່ຽວຂ້ອງ​ຂອງ​ແຂວງ ​ໄດ້​ສຸມ​ໃສ່ການພັດທະນາ ການທ່ອງທ່ຽວແບບຍືນຍົງ, ປະຊາຊົນມີສ່ວນຮ່ວມໃນການຄຸ້ມຄອງ, ດ້ານລາຍຮັບ ແລະ ເປັນເຈົ້າການ ໃນການອະນຸລັກຮັກສາ, ເສີມຂະຫຍາຍຄວາມ ສວຍ​ສົດງົດງາມ ແລະ ເອກະລັກສະຖານທີ່ທ່ອງທ່ຽວ ທີ່ບົ່ງບອກເຖິງຄວາມອຸດົມສົມບູນ.

ປັດຈຸບັນທົ່ວ ແຂວງຄໍາມ່ວນ ມີ​ແຫ​ລ່ງທ່ອງທ່ຽວ ທັງໝົດ 198 ແຫ່ງ, ໃນນັ້ນແຫລ່ງທ່ອງທ່ຽວ ທາງດ້ານປະຫວັດສາດ 29 ແຫ່ງ, ທາງດ້ານທໍາມະຊາດ 139 ແຫ່ງ ແລະ ທາງດ້ານວັດທະນະທໍາ 30 ແຫ່ງ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...