spot_img
Homeຄົມຄິດຄົມຄົນຄຳສຸພາສິດໄອເດຍດີໆ ເຮັດໃຫ້ຊີວິດສົດໃສ

ໄອເດຍດີໆ ເຮັດໃຫ້ຊີວິດສົດໃສ

Published on

ບາງເທື່ອ ຊີວິດເຮົາກໍໜ້າເບື່ອ ເມື່ອເຮົາລົງມືເຮັດສິ່ງໃດສິ່ງໜຶ່ງແລ້ວມັນບໍ່ໄດ້ດັ່ງປາຖະໜາ  ຄ້າຍໆກັບວ່າ ໃນຕອນນັ້ນ ລົມຫາຍໃຈຂອງເຮົາມັນສິ້ນສຸດລົງ ເປັນເຫດໃຫ້ເຮົາບໍ່ມີແຮງສູ້ຊົນໃນຊີວິດ, ອ່ອນແອ ແລະໝົດກຳລັງໃຈ. ແຕ່ມື້ນີ້ ຜູ້ຂຽນມີໄອເດຍ ຫລືຂໍ້ຄິດດີໆ ເມື່ອອ່ານແລ້ວຈະເຮັດໃຫ້ເຮົານັ້ນມີພະລັງຮຶດໃຫ້ຊົນສູ້ໄປໄດ້.

  • ເຝິກຝົນໃຫ້ຍ່າງໄວຂຶ້ນ ຄິດໃຫ້ວ່ອງໄວຂຶ້ນ.
  • ເຝິກຝົນໃຫ້ກິລິຍາອາການ ແລະບຸກຄະລິກກະພາບ ໃຫ້ມີຄວາມຄ່ອງແຄ້ວ ແລະນຸ່ມນວນ.
  • ເຊົາຄຶດ ແລະວິຕົກກັງວົນກັບສິ່ງທີ່ຍັງມາບໍ່ເຖິງ ເປັນຕົ້ນວ່າ : ຝັນເລື່ອນລອຍເຖິງອະນາຄົດ ເຮົາຕ້ອງຢູ່ກັບປັດຈຸບັນນີ້ເທົ່ານັ້ນ.
  • ຈົ່ງສ້າງວຽກງານຂອງຕົນໃຫ້ມັນເປັນຕາສົນໃຈສະເໝີ ເພາະວ່າສິ່ງນັ້ນຄືສິ່ງທີ່ເຮົາຮັກ ແລະເອົາຈິງເອົາຈັງກັບມັນ.
  • ໃຫ້ຄິດສະເໝີວ່າ ວຽກງານທີ່ເຮົາກຳລັງເຮັດນັ້ນ ຄືສິ່ງທີ່ທ້າທາຍ ພວມຈະເປີດໂອກາດໃໝ່ໆໃຫ້ເຮົານັ້ນໄດ້ຮຽນຮູ້ ແລະເກັບກ່ຽວປະສົບການຈາກມັນ.
  • ສຶກສາຫາຄວາມຮູ້ໃໝ່ໆຈາກຕຳລາ, ຊອກຫາຈາກຫໍສະໝຸດ, ຂຸດຄົ້ນນຳອິນເຕີເນັດ, ອ່ານນຳມືຖື ແລະແທັບເລັດກໍໄດ້ ທຸກມື້ນີ້ຊອກຫາຢ່າງງ່າຍດາຍ.
  • ຢູ່ໃກ້ຄົນແບບໃດ ກໍຈະເປັນແບບນັ້ນ ຕົກໝູ່ແຮ້ງເປັນແຮ້ງ ຕົກໝູ່ກາເປັນກາ ສະນັ້ນ ຄວນຊອກຫາຄົນດີໆ ມາຜູກສາຍສຳພັນໄວ້ ຂໍຍົກຕົວຢ່າງ : ຄຳເວົ້າຂອງຜູ້ຮູ້ທ່ານໜຶ່ງວ່າ “ມີສັດຕູຄົນໜຶ່ງ ຖືວ່າຫລາຍພັນຄົນແລ້ວ ມີໝູ່ເພື່ອນເປັນແສນຍັງນັບວ່າໜ້ອຍເກີນໄປ”

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...