spot_img
Homeຂ່າວສັ້ນສີຫອນ ມີສຸກ ເນັ້ນຄຸນນະພາບຄຳ ບໍລິການລູກຄ້າ

ສີຫອນ ມີສຸກ ເນັ້ນຄຸນນະພາບຄຳ ບໍລິການລູກຄ້າ

Published on

ຮ້ານ​ຂາຍ​ຄຳ​ສີ​ຫອມ​ມີ​ສຸກ​ເປັນອີກ​ທາງ​ເລືອກ​ໜຶ່ງ​ສຳ­ລັບ​ລູກ​ຄ້າ​ທີ່​ມີຄວາມ​ສົນ­ໃຈ​ໃນ​ເຄື່ອງ​ປະ­ດັບ​ບໍ່​ວ່າ​ຈະເປັນ​ຄຳ​ຮູບ​ປະ­ພັນ 99,99, ຄຳ​ແທ່ງ, ເຄື່ອງ​ປະ­ດັບ​ເພັດ​ແທ້, ຄຳ​ອີ​ຕາ​ລີ 18k ແລະ​ປະ­ເພດ​ອື່ນໆ​ພິ­ເສດ​ຄື ຈະ​ເນັ້ນ​ຄຸນ​ນະພາບ​ສິນ­ຄ້າ​ບໍ­ລິ­ການ​ແກ່​ລູກ​ຄ້າ​ນອກ​ນີ້ ທາງ​ຮ້ານ​ຍັງ​ຮັບ​ອອກ​ແບບ​ເຄື່ອງ​ປະ­ດັບທຸກ​ປະ­ເພດ​ຕາມ​ທີ່​ລູກ​ຄ້າ​ສັ່ງ ເພື່ອ​ໃຫ້​ສາມາດ​ຕອບ​ສະ­ໜອງ​ຕາມ​ຄວາມ​ຕ້ອງການ​ຂອງ​ລູກ​ຄ້າ​ໄດ້.
ທ່ານ ວິ­ໄລ​ສັກ ສຸ​ລິ​ຈັນ ເຈົ້າ​ຂອງ​ຮ້ານ​ຄຳ​ສີ ຫອມ​ມີ​ສຸກ ໃຫ້​ສຳ­ພາດ​ວ່າ: ທຸ­ລະ​ກິດ​ຮ້ານ​ຂາຍ​ຄຳ ຂອງ​ຕົນ​ໄດ້​ເປີດ​ໃຫ້​ບໍ­ລິ­ການ​ແກ່​ສັງ­ຄົມ​ມາ​ເກືອບ 10 ປີ​ແລ້ວ ຊຶ່ງ​ໃນ​ເມື່ອ​ກ່ອນ​ໄດ້​ເປີດ​ບໍ­ລິ­ການ​ຢູ່​ຕະຫຼາດ​ເຊົ້າ​ຕຶກ​ເກົ່າ​ຕໍ່​ມາ​ໃນ​ປີ 2011 ຍ້າຍ​ມາ​ຕະ­ຫຼາດເຊົ້າ​ຊອບ​ປິ້ງ​ມໍ ຊຶ່ງ​ເປັນ​ສາ­ຂາ​ທີ 1 ແລະ​ໃນ​ປີ 2014 ໄດ້​ເປີດ​ສາ­ຂາ 2 ທີ່​ສູນ​ການ​ຄ້າ​ວຽງ​ຈັນ​ເຊັນ​ເຕີ, ຜ່ານ​ການ​ດຳ­ເນີນ​ທຸ­ລະ​ກິດ​ຕະ­ຫຼອດ​ໄລ­ຍະ​ຜ່ານ​ມາ ເຫັນ​ວ່າ​ໄດ້​ຮັບ​ສຽງ​ຕອບ​ຮັບຈາກ​ລູກ​ຄ້າ​ເປັນ​ຢ່າງ​ດີ ໂດຍ​ບັນ­ດາ​ລູກຄ້າ​ມີ​ແຕ່​ເໜືອ​ຕະ­ຫຼອດ​ໃຕ້ ສ່ວນ​ຫຼາຍ​ແມ່ນຢູ່​ນະ­ຄອນ­ຫຼວງ​ວຽງ​ຈັນ.
ຮ້ານ​ຄຳ​ພວກ​ເຮົາ​ທີ່​ມີ​ຜະ­ລິດ​ຕະ​ພັນ ຄຳ​ຫຼາກ​ຫຼາຍ​ລວ­ດລາຍ​ເປັນ­ຕົ້ນ​ຄຳ​ຮູບປະ­ພັນ 99,99, ຄຳ​ແທ່ງ, ເຄື່ອງ​ປະ­ດັບເພັດ​ແທ້, ຄຳ​ອີ​ຕາ​ລີ 18k ແລະ ປະ­ເພດອື່ນໆ ນອກ​ນັ້ນ​ຍັງ​ຮັບ​ອອກ​ແບບ​ເຄື່ອງປະ­ດັບ​ທຸກ​ປະ­ເພດ​ຕາມ​ທີ່​ລູກ​ຄ້າ​ສັ່ງ ເພື່ອເປັນ​ການ​ຕອບ​ໂຈດ​ຄວາມ​ຕ້ອງ­ການຂອງ​ລູກ​ຄ້າ, ພ້ອມ​ດຽວ​ກັນ​ນັ້ນ​ທາງ​ຮ້ານຍັງ​ຮ່ວມ​ມື​ກັບ​ໂຮງ­ງານ​ເພັດ WCG diamond ເພື່ອ​ເອົາ​ຜະ­ລິດ​ຕະ​ພັນ​ເພັດແທ້​ມາ​ຈຳ­ໜ່າຍ​ໃນ​ລາວ.
ທ່ານ ວິ­ໄລ​ສັກ ສຸ​ລິ​ຈັນ ໃຫ້​ຮູ້​ຕື່ມ​ວ່າ: ປະ­ຈຸ​ບັນ​ທາງ​ຮ້ານ​ພວກ​ເຮົາ​ມີ​ໂປຣ​ໂມ​ເຊິນ​ເປັນ­ຕົ້ນ​ຂອງ​ແຈກ​ຂອງ​ແຖມ​ບໍ່​ວ່າຈະ​ເປັນ​ເສື້ອ, ຈອກ​ຂອງ​ແຖມ​ຕ່າງໆ ແລະ​ທຸກໆ​ເດືອນ​ທາງ​ຮ້ານ​ຈະ​ມີ​ການແຈກ​ຄຳ​ເດືອນ​ລະ 1 ສະ­ຫຼຶງ ນອກ​ນັ້ນ ໃນ​ວັນ​ທີ 22 ຕຸ­ລາ 2016 ທີ່​ສູນ​ການຄ້າ​ວຽງ​ຈັນ​ເຊັນ​ເຕີ ທາງ​ຮ້ານ​ຈະ​ມີ​ກິດຈະ​ກຳ​ຈັບ​ສະ­ຫຼັກ​ແຈກ​ໂຊກ 3 ຊັ້ນ​ໃຫ້​ລູກຄ້າ ໂດຍ​ຂອງ​ລາ­ງວັນ​ປະ­ກອບ​ມີ​ແຫວນເພັດ​ແທ້ 1,8 ກະ​ຣັດ, ສາຍ​ຄໍ​ຄຳ, ໂທລະສັບ​ໄອ​ໂຟນ 6s, ຊຳ​ຊຸງ​ກາ​ແລັກ​ຊີ S7 ແລະ​ລາ­ງວັນ​ອື່ນໆ​ຫຼາຍ​ກວ່າ 50 ລາງວັນ ລວມ​ມູນ​ຄ່າ 300 ລ້ານ​ກີບ, ສ່ວນ​ລູກ​ຄ້າ​ທ່ານ​ໃດ​ທີ່​ສົນ­ໃຈ​ກໍ​ສາ­ມາດ​ຮ່ວມ​ກິດຈະ​ກຳ​ໄດ້ພຽງ​ແຕ່ທ່ານ​ຊື້​ສິນ­ຄ້າ​ຄົບ​ທຸກໆ 1 ລ້ານ​ກີບ ແມ່ນ​ຈະ​ໄດ້​ຄູ​ປ່ອງ 1 ອັນ ແລ້ວ​ຂຽນ​ຊື່, ເບີ­ໂທລະ­ສັບ​ປ່ອນ​ລົງ​ກ່ອງຄູ່​ປອງ​ຢູ່​ໜ້າ​ຮ້ານ​ທັງ​ສອງ​ສາ­ຂາ​ທ່ານກໍ​ສາ­ມາດ​ເປັນ​ຜູ້​ໂຊກ​ດີ​ໄດ້.
ທີມາ: ເສດຖະກິດ-ສັງຄົມ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...