spot_img
Homeປະຊາສຳພັນຝົນຕົກໜັກ ນ້ຳຊັນຂຶ້ນສູງ! ອຸຕຸນິຍົມຯເຕືອນ ຜູ້ອາໄສຢູ່ບໍລິເວນນ້ຳຊັນ ເຝົ້າລະວັງໄພນ້ຳຖ້ວມ!

ຝົນຕົກໜັກ ນ້ຳຊັນຂຶ້ນສູງ! ອຸຕຸນິຍົມຯເຕືອນ ຜູ້ອາໄສຢູ່ບໍລິເວນນ້ຳຊັນ ເຝົ້າລະວັງໄພນ້ຳຖ້ວມ!

Published on

ຂປລ. ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ, ກະຊວງຊັບພະຍາກອນທຳ​ມະ​ຊາດ ​ແລະ ສິ່ງ​ແວ​ດລ້ອມ ໄດ້ອອກແຈ້ງເຕືອນ ​ໃຫ້​ປະຊາຊົນທີ່​ອາ​ໄສ​ຢູ່​ບໍລິ​ເວນ​​ນ້ຳ​ຊັນ ​ແຂວງ​ບໍລິ​ຄຳ​ໄຊ ​ໃຫ້​ເຝົ້າ​ລະວັງ​ໄພ​ນໍ້າຖ້ວມ ​ເນື່ອງ​ຈາກ​ວ່າ ມີຝົນຕົກຕິດຕໍ່ກັນຫລາຍວັນ ໃນອາທິດຜ່ານມາ ໄດ້ເຮັດໃຫ້ລະດັບນໍ້າຊັນ ສູງຂຶ້ນກາຍເຂດລະວັງໄພ ໂດຍສະເພາະ ລະດັບນໍ້າຢູ່ຈຸດວັດແທກເມືອງເກົ່າ ຕອນ​ເຊົ້າ​ວັນ​ທີ 14 ກໍລະກົດນີ້, ວັດແທກໄດ້ 7.08 ແມັດ (ເຂດອັນຕະລາຍ 8 ແມັດ) ​ແລະ ສະພາບຝົນຍັງຈະສືບຕໍ່ຕົກ ໃນລະດັບຄ່ອຍຫາປານກາງ ໃນໄລຍະ 1-2 ວັນຕໍ່ໜ້າ ເຊິ່ງຈະເຮັດໃຫ້ລະດັບນໍ້າສູງຂຶ້ນຕື່ມອີກ.


ຕໍ່ກັບບັນຫາດັ່ງກ່າວ, ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ຈຶ່ງຂໍແຈ້ງເຕືອນເຖິງ ອຳນາດການປົກຄອງທຸກພາກສ່ວນ ແລະ ພໍ່ແມ່ປະຊາຊົນ ຈົ່ງມີສະຕິລະມັດລະວັງ ຕໍ່ສະພາບນໍ້າຖ້ວມ ແລະ ໃຫ້ເກັບມ້ຽນວັດຖຸສິ່ງຂອງ ໄວ້ບ່ອນທີ່ສູງ ພ້ອມເຄື່ອນຍ້າຍສັດລ້ຽງ ໄປໄວ້ບ່ອນທີ່ປອດໄພ ແລະ ຕິດຕາມການລາຍງານຂ່າວ ພະຍາກອນອາກາດ ແລະ ລະດັບນໍ້າຈາກກົມອຸຕຸນິຍົມ ແລະ ອຸທົກກະສາດ ເປັນປະຈຳ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...