ສຳນັກຂ່າວຕ່າງປະເທດ ລາຍງານໃນວັນທີ 11 ກໍລະກົດຜ່ານມານີ້ວ່າ ທ່ານ ແອສ ຄາເຕີ້ ລັດຖະມົນຕີກະຊວງປ້ອງກັນປະເທດ ສະຫະລັດອາເມຣິກາ ໄດ້ຖະແຫລງທີ່ນະຄອນຫລວງແບກແດດ ລະຫວ່າງການຢ້ຽມຢາມປະເທດອີຣັກ ໃນວັນທີ 11 ກໍລະກົດ 2016 ວ່າ ສະຫະລັດອາເມຣິກາ ຈະຍົກລະດັບການສູ້ຮົບທາງທະຫານ ກັບກຸ່ມລັດອິດສະລາມ ຫລື ໄອເອັສ ດ້ວຍການສົ່ງກຳລັງພົນອີກ 560 ຄົນ ເຂົ້າໄປປະຈຳການທີ່ ຖານທັບອາກາດກາຢາຣາ ຊຶ່ງທະຫານອີຣັກ ສາມາດປົດປ່ອຍຈາກກຸ່ມໄອເອັສໄດ້ ແລະ ມີແຜນຈະນຳໃຊ້ຖານທັບອາກາດແຫ່ງນີ້ ສຳລັບເລີ່ມຕົ້ນປະຕິບັດການ ບຸກໂຈມຕີປົດປ່ອຍເມືອງໂມຊູນ ເມືອງໃຫຍ່ອັນດັບ 2 ຂອງອີຣັກ ຄືນຈາກກຸ່ມໄອເອສ ໃນໄລຍະທ້າຍປີນີ້.
 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!