spot_img
Homeມູມໄອທີລາວບົດຄວາມເກມ: ມື້ນີ້ໃນອະດີດ ວັນທີ 11 ກໍລະກົດ

ບົດຄວາມເກມ: ມື້ນີ້ໃນອະດີດ ວັນທີ 11 ກໍລະກົດ

Published on

ວັນທີ 11 ກໍລະກົດ ປີ 1993 ຫຼືມື້ນີ້ເມື່ອ 23 ປີທີ່ແລ້ວ ເປັນມື້ວາງຈຳໜ່າຍຂອງເກມ Street Fighter II Turbo: Hyper Fighting ເທິງເຄື່ອງ Super Famicom ທີ່ປະເທດຍີ່ປຸ່ນ ໂດຍ Hyper Fighting ແມ່ນພາກເສີມຂອງ Street Fighter II: The World Warrior ທີ່ອອກເມື່ອ 1 ປີກ່ອນໜ້າທີ່ເວີຊັ່ນນີ້ຈະອອກ. ເຊິ່ງເປັນການຕອບແທນແຟນໆ ທີ່ໃຫ້ການສະໜັບສະໜຸນໂຕເກມເວີຊັ່ນທຳອິດຈົນມີຍອດຂາຍສູງສຸດໃນຕອນນັ້ນ (Street Fighter II: The World Warrior ຄອງແຊັມຍອດຂາຍສູງສຸດຂອງ Capcom ຈົນມາເສຍຕຳແໜ່ງໃຫ້ກັບ Resident Evil 5 ແລະ Resident Evil 6 ໃນພາຍຫຼັງ).

ສຳລັບສິ່ງທີ່ເພີ່ມມາໃນເວີຊັ່ນ Hyper Fighting ນີ້ແມ່ນການປັບຄວາມໄວໃນການຫຼິ້ນໃຫ້ໄວກວ່າເວີຊັ່ນດັ້ງເດີມ ເຮັດໃຫ້ຜູ້ຫຼິ້ນຕ້ອງຄຶດໄວເຮັດໄວໃນການໂຈມຕີຫຼືຕັ້ງຮັບຄູ່ຕໍ່ສູ້ ພ້ອມກັບມີການເພີ່ມທ່າໄມ້ຕາຍອີກຫຼາຍທ່າໃຫ້ກັບຫຼາຍໂຕລະຄອນ ເຊັ່ນ: ຣິວກັບເຄນຈະສາມາດໃຊ້ທ່າເຕະພາຍຸໝຸນກາງອາກາດໄດ້ແລ້ວ, ຊຸນລີຈະມີທ່າປ່ອຍຄື້ນພະລັງອອກຈາກຝາມືເພື່ອໂຈມຕີໄລຍະໄກໄດ້ ຫຼືດານຊິມທີ່ມີທ່າໂຢຄະເທເລພອຣ໌ດສຳລັບວາຣ໌ບຫຼົບການໂຈມຕີໄດ້ເປັນຕົ້ນ

Fact ເລັກນ້ອຍກ່ຽວກັບເກມ Street Fighter II Turbo: Hyper Fighting

  • Street Fighter II Turbo: Hyper Fighting ປະສົບຜົນສຳເລັດທາງດ້ານຍອດຂາຍຢ່າງຫຼວງຫຼາຍ ເຖິງວ່າໃນເວລານັ້ນຈະລົງໃຫ້ພຽງເຄື່ອງ Super Famicom ແຕ່ກໍຍັງເຮັດຍອດຂາຍໄປໄດ້ເຖິງ 4.1 ລ້ານຊຸດ ແລະເປັນເກມທີ່ເຮັດຍອດຂາຍໄດ້ສູງທີ່ສຸດເປັນອັນດັບທີ 8 ຂອງຄ້າຍ Capcom ນັບຕັ້ງແຕ່ກໍ່ຕັ້ງບໍລິສັດມາ.

  • ຫາກວ່າໃຜທີ່ຫຼິ້ນເກມນີ້ ແລ້ວເປີດເກມຂຶ້ນມາຖ້າຊື່ໆ ໂດຍບໍ່ກົດປຸ່ມຫຍັງ ເກມຈະຕັດເຂົ້າສາກເລົ່າປະຫວັດໂຕລະຄອນທຸກໂຕແບບວົນໄປເລື້ອຍໆ ໃນຊ່ວງນີ້ຖ້າໃຜລອງກົດ L ກັບ R ຂອງມືເກມທີ 2 ພ້ອມກັນຄ້າງໄວ້ ກໍຈະສາມາດເບິ່ງປະຫວັດໂຕລະຄອນທີ່ສະແດງຜົນເທິງໜ້າຈໍໄດ້ດົນຈົນກວ່າຈະປ່ອຍປຸ່ມ.

  • ຖ້າຜູ້ຫຼິ້ນສາມາດເຄລຍເກມດ້ວຍຄວາມຍາກລະດັບສູງສຸດ (8 ດາວ) ໂດຍບໍ່ Continue ແມ້ແຕ່ເທື່ອດຽວຫຼັງຈາກເບິ່ງສາກຈົບປົກກະຕິແລ້ວ ກໍຈະພົບກັບສາກຈົບເສີມຂອງໂຕລະຄອນທີ່ຫຼິ້ນມາອີກເລັກນ້ອຍ ພ້ອມກັບມີສະຖິຕິຕ່າງໆ ທີ່ເຮົາຫຼິ້ນສະແດງໃຫ້ເບິ່ງນຳ ແລະໃນສາກທີ່ຂຶ້ນເຄຣດິດກໍຈະມີໂປສເຕີຮູບໂຕລະຄອນຫຼັກ 8 ໂຕໃຫ້ເບິ່ງປິດທ້າຍນຳ

  • ສຳລັບພາກນີ້ຈະມີທຣິກໂຄດໆໂກງແບບຫຼິ້ນຄົນດຽວຢູ່ ໂດຍໃຫ້ເລີ່ມຫຼິ້ນຄົນດຽວດ້ວຍຄວາມຍາກຊ່ຳໃດກໍໄດ້ ໃນລະຫວ່າງທີ່ເຮົາສູ້ກັບ AI ກໍໃຫ້ກົດປຸ່ມ Start ທີ່ມືເກມທີ 2 ເພື່ອໃຫ້ Player 2 ເຂົ້າມາສູ້ກັບ Player 1 ຈາກນັ້ນກໍໃຫ້ທັງ 2 Player ເລືອກໂຕລະຄອນແລະສູ້ກັນເອງ (ຍົກຕົວຢ່າງວ່າ Player 1 ຫຼິ້ນເປັນຣິວ ແລະ Player 2 ຫຼິ້ນເປັນເຄນ) ເມື່ອເຖິງຕອນສູ້ກັນກໍບໍ່ຕ້ອງບັງຄັບ Player 2 ແລ້ວໃຫ້ Player 1 ຕີໆຈົນຊະນະ ພໍຈົບແມັດ ກໍຈະກັບໄປທີ່ໂໝດຫຼິ້ນຄົນດຽວອັດຕະໂນມັດ ແຕ່ຈະເຫັນວ່າລາຍຊື່ຄູ່ຕໍ່ສູ້ທີ່ຣິວ (Player 1) ຈະຕ້ອງພົບນັ້ນຕັດເຄນໄປຮຽບຮ້ອຍ ເຊິ່ງຜູ້ຫຼິ້ນສາມາດໃຊ້ທຣິກນີ້ຫຼິ້ນໄປຈົນເຖິງບອສໃຫຍ່ຂອງເກມນັ້ນກໍຄື M.Bison ໄດ້.

ທີ່ມາ:online station,ເດັກລາວ

ບົດຄວາມຫຼ້າສຸດ

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...