spot_img
Homeມູມໄອທີລາວບົດຄວາມເກມ: ມື້ນີ້ໃນອະດີດ ວັນທີ 9 ກໍລະກົດ

ບົດຄວາມເກມ: ມື້ນີ້ໃນອະດີດ ວັນທີ 9 ກໍລະກົດ

Published on

ວັນທີ 9 ກໍລະກົດ ປີ 1998 ຫຼືເມື່ອນີ້ເມື່ອ 18 ປີທີ່ແລ້ວ ເປັນມື້ວາງຈຳໜ່າຍຂອງເກມ Pocket Fighter ເທິງເຄື່ອງ Sega Saturn ທີ່ປະເທດຍີ່ປຸ່ນ. ໂດຍ Pocket Fighter ຈະເປັນເກມແນວໄຟຕິ້ງສຸດໜ້າຮັກຈາກ Capcom ທີ່ໃຊ້ການອອກແບບໂຕລະຄອນຊຸດດຽວກັບ Super Puzzle Fighter ທີ່ເປັນແນວພັດເຊີນມາກ່ອນ ເຊິ່ງໂຕລະຄອນທີ່ມີໃຫ້ເລືອກໃຊ້ນັ້ນກໍຈະມາຈາກເກມ Street Fighter Alpha, Darkstalkers ແລະ Red Earth ນັ້ນເອງ.

ທາງດ້ານລະບົບເກມຂອງ Pocket Fighter ຈະຄ້າຍໆກັບເກມແນວໄຟຕິ້ງທົ່ວໄປ ແຕ່ຈະປະສົມປະສານລະບົບຈາກເກມຕ່າງໆເຂົ້າມາເຊັ່ນ: ລະບົບການເກັບ Gem ໂດຍ Gem ທີ່ວ່ານີ້ສາມາດເພີ່ມພະລັງແລະຄວາມສາມາດຂອງໂຕລະຄອນໃນລະຫວ່າງຕໍ່ສູ້ໄດ້ (ເປັນລະບົບຈາກເກມ Red Earth) ນອກຈາກນີ້ກໍຈະມີລູກແກ້ວ ທາດໄຟ, ທາດສາຍຟ້າ ແລະອື່ນໆ ໃຫ້ເຮົາດຶກໃສ່ຄູ່ຕໍ່ສູ້ໄດ້ນຳ (ເປັນລະບົບຈາກເກມ Darkstalkers) ແລະລູກແກ້ວທາດເຫຼົ່ານີ້ກໍຈະສົ່ງຜົນເອັບເຟັກດ້ານລົບຕໍ່ໂຕສັດຕູ ເຊັ່ນ: ເຮັດໃຫ້ກາຍເປັນຫີນ ຫຼື ແຊ່ແຂງເປັນຕົ້ນ.

ໃນລະຫວ່າງການຕໍ່ສູ້ຈະມີແຖບດ້ານເທິງຢູ່ 2 ເກດ: ໂດຍເກດເທິງຈະເປັນແຖບພະລັງຊີວິດ ແລະແຖບລຸ່ມຈະເປັນເກດຊູບເປີຄອມໂບຄືກັບເກມ Street Fighter (ແຕ່ໃນເກມນີ້ຈະເອີ້ນວ່າເກດໄມຕີ້ຄອມໂບ) ສາມາດເກັບສະສົມໄດ້ເຖິງ 9 ເລເວວ ເຊິ່ງແຕ່ລະທ່າໄມຕີ້ຄອມໂບກໍຈະໃຊ້ເລເວວຂອງເກດບໍ່ເທົ່າກັນ. ສ່ວນດ້ານລຸ່ມຈະເປັນເກດຊັບບາຣ໌ທີ່ມາ 3 ສີ. ທັງນີ້ ແຕ່ລະເກດກໍຈະໝາຍເຖິງ ໄມຕີ້ຄອມໂບຂອງໂຕລະຄອນນັ້ນໆ (ໂຕລະຄອນໜຶ່ງຈະມີໄມຕີ້ຄອມໂບ 3 ທ່າ) ໃນລະຫວ່າງທີ່ເຮົາຕີສັດຕູໄດ້ກໍຈະມີ Gem ຕົກອອກມາ ສີຂອງ Gem ທີ່ເກັບມາໄດ້ກໍຈະໄປເພີ່ມເກດຊັບບາຣ໌ຂອງສີນັ້ນ ເຮົາເກັບເລເວວຂອງຊັບບາຣ໌ສີໃດຈົນເຖິງເລເວວຫຍັງ ໝາຍຄວາມວ່າທ່ານັ້ນຈະໃຊ້ເກດໄມຕີ້ຄອມໂບດ້ວຍຈຳນວນເລເວວເທົ່ານັ້ນນັ້ນເອງ. ນອກຈາກນີ້ ປຸ່ມທີ່ໃຊ້ໃນການຄວບຄຸມເກມກໍຈະໃຊ້ພຽງ 4 ປຸ່ມ ຄື: ປຸ່ມຊົກ, ປຸ່ມເຕະ, ປຸ່ມທ່າພິເສດ ແລະປຸ່ມທ່າຍົ້ວຍຸ.

Fact ເລັກນ້ອຍກ່ຽວກັບເກມ Pocket Fighter

  • ໃນສາກເລືອກໂຕລະຄອນ ຖ້າຜູ້ຫຼິ້ນລອງເລື່ອນເຄີເຊີ້ໄປບ່ອນຊ່ອງວ່າງມຸມຊ້າຍເທິງລະຫວ່າງ Ryu ກັບ Chun-Li ຈະສາມາດເລືອກ Akuma ມາໃຊ້ໄດ້.

  • ຕໍ່ເນື່ອງຈາກຂໍ້ກ່ອນໜ້ານີ້ ຖ້າຜູ້ຫຼິ້ນເລື່ອນເຄີເຊີ້ໄປບ່ອນຊ່ອງວ່າງມຸມຂວາເທິງ ລະຫວ່າງ Ken ກັບ Hsien-Ko ກໍຈະສາມສດເລືອກ Dan ມາໃຊ້ໄດ້ເຊັ່ນກັນ.

  • ເມື່ອປີ 2011 ທີ່ຜ່ານມາ ເກມ Pocket Fighter ໄດ້ຮັບການຈັດອັນດັບໃຫ້ຢູ່ອັນດັບທີ 42 ໂດຍວາລະສານ Complex ເຊິ່ງເປັນວາລະສານແນວໄລສະຕາຍຂອງສະຫະລັດອາເມຣິກາໂດຍຖືກຈັດເປັນເກມໄຟຕິ້ງສຸດຍອດຕະຫຼອດການ.

  • ໃນເວີຊັ່ນພາສາຍີ່ປຸ່ນຂອງເຄື່ອງຄອນໂຊນຈະມີບົດເວົ້າໃນຄັດຊີນທີ່ເປັນສຽງພາສາຍີ່ປຸ່ນນຳ ແຕ່ໃນເວີຊັ່ນພາສາອັງກິດ ສຽງເວົ້າໃນຄັດຊີນທັງໝົດໄດ້ຖືກຕັດອອກໄປດ້ວຍເຫດຜົນບາງປະການ.

ທີ່ມາ:online station,ເດັກລາວ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...