spot_img
Home​ຂ່າວທ່ອງທ່ຽວພະທາດໂພ່ນ ແຫຼ່ງທ່ອງທ່ຽວສຳຄັນເມືອງໄຊພູທອງ

ພະທາດໂພ່ນ ແຫຼ່ງທ່ອງທ່ຽວສຳຄັນເມືອງໄຊພູທອງ

Published on

ເປັນທີ່ຮູ້ຈັກກັນດີຂອງບັນດານັກທ່ອງທ່ຽວທັງພາຍໃນ ແລະຕ່າງປະເທດສຳລັບພະທາດໂພ່ນ ແຫຼ່ງທ່ອງທ່ຽວທາງວັດທະນະທຳອີກແຫ່ງໜຶ່ງຂອງຊາວແຂວງສະຫວັນນະເຂດ ເວົ້າລວມເວົ້າສະເພາະຂອງຊາວເມືອງໄຊພູທອງ ເນື່ອງຈາກເປັນພະທາດເກົ່າແກ່ ຊຶ່ງຊາວເມືອງໄຊພູທອງໃຫ້ຄວາມເຄົາລົບນັບຖື, ທີ່ໜ້າສົນໃຈໄປກວ່ານັ້ນ ຄືພະທາດຕັ້ງຢູ່ບ້ານໂພນທາດ ຊຶ່ງສາມາດຊົມວິວທິວທັດອັນສວຍສົດງົດງາມຂອງເມືອງໄຊພູທອງໄດ້ຢ່າງກວ້າງຂວາງ.

ພະທາດໂຜ່ນ ຫຼື ເຈົ້າແທ່ນຄໍາເຫຼືອງ ເມືອງໄຊພູທອງ ແຂວງສະຫວັນນະເຂດຕັ້ງຢູ່ຫ່າງຈາກເທສະບານເມືອງໄຊພູທອງປະມານ 22 ກິໂລແມັດ ຕາມເສັ້ນທາງເລກທີ 13 ໃຕ້ ມຸ່ງໜ້າສູ່ແຂວງຈໍາປາສັກ, ຕາມຕຳນານໄດ້ກ່າວໄວ້ວ່າ: ພະທາດອົງນີ້ສ້າງຂຶ້ນໃນຕອນຄ່ຳຂອງວັນພຸດເດືອນ 12 ພສ 236 ສ້າງ ດ້ວຍຫີນເຂົ້າຈີ່ ຫຼື ເອີ້ນວ່າ: (ຫີນໜາມໜໍ່) ກໍເປັນທາດອຸໂມງ (ຮູບໂອຂວ້ຳ) ກວ້າງດ້ານລະ 12 ວາ ສ້າງມື້ໜຶ່ງກັບຄືນໜຶ່ງກໍສຳເລັດມາເຖິງປະຈຸບັນນີ້ມີອາຍຸເຖິງ 2.500 ປີ, ສະນັ້ນສະຖານທີ່ແຫ່ງນີ້ຈຶ່ງຖືວ່າເປັນມໍລະດົກຕົກທອດ, ເປັນຊັບສົມບັດມິ່ງເມືອງທີ່ມີຄ່າສູງ, ໂດດເດັ່ນທາງດ້ານວັດທະນະທຳອັນລ້ຳຄ່າ ແລະເປັນປະຫວັດສາດ ຊຶ່ງຕິດພັນກັບແບບແຜນດຳລົງຊີວິດຂອງປະຊາຊົນລາວບັນດາເຜົ່າມາແຕ່ດຶກດຳບັນ ແລະຍັງເປັນສະຖານທີ່ທ່ອງທ່ຽວທາງດ້ານວັດທະນະທຳທີ່ສຳຄັນ ແລະມີຊື່ສຽງອີກແຫ່ງໜຶ່ງຂອງ ແຂວງສະຫວັນນະເຂດ.

ຢ່າງໃດກໍຕາມສໍາລັບບັນດານັກທ່ອງທ່ຽວທ່ານໃດຫາກມີໂອກາດເດີນທາງໄປເມືອງໄຊພູທອງ ກໍຢ່າລືມແວ່ທ່ຽວຊົມຢ້ຽມຢາມ, ກາບໄຫວ້ສັກກາລະບູຊາກໍແລ້ວກັນ ຊຶ່ງນອກຈາກຈະໄດ້ສັກກາລະບູຊາພະທາດແລ້ວຍັງຈະໄດ້ຊົມທິວທັດອັນສວຍສົດງົດງາມຂອງຕົວເມືອງ ໄຊພູທອງ ຊຶ່ງສະທ້ອນໃຫ້ເຫັນມົນສະເໜ່ແຫ່ງຄວາມຮຽບຮ້ອຍຈົບງາມ ແລະສະຫງົບສຸກຂອງຊາວເມືອງແຫ່ງນີ້ຍິ່ງຈະສ້າງຄວາມຕຶງຕາຕຶງໃຈຢ່າງສຸດແສນຈະບັນຍາຍ, ທັງເປັນການສົ່ງເສີມວັດທະນະທຳຮີດຄອງປະເພນີອັນດີງາມທີ່ໄດ້ສືບທອດກັນຫຼາຍຮຸ່ນຄົນໃຫ້ມີຄວາມຍືນຍົງຄົງຄູ່ຄົນລາວຕະຫຼອດໄປເປັນການສ້າງໂອກາດໃນການໂຄສະນາການທ່ອງທ່ຽວຂອງ ສປປ ລາວ ແລະການທ່ອງທ່ຽວຂອງເມືອງໄຊ ພູທອງເປັນການຊຸກຍູ້ສົ່ງເສີມການຜະລິດເສດຖະກິດທຸກພາກສ່ວນເສດຖະກິດ.

ໄຊພູທອງຖືວ່າເປັນເມືອງໜຶ່ງໃນດິນແດນແຫ່ງອະລິຍະທຳວັດທະນະທໍາທັງນີ້ກໍຍ້ອນເປັນທີ່ຕັ້ງຂອງພະທາດໂພ່ນ ຊຶ່ງແມ່ນປູສະນີຍະສະຖານທີ່ມີຄວາມສັກສິດຄູ່ບ້ານຄູ່ເມືອງຂອງຊາວພຸດເວົ້າລວມກໍຄືຊາວພຸດທະສາສະນິກະຊົນທີ່ໃຫ້ຄວາມເຄົາລົບບູຊາມາແຕ່ບູຮານນະການ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...