spot_img
Homeຂ່າວທ້ອງຖິ່ນຊາວນາເມືອງເຊບັ້ງໄຟ ຫັນມາຜະລິດເຂົ້າ ແບບນາຝາຍເພີ່ມຂຶ້ນ ເພື່ອຫລຸດຜ່ອນຕົ້ນທຶນ!

ຊາວນາເມືອງເຊບັ້ງໄຟ ຫັນມາຜະລິດເຂົ້າ ແບບນາຝາຍເພີ່ມຂຶ້ນ ເພື່ອຫລຸດຜ່ອນຕົ້ນທຶນ!

Published on

ໃນລະດູການຜະລິດນາປີປີນີ້ ຊາວກະສິກອນເມືອງເຊບັ້ງໄຟ ແຂວງຄຳມ່ວນ ຫັນມາຜະລິດເຂົ້າແບບນາຢອດ (ນາຝາຍ) ເພີ່ມຂຶ້ນ ເນື່ອງຈາກວ່າ ການຜະລິດດັ່ງກ່າວ ໄດ້ຊ່ວຍຫຼຸຸດຜ່ອນການໃຊ້ແຮງງານ ແລະ ຕົ້ນທຶນການຜະລິດ ບວກກັບສະພາບຝົນຕົກບໍ່ປົກກະຕິ ເຮັດໃຫ້ປະລິມານນ້ຳທີ່ໃຊ້ເຂົ້າໃນການຜະລິດເຂົ້ານາປີ ບໍ່ທັນກັບສະພາບການ ຊຶ່ງຊາວກະສິກອນໃນທົ່ວເມືອງ ໄດ້ຫັນມາຜະລິດເຂົ້າແບບນາຝາຍຈຳນວນ 3.220 ເຮັກຕາ ເທົ່າກັບ 40% ຂອງເນື້ອທີ່ແຜນການໃນທົ່ວເມືອງ.

ຕາມການລາຍງານຂອງ ຫ້ອງການກະສິກຳ ແລະ ປ່າໄມ້ເມືອງເຊບັ້ງໄຟ ໃນວັນທີ 29 ມີຖຸນາໃຫ້ຮູ້ວ່າ: ໃນທົ່ວ ເມືອງມີແຜນຜະລິດເຂົ້ານາປີ ສົກ 2016-2017 ໃນເນື້ອທີ່ທັງໝົດ 8.050 ເຮັກຕາ, ຄາດຄະເນສະມັດຖະພາບ 4,24 ໂຕນຕໍ່ເຮັກຕາ, ຜົນຜະລິດ 34.132 ໂຕນ. ໃນນີ້ມີເນື້ອທີ່ນາຝາຍ 3.220 ເຮັກຕາ ເທົ່າກັບ 40% ຂອງແຜນການ ຊຶ່ງປັດຈຸບັນແມ່ນປະຕິບັດສຳເລັດ 100% ສຳລັບນາຝາຍ, ສ່ວນເນື້ອທີ່ນາປັກດຳມີ 4.830 ເຮັກຕາ ເທົ່າກັບ 60% ຂອງແຜນການ ຊຶ່ງປັດຈຸບັນປັກດຳໄດ້ 483 ເຮັກຕາ ເທົ່າກັບ 10%.

ການຜະລິດໃນປີນີ້ ແມ່ນມີຄວາມຫຼ້າຊ້າທຽບໃສ່ປີຜ່ານມາ. ໃນນີ້ ເຂດຈຸດສຸມຜະລິດເຂົ້າເປັນສິນຄ້າມີ 6 ບ້ານຄື: ບ້ານຍາງໃຫຍ່, ບ້ານສັງ, ນາບຶງ, ຫ້ວຍລ້າງມື, ບ້ານນ້ອຍ ແລະ ບ້ານສົ້ມ ລວມມີ 187 ຄອບຄົວ, ມີເນື້ອທີ່ 424,23 ເຮັກຕາ ແລະ ກຸ່ມຜະລິດແນວພັນເຂົ້າມີ 2 ກຸ່ມຄື: ກຸ່ມຫາດຄຳຮຽງມີ 7 ຄອບຄົວ, ມີເນື້ອທີ່ 5,90 ເຮັກຕາ ແລະ ກຸ່ມບ້ານຕຶງ ມີ 15 ຄອບຄົວ, ມີເນື້ອທີ່ 7,5 ເຮັກຕາ ເປັນຕົ້ນແມ່ນແນວພັນທ່າດອກຄຳ 8 ແລະ ທ່າດອກຄຳ 11. ສຳລັບການຜະລິດພືດລະດູຝົນມີ 457 ເຮັກຕາ ເປັນຕົ້ນແມ່ນໝາກແຕງພື້ນບ້ານ, ສາລີ ຫວານ, ໝາກອຶ ແລະ ພືດຜັກອື່ນໆ.

 

ແຫລ່ງຂ່າວ:

ປຊຊ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...