Homeຂ່າວທ້ອງຖິ່ນເຕັກ­ນິກ​ວິ­ຊາ​ຊີບ​ຈຳ­ປາ​ສັກ​ ເປີດ​ມະ​ຫະ​ກຳ­ຈັດ​ຫາ​ງານ​ຄັ້ງ​ທຳ​ອິດ

ເຕັກ­ນິກ​ວິ­ຊາ​ຊີບ​ຈຳ­ປາ​ສັກ​ ເປີດ​ມະ​ຫະ​ກຳ­ຈັດ​ຫາ​ງານ​ຄັ້ງ​ທຳ​ອິດ

Published on

ວິ­ທະ­ຍາ­ໄລເຕັກ­ນິກວິ­ຊາຊີບ ແຂວງຈຳ­ປາສັກ ໄດ້ຈັດງານມະຫະກຳ ຈັດຫາງານຄັ້ງທີ I ຂຶ້ນຢ່າງມີບັນຍາກາດ ທ່າມ­ກາງຄວາມສົນ­ໃຈຂອງບັນ­ດາຜູ້ປະ­ກອບການ, ນັກ­ທຸ­ລະ­ກິດທັງພາຍໃນ ແລະຕ່າງ­ປະ­ເທດໃຫ້ຄວາມສົນ­ໃຈ; ໃນຂະ­ນະທີ່ນັກສຶກສາທີ່ຮຽນຈົບແລ້ວ ແລະ ໃກ້ຈະຈົບຕ່າງກໍ່ສົນ­ໃຈປະ­ກອບເອ­ກະສານເພື່ອສະ­ໝັກເຂົ້າເຮັດວຽກຢ່າງມີບັນ­ຍາ­ກາດ.

ພິ­ທີເປີດງານມະຫະກຳດັ່ງ­ກ່າວໄດ້ ມີຂຶ້ນໃນ ວັນທີ 4 ກໍ­ລະ­ກົດ 2016 ທີ່ສະໂມສອນຂອງວິ­ທະ­ຍາ­ໄລເອງ, ໂດຍການໃຫ້ກຽດເຂົ້າຮ່ວມເປັນປະ­ທານ ແລະຕັດແຖບຜ້າຂອງທ່ານ ນາງ ແສງສຸ­ວັນ ຊຸຍພະສິດ ຫົວ­ໜ້າພະແນກສຶກສາທິການ ແລະກີ­ລາແຂວງ, ມີບັນ­ດາທ່ານຫົວ­ໜ້າພະແນກ, ຮອງພະແນກ, ທ່ານເຈົ້າ­ເມືອງ ແລະບັນ­ດາທ່ານແຂກຜູ້ໃຫຍ່, ບັນດານັກທຸ­ລະກິດຕະ­ຫຼອດເຖິງຄູ-ອາ­ຈານ, ນັກຮຽນນັກສຶກສາເຂົ້າຮ່ວມ.

ທ່ານ ຄຳໄຂ ສຸ­ພາອອນ ຜ້ອຳ­ນວຍການວິ­ທະ­ຍາ­ໄລໄດ້ກ່າວວ່າ: ປະ­ຈຸບັນໆດາບໍ­ລິ­ສັດຕ່າງໆໃນແຂວງຈຳ­ປາສັກ ກໍຄືໃນທົ່ວປະ­ເທດຍັງມີຄວາມຫຍຸ້ງ­ຍາກ ໃນການຊອກຫາພະ­ນັກ­ງານ ເພື່ອບັນ­ຈຸເຂົ້າເຮັດວຽກໃນບໍ­ລິ­ສັດຂອງຕົນ, ອີກບັນ­ຫາໜື່ງຄືບັນ­ດານັກສຶກສາທີ່ຮຽນຈົບຍັງບໍ່ທັນຮູ້ວ່າຈະໄປຊອກຫາເຮັດວຽກບ່ອນໃດ, ດັ່ງ­ນັ້ນ ວິ­ທະ­ຍາ­ໄລຈິ່ງໄດ້ຫາວິ­ທີດ້ວຍການຈັດງານມະຫະກຳ­ຈັດຫາງານຄັ້ງທຳອິດຂື້ນ, ຈຸດ­ປະ­ສົງແມ່ນສ້າງຄວາມສະ­ດວກໃຫ້ກັບບັນ­ດາບໍລິສັດຕ່າງໆທີ່ມີຄວາມຕ້ອງ­ການແຮງງານ, ໂດຍສະ­ເພາະແມ່ນນັກ­ຮຽນທີ່ຮຽນຈົບຈາກມັດ­ທະ­ຍົມຕອນຕົ້ນ, ຕອນປາຍຈະເຫັນໄດ້ວ່າ­ການເຂົ້າຮຽນວິ­ຊາຊີບ ເປັນທາງເລືອກທີ່ດີ ແລະສຳ­ຄັນໃນການສະໜັກເຂົ້າເຮັດວຽກນຳບໍ­ລິ­ສັດພາຍ­ຫຼັງຮຽນຈົບ, ການຈັດງານຄັ້ງນີ້ຍັງເພື່ອເຮັດ ໃຫ້ຜູ້ທີ່ຮຽນຈົບທີ່ກຳ­ລັງຊອກຫາວຽກເຮັດງານທຳໄດ້ມີໂອ­ກາດສະ­ໝັກວຽກ, ທັງເຮັດໃຫ້ນັກ­ຮຽນມັດ­ທະ­ຍົມຕອນຕົ້ນ, ຕອນປາຍໃຫ້ໄດ້ຄວາມສຳ­ຄັນ ແລະຫັນກັນເຂົ້າມາຮຽນວິ­ຊາຊີບຫຼາຍຂຶ້ນ.

ທ່ານ ນາງ ແສງສຸ­ວັນ ຊຸຍພະສິດ ກ່າວວ່າ: ເພື່ອສ້າງໃຫ້ໄດ້ກຳ­ລັງແຮງງານທີ່ມີຄຸນນະພາບ ແລະສາ­ມາດຕອບສະ­ໜອງຕາມຄວາມຕ້ອງ­ການຂອງບັນ­ດາຫົວ­ໜ່ວຍທຸ­ລະກິດ, ການຜະ­ລິດ ແລະ ການບໍ­ລິ­ການຕ່າງໆຢ່າງຕໍ່ເນື່ອງ ແລະ ຢືນຍົງ, ໂດຍສະ­ເພາະແມ່ນນາຍຊ່າງ, ນັກ­ວິ­ຊາ­ການ, ວິ­ສະ­ວະ­ກອນ, ນັກວິທະຍາສາດອື່ນໆ.. ທີ່ສັງ­ຄົມມີຄວາມຕ້ອງ­ການຫຼາຍໃນປະ­ຈຸບັນ, ດັ່ງ­ນັ້ນ ການຈັດງານຄັ້ງນີ້ແມ່ນສຸດແຕ່ມີຄວາມໝາຍຄວາມສຳ­ຄັນ ໂດຍສະ­ເພາະແມ່ນມີຜົນປະ­ໂຫຍດໃຫ້ກັບບັນ­ດາບໍ­ລິ­ສັດຕ່າງໆທີ່ມີຄວາມຕ້ອງ­ການແຮງງານ ເພື່ອບັນ­ຈຸເຂົ້າໃນໜ້າວຽກຕ່າງໆຂອງບໍ­ລິ­ສັດ, ມີຜົນປະ­ໂຫຍດຕໍ່ບັນ­ດານັກ­ຮຽນທີ່ຮຽນຈົບແລ້ວ ແຕ່ຍັງບໍ່ທັນມີບ່ອນເຮັດວຽກງານທີ່ດີສາ­ມາດເຂົ້າໄປສະ­ໝັກເຮັດວຽກນຳບໍ­ລິ­ສັດທີ່ຕົນເອງມັກ ແລະມີຄວາມຮູ້ຄວາມສາ­ມາດທາງດ້ານທີ່ຕົນໄດ້ຮຽນມາ ແລະນອກ­ຈາກນີ້ຍັງເປັນການຍົກລະດັບສາ­ຂາວິ­ຊາທີ່ມີຄວາມຈຳ­ເປັນໃນການປະ­ກອບວິ­ຊາອາ­ຊີບໃຫ້ນັກສຶກສາ.

ທີ່ມາ: ນສພ ເສດຖະກິດ-ສັງຄົມ

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...