spot_img
Homeຂ່າວຕ່າງປະເທດອິນ​ໂດ​ຜ່ານ​ຮ່າງ​ກົດ​ໝາຍ​ນິລະ​ໂທດ​ສະ​ກຳ​ທາງ​ພາສີ ຫວັງ​ກະ​ຕຸ້ນ​ເສດຖະກິດ

ອິນ​ໂດ​ຜ່ານ​ຮ່າງ​ກົດ​ໝາຍ​ນິລະ​ໂທດ​ສະ​ກຳ​ທາງ​ພາສີ ຫວັງ​ກະ​ຕຸ້ນ​ເສດຖະກິດ

Published on

ລັດຖະສະພາ​ອິນ​ໂດ​ເນ​​ເຊຍ​ຜ່ານ​ຮ່າງ​ກົດໝາຍ​ນິ​ລະ​ໂທ​ດສະ​ກຳ​ທາງ​ພາສີ​ແລ້ວ​ໃນ​ມື້​ນີ້ ຫວັງ​ກະ​ຕຸ້ນ​ເສດຖະກິດ ​ເຖິງ​ວ່າ​ຈະ​ຖືກ​ວິຈານ​ວ່າ​ຈະ​ເປີດ​ຊ່ອງ​ໃຫ້​ຜູ້​ລ່ຽງພາສີ​ຫຼຸດ​ລອດ​ຈາກ​ການ​ຖືກ​ລົງ​ໂທດ.

ສະມາຊິກ​ສະພາ​ອະພິປາຍ​ຖົກ​ຖຽງ​ຮ່າງ​ກົດໝາຍ​ນີ້​ຫຼາຍ​ເດືອນ​ຈົນ​ຫຼ້າ​ຊ້າ​ກວ່າ​ທຳ​ນົດ ຈົນ​ເຖິງ​ຂັ້ນ​ໄດ້​ຮັບ​ຄວາມ​ເຫັນ​ດີ​ຈາກ​ພັກ​ການ​ເມືອງ​ໃນ​ສະພາ 9 ​ໃນ 10 ພັກ, ທ່ານ ບັມບັງ ບຣອດ​ໂຈ​ເນ​ໂກ​ໂຣ ລັດຖະມົນຕີ​ຄັງ​ກ່າວຕໍ່​ລັດຖະສະພາ​ຫຼັງ​ຜ່ານ​ຮ່າງ​ກົດໝາຍ​ວ່າ ລັດຖະບານ​ຫວັງ​ວ່າ​ກົດໝາຍ​ນີ້​ຈະ​ຊ່ວຍ​ນຳ​ເງິນ​ທີ່​ເປັນ​ຂອງ​ຊາວ​ອິນ​ໂດ​ເນ​ເຊຍ​ກັບ​ມາ​ຈາກ​ປະ​ເທດ​ເພື່ອ​ໝຸນ​ວຽນ​ໃນ​ລະບົບ ​ແລະ​ກະ​ຕຸ້ນ​ໃຫ້​ເສດຖະກິດ​ປະ​ເທດ​ເຕີບ​ໂຕ ຄາດ​ວ່າ​ຈະ​ເຮັດ​ໃຫ້​ລັດ​ມີ​ລາຍ​ໄດ້​ເພີ່ມຂຶ້ນ 165 ລ້ານ​ລ້ານຣູ​ເປຍ ​ໃນ​ປີ​ນີ້ ​ໂດຍ​ສະ​ເໝີ​ເກັບ​ພາສີ​ອັດ​ຕໍ່າ​ກັບ​ຜູ້​ແຈ້ງ​ຊັບ​ສິນ​ທີ່​ບໍ່​ໄດ້​ເສຍ​ພາສີ​ກັບ​ທາງ​ການ ​ໃຫ້​ເວລາ​ຈົນ​ເຖິງ​ເດືອນ​ມີນາ​ປີໜ້າ ຍິ່ງ​ແຈ້ງ​ໄວ ​ແລະ ສະໝັກ​ໃຈ​ສົ່ງ​ເງິນ​ກັບປະ​ເທດ​ຈະ​ຍິ່ງ​ເສຍ​ພາສີ​ໜ້ອຍ.

ປະຈຸ​ບັນ ອິນ​​​​ໂດ​ເນ​ເຊຍ​ມີ​ຜູ້​ລົງ​ທະບຽນ​ເສຍ​ພາສີ​ພຽງ 30 ລ້ານ​ຄົນ​ຈາກ​ຈຳນວນ​ຜູ້​ຂຶ້ນ​ທະບຽນ​ເຮັດ​ວຽກ​ທັງ​ໝົດ 90 ລ້ານ​ຄົນ ຂະນະ​ທີ່​ປະຊາກອນ​ທົ່ວ​ປະ​ເທດ​ມີ​ຫຼາຍ​ກວ່າ 260 ລ້ານ​ຄົນ ​ໂດຍ​ມີ​ຜູ້​ບໍ່ເຫັນ​ນຳ​ກັບ​ຮ່າງ​ກົດໝາຍ​ນີ້​ວ່າ ​ເທົ່າ​ກັບປ່ອຍ​ໃຫ້​ຜູ້​ລ່ຽງພາສີ​ລອຍ​ນວນ​ບໍ່​ຖືກ​ລົງ​ໂທດ ນອກຈາກ​ນີ້​ຍັງ​ບໍ່​ເປັນ​ທຳ​ກັບ​ຜູ້​ເສຍ​ແບບ​ຊື່ສັດ ​ເພາະສະ​ເໝີ​ເກັບ​ພາສີ​ຜູ້​ແຈ້ງ​ຊັບ​ສິນ​ທີ່​ບໍ່​ໄດ້​ເສຍ​ພາສີ​ໃນ​ອັດຕາ​ຕໍ່າ​ພຽງ​ 2-10% ຂະນະ​ທີ່​ຜູ້​ເສຍ​ພາສີ​ແບບ​ຖືກຕ້ອງ​ຖືກ​ຮຽກ​ເກັບ​ໃນ​ອັດຕາ​ສູງ​ສຸດ​ເຖິງ 20%.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...