spot_img
Homeຂ່າວພາຍ​ໃນຜົນກະທົບຂອງການແຍກໂຕອອກຈາກ ອີຢູ ຂອງອັງກິດ ທີ່ສົ່ງຜົນດ້ານການເງິນໃຫ້ແກ່ 5 ທີມຍັກໃຫຍ່ໃນພຣີເມຍລີກ

ຜົນກະທົບຂອງການແຍກໂຕອອກຈາກ ອີຢູ ຂອງອັງກິດ ທີ່ສົ່ງຜົນດ້ານການເງິນໃຫ້ແກ່ 5 ທີມຍັກໃຫຍ່ໃນພຣີເມຍລີກ

Published on

ຫຼັງຈາກທີ່ປະເທດອັງກິດປະກາດແຍກໂຕອອກຈາກ EU (ອີຢູ) ຫຼາຍໆຄົນກໍເປັນກັງວົນວ່າຈະສົ່ງຜົນເຖິງສະຖານະການໃນພຣີເມຍລີກ ລີກເຕະບານແດນຜູ້ດີທີ່ມີມູນຄ່າຫຼາຍທີ່ສຸດໃນໂລກຫຼືບໍ່?.

image

ມື້ນີ້ເຮົາມີຂໍ້ມູນຈາກ One Football ທີ່ໄດ້ລວບລວມເອົາສະຖິຕິຈຳນວນເງິນທີ່ເສຍໄປຫຼັງຈາກ “Brexit” ຫຼື “ເບຣັກຊິດ” ພຽງຂ້າມວັນ ຈຶ່ງພົບວ່າ ເຊວຊີ ເປັນສະໂມສອນທີ່ມີມູນຄ່າຕົກລົງຫຼາຍທີ່ສຸດຕາມສະຖານະຂອງທີມທີ່ມີມູນຄ່າສູງສຸດໃນພຣີເມຍລີກ ຈາກມູນຄ່າໃນຕະຫຼາດ 499,162,500 ລ້ານຢູໂຣ ແຕ່ຫຼັງຈາກປະກາດ ເບຣັກຊິດ ພຽງຂ້າມວັນ ມູນຄ່າກໍຫຼຸດລົງຢູ່ທີ່ 478,152,000 ລ້ານຢູໂຣ ເສຍເງິນໄປເຖິງ 21,037,500 ລ້ານຢູໂຣ ພຽງມື້ດຽວເທົ່ານັ້ນ.

ຮອງລົງມາກໍເປັນ ແມນຯ ຊິຕີ້ ຈາກມູນຄ່າ 479,339,550 ລ້ານຢູໂຣ ຫຼັງຈາກປະກາດ ເບຣັກຊິດ ກໍຫຼຸດລົງຢູ່ທີ່ 459,137,500 ລ້ານຢູໂຣ ເຊິ່ງເສຍເງິນໄປເຖິງ 20,202,050 ລ້ານຢູໂຣ ເລີຍ, ສ່ວນອັນດັບ 3 ທີ່ເສຍເງິນໄປ 18,469,550 ລ້ານຢູໂຣແມ່ນ ອາຣ໌ເຊນອນ ເຖິງຈະຂຶ້ນຊື່ວ່າເປັນທີມທີ່ມີກຳໄລທຸກໆປີກໍຕາມ.

ອັນດັບ 4 ເປັນທາງ ແມນຯ ຢູໄນເຕັດ ອີກທີມທີ່ກຳໄລຂຶ້ນທຸກປີ ກໍຕ້ອງເສຍເງິນໄປ 17,397,050 ລ້ານຢູໂຣ ແລະ ອັນດັບ 5 ແມ່ນທາງ ລິເວີພູ ທີ່ເສຍເງິນໄປເຖິງ 15,033,700 ລ້ານຢູໂຣ ຖືວ່າເປັນໂຕເລກທີ່ສູງຫຼາຍຖ້າທຽບມູນຄ່າທີມກັບ ແມນຯ ຢູໄນເຕັດ ເພາະຫ່າງກັນເຖິງ 61 ລ້ານຢູໂຣ

ເຖິງວ່າໂຕເລກການປະເມີນເຫຼົ່ານີ້ອາດບໍ່ສົ່ງຜົນຮ້າຍແຮງຕໍ່ສະໂມສອນໃນພຣີເມຍລີກ ແຕ່ນີ້ກໍເປັນສັນຍານໜຶ່ງທີ່ຈະເຮັດໃຫ້ຫຼາຍໆ ທີມຕ້ອງປັບໂຕກັນຫຼາຍພໍສົມຄວນ ລວມໄປເຖິງການຊື້ຂາຍນັກເຕະທີ່ອາດຈະຕ້ອງປ່ຽນແຜນໃໝ່ອີກໄລຍະໜຶ່ງເລີຍ.

ທີ່ມາ: 90min,ເດັກລາວ

ບົດຄວາມຫຼ້າສຸດ

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...