ລູກຊາຍໃນຄີງແທ້ໆເມົາຢາບ້າຂ້າແມ່ໂຕເອງໃນຕອນເຊົ້າເວລາ 3:00 ໂມງຂອງວັນທີ 23 ມິຖຸນາ 2016 ນີ້ ຢູ່ບ້ານນາຊິງ ເມືອງພຽງ ແຂວງໄຊຍະບູລີ.
ຈາກແຫລ່ງຂ່າວໄດ້ເປີດເຜີຍວ່າ: ຄາດຕະກອນທາດຢາບ້າລາຍນີ້ ຂົມຂືນ ແລະ ລົງມືເອົາມີດປາດຄໍແມ່ໂຕເອງ ຍ້ອນປ່ວງບ້າເພາະພິດຢາບ້າ.
ຂະນະທີ່ ສະພາບຄົນກິນຢາບ້າ ແລະ ຄ້າຂາຍປັດຈຸບັນຍັງມີທ່າອ່ຽງເພີ່ມຂຶ້ນໃນກຸ່ມໄວໜຸ່ມຍິງຊາຍ, ໄວກາງຄົນ ແລະ ກຸ່ມກໍາມະກອນແບບຮາບ ເຊິ່ງໄດ້ກາຍເປັນໄພຄຸກຄາມຄວາມບໍ່ສະຫງົບ ແລະ ສ້າງຄວາມວິຕົກກັງວົນໃຫ້ປະຊາຊົນບໍ່ໜ້ອຍເຫັນໄດ້ຈາກສະພາບການຂີ້ລັດງັດແງະ, ຊິງຊັບພົນລະເມືອງ, ຂ້າເຈົ້າເອົາຂອງ, ປຸ້ນສະດົມພົນລະເມືອງ ແລະ ອື່ນໆ. ສັງຄົມສ່ວນໃຫຍ່ຮຽກຮ້ອງໃຫ້ເຮັດການປະຕິວັດກ່ຽວກັບຢາເສບຕິດຮີບດ່ວນດ້ວຍການປາບປາມການຫລິ້ນກິນຟູມເຟືອຍ, ຕັ້ງຮ້ານກິນດື່ມຊະຊາຍຢາຍຢັງບໍ່ຖືກລະບຽບ, ເປີດຮ້ານບັນເທີງກາຍໂມງກາຍເວລາ, ຊາວຕ່າງປະເທດເຂົ້າມາຕັ້ງຮ້ານເສີມສວຍແອບແຝງດ້ວຍວິທີຂາຍບໍລິການ ແລະ ຄ້າສິ່ງເສບຕິດ, ການເຄື່ອນຍ້າຍພົນລະເມືອງຖືກເຊື່ອງອໍາຈາກອໍານາດການປົກຄອງບ້ານ ແລະ ອື່ນໆ.
ອຸທາຫອນສອນໃຈນີ້ແຫຼະຜິດໄພຂອງຢາເສບຕິດ(ຢາບ້າ) ທຳລາຍຄົນທຳລາຍຊາດ ພວກເຮົາເປັນຍຸກໃໝ່ຕ້ອງຫ່າງໃກຢາເສບຕິດ ຢ່າຕົກເປັນທາດຢາເສບຕິດແລ້ວຊີວິດຈະມີຄວາມສຸກ
ພາບ ແລະ ຂ່າວໂດຍ: ປິງແກ້ວ
ທີ່ມາຂ່າວ: ສຳນັກຂ່າວສານປະເທດລາວ