ການແຂ່ງຂັນບານເຕະເອີໂຣ 2016 ນັດທີ 3 ຮອບແບ່ງກຸ່ມຂອງກຸ່ມ D ເປັນການພົບກັນລະຫວ່າງ ໂຄອາຊີ ພົບກັບ ແອດສະປາຍ ໃນເວລາ 02:00 ໂມງ
ທັດສະນະ
ໂຄອາຊີ ຂໍພຽງແຕ່ 1 ຄະແນນໃນເກມນັດນີ້ກໍຈະກາລັນຕີການເປັນທີ 2 ຂອງກຸ່ມ ແລະຈະເຮັດໃຫ້ພວກພວກເຂົາໄດ້ຜ່ານເຂົ້າຮອບຕໍ່ໄປທັນທີ ແຕ່ຖ້າເສຍກໍຕ້ອງໄປລຸ້ນຜົນຂອງອີກຄູ່ລະຫວ່າງສາທາລະນະລັດເຊັກ ແລະຕວກກີ ຕ້ອງລຸ້ນໃຫ້ເຊັກບໍ່ຊະນະ, ໂຄອາຊີເກັບໄດ້ 4 ຄະແນນຈາກຜົນງານຊະນະຕວກກີ 1-0 ແລະສະເໝີກັບສາທາລະນະລັດເຊັກ 2-2 ປະຕູ, ລູກ້າ ໂມດລິດ ທີ່ມີບັນຫາອາການບາດເຈັບໃນເກມນັດທີ່ຜ່ານມາຈົນຕ້ອງຖືກປ່ຽນຕົວອອກ ອາດຈະຍັງຫາຍເຈັບບໍ່ທັນໃນເກມນັດນີ້, ມັດເຕໂອ ໂຄວາຊິຊ ໜ້າຈະໄດ້ລົງຫລິ້ນແທນ.
ນອກຈາກນັ້ນອາດຈະຍັງຄົງໃຊ້ຜູ້ຫລິ້ນຊຸດເດີມຈາກນັດທີຜ່ານມາ ໃນແນວບຸກກຍັງມີທີເດັດຈາກ ອິວານ ລາຄິຕິດ, ມາລິໂອ ມານຊູຄິດ ແລະ ອິວານ ເປລິຊິຊ ທາງຝັ່ງທີມຊາດ ແອດສະປາຍ ເກັບ 6 ຄະແນນເຕັມຈາກການຊະນະລວດມາທັງ 2 ນັດ ທີມກາລັນຕີການຜ່ານເຂົ້າຮອບຕໍ່ໄປແນ່ນອນແລ້ວ ເກມນີ້ລຸ້ນພຽງວ່າຈະໄດ້ເປັນທີ່ 1 ຂອງກຸ່ມຫລືບໍ່ ຂໍພຽງສະເໝີຕຳແໜ່ງແຊມປ໌ກຸ່ມກໍຢູ່ໃນມື ສະພາບທີມຂອງ ແອດສະປາຍ ໃນເກມນີ້ ບໍ່ມີນັກເຕະບາດເຈັບຫລືຕິດໂທດແບນ ທຸກຄົນພ້ອມລົງສະຫນາມຊ່ວຍທີມ ແຕ່ມີຂ່າວວ່າ ເປໂດນ ປີກຕົວເກັ່ງຂອງເຊວຊີ ອາດຈະບໍ່ໄດ້ລົງ ຫລັງມີຂ່າວອອກມາວິພາກວິຈານ ວິເຊນເຕ້ ເດນບອດເກ້ ຄູເຝິກທີມຊາດ ແອດສະປາຍ ວ່າບໍ່ຄ່ອຍສົ່ງຕົວເອງລົງຫລິ້ນໃນທົວນາເມັນນີ້ ໂຄອາຊີ ຖືວ່າເຮັດຜົນງານໄດ້ດີໃນ 2 ນັດທີ່ຜ່ານມາ ພຽງແຕ່ນັດທີ່ແລ້ວໄປພາດທ່າແບບຕ້ອງໂທດຕົວເອງກັບການເສຍ 2 ປະຕູໃຫ້ກັບເຊັກໃນຊ່ວງທ້າຍເກມ ທັງທີ່ເຮັດປະຕູນຳຫ່າງ 2-0 ແລະຮູບເກມໂດຍລວມກໍດີກວ່າ, ສ່ວນ ແອດສະປາຍ ກໍບໍ່ຕ້ອງເນັ້ນຫຍັງຫລວງຫລາຍເພາະເຂົ້າຮອບແນ່ນອນແລ້ວ ເບິ່ງແລ້ວມີຄວາມເປັນໄປໄດ້ສູງທີ່ທັງ 2 ທີມຈະຫລິ້ນກັນແບບບໍ່ຫນັກປານໃດ ເກມນີ້ເບິ່ງແລ້ວອາດຈະຈົບດ້ວຍການສະເໝີກັນ