ການແຂ່ງຂັນບານເຕະເອີໂຣ 2016 ນັດທີ 3 ຮອບແບ່ງກຸ່ມຂອງກຸ່ມ C ເປັນການພົບກັນລະຫວ່າງ ອູແກຣນ ພົບກັບ ໂປໂລຍ ໃນເວລາ 23:00 ໂມງ
ທັດສະນະ
ອູແກຣນ ຈະຕ້ອງຕົກຮອບແນ່ນອນແລ້ວ ຈາກການເສຍລວດ ບໍ່ມີຈັກຄະແນນຈາກ 2 ນັດທີ່ຜ່ານມາ ຍິງປະຕູບໍ່ໄດ້ ແລະເສຍເຖິງ 4 ປະຕູ ສ່ວນ ໂປໂລຍ ມີ 4 ຄະແນນຈາກການຊະນະໄອແລນເໜືອ 1-0 ປະຕູ ແລະສະເໝີເຢຍລະມັນ 0-0 ປະຕູ, ໂປໂລຍ ຍັງຕ້ອງການ 3 ຄະແນນ ໃນເກມນັດນີ້ເພື່ອກາລັນຕີການເຂົ້າຮອບ ເພາະຖ້າເສຍຫລືສະເໝີ ແລ້ວຜົນອີກຄູ່ຫນື່ງໃນກຸ່ມດຽວກັນເປັນທາງດ້ານ ໄອແລນເໜືອ ສາມາດຊະນະເຢຍລະມັນ ໄປໄດ້ ໂປໂລຍ ມີສິດຕົກລົງມາຢູ່ທີ່ 3 ທັນທີ
ອູແກຣນ ກັບ ໂປໂລຍ ເຄີຍພົບກັນມາ 7 ເທື່ອ ເປັນທາງດ້ານ ອູແກຣນ ທີ່ຊະນະ 3 ເທື່ອ ໂປໂລຍ ຊະນະ 2 ເທື່ອ ແຕ່ເກມນັດນີ້ ໂປໂລຍ ທີ່ຍັງຕ້ອງການ 3 ຄະແນນໜ້າຈະມີຄວາມຕັ້ງໃຈຫລາຍກວ່າອູແກຣນ
ຜົນງານ ແລະ ຕົວຜູ້ຫລິ້ນໃນບານເຕະເອີໂຣເທື່ອນີ້ ທຽບກັນແລ້ວໂປໂລຍເບິ່ງດີກວ່າ ເກມນີ້ໜ້າຈະເປັນທາງໂປໂລຍທີ່ຈະເປັນຝ່າຍທີ່ເອົາຊະນະ