ພໍ່ແມ່ບາງຄົນ ອາດຈະເຂີນອາຍບໍ່ກ້າສະແດງອອກຕໍ່ລູກ ໂດຍສະເພາະເມືອລູກໃຫຍ່ຂື້ນ ຫຼື ພໍ່ແມ່ບາງຄົນຮັກລູກ ແລະ ແຕ່ບໍ່ມັກສະແດງອອກ ເພາະຄິດວ່ານີ້ເປັນສິ່ງບໍ່ຈຳເປັນ ເພາະຄິດວ່າເຖິງຢ່າງໃດລູກກໍ່ຮູ້ແລ້ວວ່າພວກທ່ານຮັກເຂົາຫຼາຍພຽງໃດ ທີ່ຈິງແລ້ວເລື່ອງນີ້ເປັນເລື່ອງທີ່ສຳຄັນຫຼາຍ ການບອກຮັກຜ່ານການກະທຳກໍ່ເປັນອີກສິ່ງໜຶ່ງທີ່ຈະເຮັດໃຫ້ຜູ້ເປັນພໍ່ແມ່ ແລະ ລູກບໍ່ຫ່າງເຫີນກັນຫຼາຍ ວັນນີ້ເຮົາລອງມາປ່ຽນທັດສະນະຄະດີດ້ວຍການເຮັດສິ່ງເຫຼົ່ານີ້ກັບລູກລອງເບິ່ງ

1.ຢ່າຫຼິ້ນໂທລະສັບເມື່ອຢູ່ກັບລູກ ທ່ານຄວນໃສ່ໃຈຖາມທຸກສຸກຂອງລູກແນ່ບໍ່ແມ່ນສົນໃຈແຕ່ໂທລະສັບ

2.ປິດໂທລະພາບ ແລະ ສື່ຕ່າງໆໄວ້ກ່ອນ ແລະ ຫັນມາຫຼິ້ນກັບລູກແທນ

3.ໃຫ້ເວລາຊ່ວງກ່່ອນນອນກັບລູກ ເຊັ້ນ: ການເລົ່ານິທານ ຫຼື ການໂອ້ລົມ

4.ສະແດງຄວາມຮັກ ເຊັ່ນ: ການຈັບບ່າເບົາໆ ການລູບຫົວເບົາໆ ການກອດ ການຫອມ

5.ໃຊ້ເວລາຫວ່າງຢູ່ກັບລູກບາງຄັ້ງ ເຊັ່ນ: ການຫຼິ້ນກີລາ, ຫລິ້ນເກມ…ບໍ່ແມ່ນຫວ່າງຍາມໃດກໍ່ໄປຫຼິ້ນແຕ່ກັບເພື່ອນຝູງ

6.ລົງໂທດລູກດ້ວຍຄວາມຮັກ ຈົ່ງລົງໂທດລູກຢ່າງມີເຫກຜົນ ສອນໃຫ້ເຂົາຮຽນຮູ້ຈາກຄວາມຜິດພາດ

7.ເວົ້າຢອກລູກ ຫຼື ໃຫ້ກຳລັງໃຈລູກ

8.ເບິ່ງຕາລູກ ໃນການສື່ສານກັບລູກທ່ານຄວນເບິ່ງໜ້າເບິ່ງຕາລູກທຸກຄັ້ງທີ່ລົມກັບລູກ

9.ຍີ້ມໃຫ້ລູກ ເມື່ອກັບມາຈາກບ່ອນເຮັດວຽກສິ່ງທຳອິດທີ່ເຫັນໜ້າລູກແມ່ນການຍິ້ມໃສ່ເພື່ອການທັກທາຍທີ່ເປັນມິດ

10.ຈົ່ງເປັນຕົວຢ່າງທີ່ດີໃຫ້ກັບລູກບໍ່ວ່າເລື່ອງໃດກໍ່ຕາມ

11.ໃຫ້ລູກຕັດສິນໃຈໃນບາງເລື່ອງດ້ວຍຕົວຂອງລາວເອງ

12.ເຂົ້າຫາທັນທີເມື່ອເຫັນວ່າລູກມີເລື່ອງບໍ່ສະບາຍໃຈ

13.ເກັບສະສົມຂອງຂັວນທີ່ລູກເອົາໃຫ້

14.ຢ່າເວົ້າແຊກໃນເລື່ອງທີ່ລູກກຳລັງເລົ່າ ຫຼື ເວົ້າອະທິບາຍ

15.ຢ່າລືມໃຫ້ຂອງຂັວນແກ່ລູກໃນໂອກາດທີ່ເໝາະສົມ

ທີ່ມາ: http://women.mthai.com/