spot_img
Homeສຸຂະພາບ ແລະ ສີ່ງແວດລ້ອມນ້ຳແຮ່ທາດ ມີຄວາມສຳຄັນຫຼາຍຕໍ່ຜູ້ອາຍຸສູງ

ນ້ຳແຮ່ທາດ ມີຄວາມສຳຄັນຫຼາຍຕໍ່ຜູ້ອາຍຸສູງ

Published on

ການເກີດເປັນໂຣກໄພໄຂ້ເຈັບຂອງຄົນເຮົານັ້ນ ແມ່ນເກີດຈາກຄວາມບໍ່ສົມດຸນໃນຮ່າງກາຍ ຫົວໃຈຂອງການບໍ່ມີໂຣກໄພໄຂ້ເຈັບ ບໍ່ແມ່ນຢູ່ທີ່ການຮັກສາ ແຕ່ມັນຢູ່ທີ່ວ່າເຮົາຈະປ້ອງກັນມັນແບບໃດ ເພື່ອບໍ່ໃຫ້ເກີດຂຶ້ນກັບຕົນເອງ ນັບຫຼາຍພັນປີມາແລ້ວທີ່ຄົນເອີລົບ ຮູ້ກັນດີວ່າຄຸນຄ່າຂອງແຮ່ທາດໃນນ້ຳທຳມະຊາດ ຈະສາມາດຊ່ວຍຮັກສາສົມດຸນຂອງເຄມີໃນອະໄວຍະວະຕ່າງໆຂອງຮ່າງກາຍໄດ້ ເມື່ອດື່ມເປັນປະຈຳຈະຊ່ວຍໃຫ້ສຸຂະພາບແຂງແຮງ ແລະອາຍຸຍືນຍາວ. ທ່ານເຄີຍຮູ້ຫລືບໍ່ວ່່າ ? ທີ່ເມືອງ TOKUNOSHIMA ໃນປະເທດຍີ່ປຸ່ນ ມີຊາຍທີ່ມີອາຍຸຍືນຍາວທີ່ສຸດໃນໂລກ ມີອາຍຸເຖິງ 115 ປີ ແລະຄວາມລັບທີ່ເປັນປັດໄຈສຳຄັນທີ່ຊ່ວຍໃຫ້ຊາວເມືອງນີ້ ມີອາຍຸສະເລ່ຍທີ່ສູງຫຼາຍນັ້ນກໍຄື ແຫຼ່ງນ້ຳດື່ມຂອງຊາວເມືອງນີ້ນັ້ນເອງ ເຊິ່ງເປັນແຫຼ່ງນ້ຳແຮ່ຈາກທຳມະຊາດ.

ເຮົາຈະມີຊີວິດຢູ່ບໍ່ໄດ້ເດັດຂາດ ຖ້າຫາກຮ່າງກາຍຂາດແຮ່ທາດທີ່ສຳຄັນໆ ເມື່ອເຮົາອາຍຸຫຼາຍຂຶ້ນ ແຮ່ທາດບາງໂຕກໍຍິ່ງມີຄວາມສຳຄັນຫຼາຍຂຶ້ນ ເພາະເກີດຈາກພາວະການໄດ້ຮັບສານອາຫານບຳລຸງບໍ່ພຽງພໍ ແລະພາວະການດູດຊຶມສານອາຫານດ້ອຍປະສິດທິພາບ ຕົວຢ່າງແຮ່ທາດທີ່ສຳຄັນບາງໂຕເຊັ່ນ :

ແຄລຊຽມ : ຈະຊ່ອຍເສີມສ້າງກະດູກແລະແຂ້ວໃຫ້ແຂງແຮງ ຖ້າຂາດແຮ່ທາດນີ້ ຈະເກີດໂຣກກະ ດູກຜ່ອຍ ໂດຍສະເພາະຄົນທີ່ມີອາຍຸສູງ ເຮົາບໍ່ຮູ້ເລີຍວ່າ ຖ້າຫາກໃນກະແສເລືອດ ມີແຄລຊຽມບໍ່ພຽງພໍ ຮ່າງກາຍມັນຈະດຶງເອົາແຄລຊຽມຈາກສ່ວນທີ່ສາມາດດຶງມາໃຊ້ໄດ້ງ່າຍທີ່ສຸດ ແລະສ່ວນນັ້ນກໍຄືກະດູກຂາຂອງທ່ານນັ້ນເອງ ແລະນີ້ເປັນສັນຍານທີ່ບອກວ່າ ໂລກກະດູກມັນຈະຜ່ອຍ.

ແມັກນີຊຽມ : ຊ່ວຍຄວບຄຸມການເຮັດວຽກຂອງຫົວໃຈ ແລະກ້າມເນື້ອ ເສີມສ້າງພະລັງງານໃນເຊວຕ່າງໆ ເພື່ອໃຊ້ໃນການສັງເຄາະໂປຕີນ ຊ່ວຍການຮັກສາໂຣກຫົວໃຈຂາດເລືອດ ໃນພາວະທີ່ຮ່າງກາຍຂາດແມັກນີຊຽມ ອາດຈະເກີດຈາກການດື່ມເຫຼົ້າຫຼາຍເກີນໄປ ເຊິ່ງສົ່ງຜົນໃຫ້ຫົວໃຈບໍ່ເຮັດວຽກ ບໍ່ປົກກະຕິ ຫງຸດຫງິດ ແລະສັບສົນ.

ໂປຕາດຊຽມ : ຊ່ອຍນຳອົກຊີແຊນໄປສູ່ສະໝອງ ມີຄວາມສຳຄັນກັບລະບົບປະສາດຄວບຄຸມການເຕັ້ນຂອງຫົວໃຈ ຫລຸດຄວາມດັນເລືອດ ປ້ອງກັນຫຼອດເລືອດໃນສະໝອງອັດຕັນ ເຮັດໃຫ້ກ້າມເນື້ອຫົດໂຕໄດ້ຢ່າງຖືກຕ້ອງ.

ໂຊດຽມ : ຊ່ອຍຄວບຄຸມຄວາມສົມດຸນຂອງນ້ຳໃນຮ່າງກາຍ ແລະຄວາມຄຸມຄວາມເປັນກົດດ່າງໃນນ້ຳ.

ຊັບເຟດ : ຊ່ອຍໃນການຈະເລີນເຕີບໂຕຂອງກະດູກ ແລະຊ່ອຍໃນການແຂງໂຕຂອງເລືອດ ປ້ອງກັນອາການເລືອດໄຫຼບໍ່ຢຸດ.

ໄບຄາບໍເນດ : ຊ່ອຍຫຼຸດກົດໃນກະເພາະ ແລະແກ້ທ້ອງອືດ.

ເຫຼັກ : ເປັນທາດທີ່ຈຳເປັນຕໍ່ການສ້າງເມັດເລືອດແດງ ເປັນໂຕນຳອົກຊີແຊນເຂົ້າສູ່ເມັດເລືອດແດງ ຖ້າຂາດຈະເຮັດໃຫ້ເປັນໂຣກເລືອດຈາງ ຜູ້ໃຫຍ່ທີ່ມີບັນຫາກ່ຽວກັບການເຄື່ອນໄຫວໄປມາ ແມ່ນເກີດມາຈາກລະດັບທາດເຫລັກໃນເລືອດຕໍ່າກວ່າປົກກະຕິ.

ສັງກະສີ : ມີບົດບາດສຳຄັນຕໍ່ການເສີມສ້າງຂະບວນການຮັກສາບາດແຜ ນອກຈາກນັ້ນຍັງມີຜົນຕໍ່ປະສິດທິພາບໃນການຊີມຣົດອາຫານແລະດົມກິ່ນ ຊ່ອຍເສີມສ້າງຄວາມແຂງແຮງ ໃຫ້ລະບົບພູມຄຸ້ມກັນ ເພື່ອຕໍ່ສູ້ກັບການຕິດເຊື້ອ.

ເມື່ອທ່ານໄດ້ຮັບຮູ້ເຖິງຄວາມສຳຄັນຂອງແຮ່ທາດທີ່ມີຄວາມສຳຄັນຕໍ່ຮ່າງກາຍແລ້ວ ດັ່ງນັ້ນ ທ່ານຕ້ອງຫາຊື້ນ້ຳທີ່ມີແຮ່ທາດດີໆມາໄວ້ໃນເຮືອນ ທ່ານທັງຫຼາຍຄົງຈະໄດ້ຍິນການໂຄສະນາທາງວິທະຍຸ, ໜັງສືພິມ ຂອງນ້ຳທີ່ມີແຮ່ທາດດີໆຢູ່ສະເໝີດອກ.

ບົດຄວາມຫຼ້າສຸດ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ພ້ອມພິຈາລະນາ ຮັບຮອງບັນຫາສໍາຄັນ ຂອງປະເທດຊາດ ໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ, ກອງປະຊຸມສະໄໝສາມັນ ເທື່ອທີ...

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...