ຜົນເສຍຈາກການກິນສົ້ມ ເມື່ອປຽບທຽບກັບ ການກິນຫວານ ແລະ ກິນເຄັມແລ້ວຖືວ່າບໍ່ຮຸນແຮງຫລາຍ ແຕ່ຖ້າກິນສົ້ມຫລາຍເກີນໄປກໍບໍ່ດີຕໍ່ຮ່າງການເໝືອນກັນຄວາມສົ້ມນັ້ນມີຢູ່ສອງຢ່າງດ້ວຍກັນຄື ຄວາມສົ້ມຈາກສານສັງເຄາະ ແລະຄວາມສົ້ມຈາກໝາກໄມ້ຕ່າງໆ.
ຄວາມສົ້ມຈາກສານສັງເຄາະ ໃນນໍ້າສົ້ມທີ່ພວກເຮົາແຕ່ງກິນ ຊຶ່ງມີສ່ວນປະກອບທີ່ສໍາຄັນຄື Glacial Acetic Acid ທີ່ເປັນໂຕເຮັດໃຫ້ເກີດລົດສົ້ມ ຫຼືເອີ້ນວ່າ “ ກົດຊີຕຣິກ ” ໃຫ້ຄວາມສົ້ມທົດແທນໝາກນາວ ເຊຶ່ງຖ້າກິນໃນປະລິ ມານໜ້ອຍ ກໍບໍ່ເປັນຫຍັງ ແຕ່ຖ້າກິນປະລິມານຫລາຍໆ ຈະເຫັນວ່າມີຜົນບໍ່ດີຕໍ່ຮ່າງກາຍແທ້.
ຄວາມສົ້ມຈາກໝາກໄມ້ເຊັ່ນ ໝາກນາວ,ໝາກມ່ວງ, ໝາກຂາມ, ໝາກຍົມ, ໝາກນັດ ແລະ ອື່ນໆ ຈະບໍ່ມີອັນຕະລາຍຫລາຍ.
ປະໂຫຍດຂອງການກິນສົ້ມ:
+ ແກ້ໄອເຈັບຄໍ ໃຊ້ນໍ້າໝາກນາວ 2-3 ໜ່ວຍ ປະສົມກັບນໍ້າເຜິ້ງ 1 ບ່ວງ ຈະຊ່ວຍປິ່ນປົວອາການເຈັບຄໍໄດ້ດີ ເພາະນໍ້າໝາກນາວຈະຊ່ວຍແກ້ອາການໄອໄດ້ແລະ ນໍ້າເຜິ້ງຊ່ວຍຜ່ອນເບົາອາການເຈັບຄໍ.
+ ປ້ອງກັນການເປັນຫວັດ ໝາກນາວນັ້ນອຸດົມໄປດ້ວຍ ວິຕາມິນເຊ ຖ້າກິນປະຈຳຈະຊ່ອຍຫລຸດຜ່ອນ ຫຼື ປ້ອງກັນຈາກການເປັນຫວັດ.
+ ຊ່ອຍກະຕຸ້ນການຍ່ອຍອາຫານ
+ ຊ່ອຍບັນເທົາອາການຫິວນໍ້າ
ຜົນເສຍຂອງການກິນສົ້ມ:
ຄ່າໃຊ້ຈ່າຍສູງ.
+ ຖອກທ້ອງ ການກິນອາຫານລົດສົ້ມຫລາຍເກີນໄປ ມັກເຮັດໃຫ້ເຈັບທ້ອງຮ້ອນໃນ ແລະ ລະບົບນໍ້າຢາງເຫລືອງໃນຮ່າງກາຍມີບັນຫາ ຈິ່ງເຮັດໃຫ້ບາດແຜເຊົາຊ້າ.
+ ກະດູກຜ່ອຍ ຄວາມສົ້ມທີ່ໄດ້ຈາກ ນໍ້າສົ້ມປຸງແຕ່ງອາຫານ ເຖິງຈະຊ່ອຍກຳຈັດກິ່ນຄາວ ແລະ ຫລຸດບັກເຕຣີໃນອາຫານ ແຕ່ຖ້າກິນຫລາຍເກີນໄປອາດເປັນອັນຕະລາຍຕໍ່ສະພາບກະດູກໄດ້, ສ່ວນໝາກໄມ້ທີມີລົດສົ້ມຈະມີປະ ໂຫຍດຕໍ່ຜິວພັນ.