Homeຂ່າວການສຶກສາພິທີມອບ-ຮັບ ແລະ ໄຂນໍາໃຊ້ຫ້ອງສະໝຸດ ອຸປະກອນສື່ການສອນ ແລະ ເຄື່ອງຫຼິ້ນຂອງເດັກໂອທິສຕິກ

ພິທີມອບ-ຮັບ ແລະ ໄຂນໍາໃຊ້ຫ້ອງສະໝຸດ ອຸປະກອນສື່ການສອນ ແລະ ເຄື່ອງຫຼິ້ນຂອງເດັກໂອທິສຕິກ

Published on

ໃນຕອນບ່າຍວັນທີ 31 ພຶດສະພາ 2016 ທີ່ສະມາຄົມເພື່ອຄົນໂອທິສຕິກລາວ ນະຄອນຫຼວງວຽງຈັນ ໄດ້ມີພິທີມອບ-ຮັບ ແລະ ໄຂນໍາໃຊ້ຫ້ອງສະໝຸດ-ອຸປະກອນສື່ການສອນ ແລະ ເຄື່ອງຫຼິ້ນເດັກໂອທິສຕິກ ເຊິ່ງໄດ້ຮັບທຶນສະໜັບສະໜູນຈາກກອງທຶນຂະໜາດນ້ອຍຂອງສະຖານທູດລຸກຊໍາບວກ ປະຈໍາ ສປປ.ລາວ ພາຍຫຼັງດໍາເນີນການກໍ່ສ້າງມາແຕ່ເດືອນມີນາ 2016 ຮອດເດືອນເມສາ 2016 ຈິ່ງສໍາເລັດ ເຊິ່ງມີພິທີກ່າວມອບໂດຍທ່ານ Claude Jentgen ອຸປະທູດ ປະຈໍາສະຖານທູດລຸກຊໍາບວກ ປະຈໍາ ສປປ ລາວ ແລະ ຮັບໂດຍທ່ານນາງ ໂພຄໍາ ດວງດາລາ ປະທານສະມາຄົມເພື່ອຄົນໂອທິສຕິກລາວ ມີບັນດາຜູ້ຕາງໜ້າສູນການສຶກສາຮຽນຮ່ວມ ກະຊວງສຶກສາທິການ ແລະ ກີລາ ບັນດາຄູ-ອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານປະທານສະມາຄົມເພື່ອຄົນໂອທິສຕິກລາວ ໄດ້ກ່າວວ່າ ໂຄງການກໍ່ສ້າງຫ້ອງສະໝຸດແຫ່ງນີ້ ໄດ້ຮັບການຊ່ອຍເຫຼືອຈາກກອງທຶນຂະໜາດນ້ອຍຂອງສະຖານທູດລຸກຊໍາບວກ ປະຈໍາ ສປປ.ລາວ ຈໍານວນ 15.000 ເອີໂຣ ນອກຈາກການກໍ່ສ້າງຫ້ອງສະໝຸດແລ້ວ ຍັງໄດ້ຈັດຊື້ເຄື່ອງຫຼິ້ນ ແລະ ທຶນທີ່ເຫຼືອສ່ວນນຶ່ງຍັງຖືກນໍາໃຊ້ເຂົ້າໃນການຈັດເຝິກອົບຮົມໃຫ້ພໍ່ແມ່ ຜູ້ປົກຄອງ ກ່ຽວກັບການເຝິກແອບເດັກໂອທິສຕິກ ເຊິ່ງຫ້ອງສະໝຸດ ອຸປະກອນສື່ການສອນ ແລະ ເຄື່ອງຫຼິ້ນ ຈະຊ່ອຍໃຫ້ຜູ້ປົກຄອງເດັກໂອທິສຕິກ ສາມາດເລືອກເຄື່ອງຫຼິ້ນ ປຶ້ມ ແລະ ສື່ການສອນທີ່ຫຼາກຫຼາຍ ເພື່ອນໍາໄປສິດສອນເດັກໂອທິສຕິກຢູ່ບ້ານຂອງຕົນ ທັງນີ້ກໍເພື່ອໃຫ້ແທດເໝາະກັບລະດັບການພັດທະນາຂອງເດັກທີ່ເປັນໂອທິສຕິກແຕ່ລະຄົນ.

         ຫ້ອງສະໝຸດ ອຸປະກອນສຶ່ສານການສອນ ແລະ ເຄື່ອງຫຼິ້ນເດັກໂອທິສຕິກ ຂອງສູນເພື່ອຄົນໂອທິສຕິກວຽງຈັນ ຕັ້ງຢູ່ບ້ານໂພນປ່າເປົ້າ ເມືອງສີສັດຕະນາກ ນະຄອນຫຼວງວຽງຈັນ ປັດຈຸບັນມີນັກຮຽນທັງໝົດ 38 ຄົນ ສະເຫຼ່ຍອາຍຸລະຫວ່າງ 2-27 ປີ.

ຂ່າວ/ພາບ: ເທບພະວົງ

ທີ່ມາ: http://www.vtetoday.la/

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...