ໃຜຢາກໄດ້ສະມາດໂຟນ (Smartphone) ງໍໄດ້ ພັບໄດ້ ຄວາມຝັນໃກ້ຈະເປັນຈິງແລ້ວ ເພາະບໍລິສັດຈາກຈີນກຽມສົ່ງສະມາດໂຟນງໍໄດ້ ສວມໃສ່ເປັນປະລັກແຂນ ໄດ້ແບບສວຍງາມວາງຂາຍໃນ ໄວໆນີ້.
Moxi Group ບໍລິສັດ Startup ທີ່ອາດຈະບໍ່ຄ່ອຍເປັນທີ່ຮູ້ຈັກ ກັນປານໃດກຽມວາງຂາຍສະ ມາດໂຟນງໍໄດ້ດ້ວຍລາຄາເຄື່ອງ ລະປະມານ 5.000 ຢວນ ຫຼື ປະມານ 6,210,000ກີບ ພ້ອມ ສົ່ງ 100.000 ເຄື່ອງພາຍໃນປີນີ້.
ສຳລັບສະມາດໂຟນຕົວຈິງ ນັ້ນຍັງບໍ່ມີຮູບອອກມາມີພຽງພາບ ເຣນເດີສາມມິຕິດັ່ງທີ່ເຫັນໃນຮູບ ເທົ່ານັ້ນ ຊຶ່ງຈາກທີ່ເຫັນໃນຮູບຈະ ເຫັນວ່າໂທລະສັບໄຮເທັກນີ້ສາມາດງໍ ເພື່ອໃສ່ເປັນປະລັກແຂນກໍ ໄດ້ ຫຼື ຈະຄາຍອອກໃຫ້ຢູ່ໃນລັກສະ ນະແທ່ງຄືກັບສະມາດໂຟນປົກກະຕິທົ່ວໄປກໍໄດ້ເຊັ່ນກັນ.
ຈາກການສຳພາດຂອງປະ ທານບໍລິສັດ Moxi Group ລະບຸ ວ່າໂທລະສັບຮຸ່ນນີ້ຈະສະແດງຜົນ ໜ້າຈໍດ້ວຍສີຂາວດຳເທົ່ານັ້ນ ສຳ ລັບຮຸ່ນຈໍສີຈະຕາມອອກມາພາຍ ຫຼັງໜ້າຈໍເຮັດມາຈາກກຣາຟີນ ຊຶ່ງ ເປັນຄາບອນຊະນິດໜຶ່ງມີນ້ຳໜັກ ເບົາ ຫົດຢືດໄດ້ ແລະຄົງທົນ ຢ່າງ ໃດກໍຕາມບໍ່ໄດ້ໝາຍຄວາມວ່າໂທ ລະພາບຮຸ່ນນີ້ຈະໂຄ້ງງໍໄດ້ທັງເຄື່ອງ ແບບທີ່ເຫັນໃນພາບກໍຍັງມີສ່ວນ ທີ່ບໍ່ສາມາດໂຄ້ງງໍໄດ້ຢູ່ ຊຶ່ງເປັນ ຈຸດທີ່ໃສ່ແບັດເຕີຣີ ແລະຊິບປະ ມວນຜົນຕ່າງໆນັ້ນເອງ.
ທາງບໍລິສັດ Moxi Group ລະບຸວ່າຈະຜະລິດໂທລະສັບຈຳ ໜ່າຍສະເພາະໃນປະເທດຈີນກ່ອນ ຫາກມີຄວາມຕ້ອງການຫຼາຍກໍ ອາດຈະເຮັດ ເພື່ອສົ່ງອອກຂາຍ ຕ່າງປະເທດໃນພາຍຫຼັງ ຖ້າມີຮູບ ຜະລິດຕະພັນຕົວຈິງ ຫຼື ມີຂ່າວອັບ ເດດເພີ່ມເຕີມເຮົາຈະນຳມາລາຍ ງານໃຫ້ຮັບຊາບກັນຕໍ່ໄປ.
ທີ່ມາ: ເສດຖະກິດ-ສັງຄົມ