spot_img
Home​ຂ່າວທ່ອງທ່ຽວທາດເມືອງພອນ ແຫຼ່ງທ່ອງທ່ຽວວັດທະນະທຳ ແຫ່ງບ້ານຜາແຫຼມ.

ທາດເມືອງພອນ ແຫຼ່ງທ່ອງທ່ຽວວັດທະນະທຳ ແຫ່ງບ້ານຜາແຫຼມ.

Published on

ພຣະທາດເມືອງພອນ ຕັ້ງຢູ່ທິດຕາເວັນອອກສຽງເໜືອ, ຫ່າງຈາກຕົວເມືອງທ່າແຂກປະມານ 25 ກິໂລແມັດ ເປັດທາດຂະໜາດນ້ອຍ ສູງ 10 ກວ່າແມັດ ກວ້າງ 3,50 ແມັດມົນທົນ. ທີ່ຕັ້ງພຣະທາດໜ່ວຍນີ້ບໍ່ຫ່າງຈາກຖ້ຳພຣະຈັນພໍເທົ່າໃດ ແຕ່ກ່ອນພຣະທາດນີ້ຫຸ້ມຫໍ່ດ້ວຍປ່າດົງຕຶບໜາ ມີພູອ້ອມທັງ 3 ດ້ານຄື: ດ້ານເໜືອ, ດ້ານຕາເວັນອອກ ສ່ວນດ້ານໃຕ້ມີທາງອອກເລາະແຄມຜາສູງ ທັງສອງດ້ານຂ້າມສາຍນ້ຳໂດນ ມາຮອດທາງເລກທີ 12 .

ຊາວບ້ານທີ່ດຳລົງຊີວິດຢູ່ໃນເຂດທາດເມືອງພອນ ປະກອບດ້ວຍຫຼາຍເຜົ່າຄື: ເຜົ່າແຊກບ້ານທອກ-ນາຍໍ, ເຜົ່າໄທຊຳ, ໄທຍໍ້, ບ້ານກົກຕ້ອງ-ຜ່າແຫຼມ, ນາເຊ, ບ້ານມ່ວງ, ບ້ານດອຍ ເຊິ່ງປະກອບອາຊີບ ເຮັດນາ, ເຮັດໄຮ່, ຫາປາ ລ່າສັດເປັນອາຊີບມາແຕ່ສະໄໝປູ່ຍ່າຕາຍາຍ.

ຕາມການບອກເລົ່າຂອງຜູ້ເຖົ້າລັກບ້ານ ແລະ ຄູບາອາຈານໃນເຂດບ້ານໃກ້ຄຽງທີ່ໄດ້ພາກັນ ບູລະນະຮັກສາພຣະທາດເມືອງພອນສືບກັນມາວ່າ: ກ່ອນໜ້ານີ້ 200 ປີ ຊົນເຜົ່າແຊກ, ໄທຊຳ, ຍໍ້, ຖືກເສິກໄທກວາດໄປຢູ່ຝັ່ງນ້ຳຂອງເບື້ອງຂົວ ຕໍ່ມາຈຶ່ງໄດ້ມີເຈົ້າລາວວຽງຈັນ(ເຈົ້າລາຊະວົງ) ໄດ້ປ່າວເຕືອນ ໃຫ້ຄົນລາວຜູ້ທີ່ຢາກກັບບ້ານເກົ່າກໍ່ໃຫ້ກັບເມື່ອນຳເພິ່ນ.

ແມ່ເຖົ້າ ມັດທີ ຢູ່ບ້ານຜາແຫຼມ ອາຍຸ 90 ປີ (ປັດຈຸບັນເສຍຊີວິດໄປແລ້ວ) ກໍ່ເປັນຜູ້ໜຶ່ງທີ່ເປັນນັກສະແຫວງບຸນ ແລະ ຮູ້ຈັກຄວາມເປັນມາຂອງພຣະທາດເມືອງພອນ: ແຕ່ກ່ອນພຣະທາດນີ້ເປັນເສົາຫີນທຳມະດາ ຕໍ່ມາມີພຣະກຳມະຖານ 2 ອົງໄດ້ເດີນທາງມາ ແລະ ເຫັນຖ້ຳພຣະຈັນກວ້າງ ແລະ ເໝາະສົມໃນການປະຕິບັດຄອງວິປັດສະນາກຳມະຖານ ຈຶ່ງໄດ້ນຳພາຊາວບ້ານ ສ້າງເສີມພຣະທາດຂຶ້ນ ພາຍຫຼັງພຣະທັງສອງຕົນໜີແລ້ວ ທາດນີ້ກໍ່ເສົ້າໝອງ ມາໄດ້ຫຼາຍປີຕໍ່ມາ ຊາວບ້ານໄດ້ສະຫງວນເປັນເຂດບູຊາທີ່ສັກສິດ ຫ້າມຕັດໄມ້ທຳລາຍປ່າ ພ້ອມສັດສາວາສິ່ງຕ່າງໆ ເພື່ອໃຫ້ກາຍເປັນທີ່ເຄົາລົບນັບຖືຂອງຊາວບ້ານ ກໍ່ຄືຊາວຕ່າງປະເທດທີ່ເຂົ້າມາທ່ຽວຊົມພຣະທາດແຫ່ງນີ້.

ຮູບ ແລະ ຂໍ້ມູນຈາກພະແນກ ຖວທ ແຂວງຄຳມ່ວນ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...