spot_img
HomeມູມໄອທີລາວZUK Z2 ເປີດໂຕຢ່າງເປັນທາງການ ມາພ້ອມກັບຊິບ Snapdragon 820 ໃນລາຄາເລີ່ມຕົ້ນພຽງ 2.220.000 ກີບ

ZUK Z2 ເປີດໂຕຢ່າງເປັນທາງການ ມາພ້ອມກັບຊິບ Snapdragon 820 ໃນລາຄາເລີ່ມຕົ້ນພຽງ 2.220.000 ກີບ

Published on

ມື້ນີ້ບໍລິສັດສະຕາຣ໌ດອັບ ZUK (ອ່ານວ່າ ຊີ – ຢູ – ເຄ) ທີ່ຢູ່ພາຍໃຕ້ການສະໜັບສະໜູນຈາກ Lenovo ໄດ້ມີການຈັດງານຖະແຫຼງຂ່າວເປີດໂຕສະມາດໂຟນເຮືອທຸງລຸ້ນໃໝ່ຫຼ້າສຸດຊື່ວ່າ Z2 ທີ່ປະເທດຈີນ. ( ຖ້າແອັດມິນຈື່ບໍ່ຜິດເຄີຍເປີດໂຕ Z2 Pro ໄປແລ້ວຊ່ວງເດືອນເມສາກ່ອນນີ້ )

image

ສຳລັບ Z2 ຖືວ່າເປັນສະມາດໂຟນທີ່ເວົ້າໄດ້ວ່າມາພ້ອມກັບສະເປັກໂຄດດີ ທີ່ຄົນທຳມະດາສາມາດຈັບຕ້ອງໄດ້. ສະເປັກໂດຍລວມກໍຄືມາພ້ອມກັບຈໍຂະໜາດ 5 ນິ້ວ, ຄວາມລະອຽດ FullHD ພ້ອມກັບຈໍ LTPS 2.5D. ໃຊ້ງານຊິບປະມວນຜົນໂຕໃໝ່ແລະແຮງແບບ Snapdragon 820 ແລະໃຊ້ງານລະບົບ Android 6.0 (Marshmallow) ທັບດ້ວຍ ZUI 2.0. ກ້ອງຫຼັງຄວາມລະອຽດ 13 ລ້ານພິກເຊວ ພ້ອມແຟລັດ LED, ລະບົບກວດຈັບໂຟກັດອັດຕະໂນມັດ ດ້ວຍຄວາມໄວໂຟກັດຢູ່ທິ່ 0.1 ວິນາທີ ແລະກ້ອງໜ້າ 8 ລ້ານພິກເຊວ.

image

ນອກຈາກນີ້ແລ້ວຍັງມາພ້ອມກັບລະບົບສະແກນລາຍນິ້ວມື U-Touch 2.0 ເຊິ່ງຕິດຕັ້ງຢູ່ທີ່ປຸ່ມໂຮມ ສາມາດປົດລ໋ອກເຄື່ອງດ້ວຍຄວາມໄວພຽງແຕ່ 0.1 ວິນາທີ. ຂອບຂອງໂຕເຄື່ອງແມ່ນເຮັດດ້ວຍເຫຼັກ, ແບັດເຕີຣີໃຫ້ມາ 3500mAh ພ້ອມກັບລະບົບ Dual Fast Charging ແລະ Qualcomm Quick Charge 3.0 ເຊິ່ງສາມາດສາກແບັດຈາກ 0% ຫາ 80% ໄດ້ພາຍໃນ 1 ຊົ່ວໂມງ. ພື້ນທີ່ຈັດເກັບ 64 GB, RAM 4 GB ແລະຮອງຮັບ 2 ຊິມ (Nano ຊິມທັງສອງ).

ສະເປັກເຕັມສາມາດອ່ານໄດ້ທີ່ລິ້ງທ້າຍຂ່າວ

ສຳລັບ ZUK Z2 ນັ້ນມີພຽງແຕ່ 2 ສີໃຫ້ເລືອກເທົ່ານັ້ນຄື: ສີຂາວ ແລະ ສີດຳ. ສ່ວນລາຄານັ້ນພຽງແຕ່ 1,799 ຢວນ (2.220.000 ກີບ!!). ສຳລັບມື້ວາງຂາຍແມ່ນຈະເລີ່ມຕັ້ງແຕ່ວັນທີ 7 ມິຖຸນາ ແລະສາມາດສັ່ງຈອງໂຕເຄື່ອງໄດ້ແລ້ວ. ນອກຈາກນີ້ທາງ ZUK ຍັງໄດ້ແນະນຳອັນສາກໄຮ້ສາຍແບບ USB Type-C ສຳລັບສະມາດໂຟນອີກນຳ ດ້ວຍລາຄາພຽງ 299 ຢວນ (37.000 ກີບ).

image

ທີ່ມາ: fonearena

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...