spot_img
Homeສຸຂະພາບ ແລະ ສີ່ງແວດລ້ອມການດູແລສຸຂະພາບໃຫ້ແຂງແຮງ ໃນຍາມລະດູຝົນ

ການດູແລສຸຂະພາບໃຫ້ແຂງແຮງ ໃນຍາມລະດູຝົນ

Published on

ລະດູຝົນມາພ້ອມກັບຄວາມເຢັນຊຸ່ມຊ້ຳຂອງສາຍນ້ຳ ແລະ ເປັນລະດູທີ່ເຮັດໃຫ້ຄົນເຈັບປ່ວຍໄດ້ງ່າຍ ໂດຍສະເພາະເດັກນ້ອຍ ສຳລັບຄົນທີ່ມີສຸຂະພາບບໍ່ແຂງແຮງອາດຈະເຈັບປ່ວຍໄດ້ງ່າຍ ວັນນີ້ເຮົາເລີຍມີວິທີການດູແລສຸຂະພາບໃຫ້ແຂງແຮງ ໃນຍາມລະດູຝົນມາຝາກກັນ

ອອກຈາກເຮືອນທຸກຄັ້ງຢ່າລືມຖືຄັນຫົ່ມ, ເສື້ອກັນຝົນ ໄປພ້ອມ

ກ່ອນອື່ນເຮົາຕ້ອງດູແລຕົວເອງບໍ່ໃຫ້ປຽກຝົນ ເພາະເຮົາບໍ່ຮູ້ວ່າຝົນຈະຕົກລົງມາໃນຊ່ວຍເວລາໃດ ສະນັ້ນການກຽມອຸປະກອນປະເພດຄັນຫົ່ມ, ເສື້ອກັນຝົນໄປນຳໃນລະດູຝົນມັນຈິ່ງເປັນສິ່ງສຳຄັນຫຼາຍ ຖ້າເຮົາປຽກຝົນຕະຫຼອດກໍ່ຈະເປັນໄຂ້, ເປັນໄອ, ເປັນຫວັດໄດ້ງ່າຍໆ ແລະ ທີ່ສຳຄັນເຮົາຈະບໍ່ເສຍເວລາໄປຢືນລົບຝົນຖ້າໃຫ້ຝົນເຊົາຕົກໄດ້ອີກດ່ວຍ

water-1

ດື່ມນ້ຳລ້າຫຼາຍໆ 

ການດື່ມນ້ຳຈະຊ່ວຍຮັກສາພູມຄຸ້ມກັນໃນຮ່າງກາຍໃຫ້ຢູ່ໃນລະກັບທີ່ເໝາະສົມຢູ່ສະເໝີ ແລະ ເພື່ອປ້ອງກັນຮ່າງກາຍສູນເສຍນ້ຳຈາກການທີ່ເຫື່ອອອກຫຼາຍຈົນເກີນໄປ

foot (1)

ຫຼີກລ່ຽງການລຸຍນ້ຳຄັງ

ເມື່ອຝົນຕົກແຮງຕິດຕໍ່ກັນ ຈະເຮັດໃຫ້ເກີດມີນ້ຳຄັງ ແລະ ນ້ຳເປື້ອນຖ້າຫຼີກລ່ຽງໄດ້ທ່ານຄວນຫຼີກ ເພາະອາດເຮັດໃຫ້ຕີນຂອງທ່ານເກີດເປັນຕີນຫໍໄດ້ ແລະ ເວລາລຸຍນ້ຳເປື້ອນມາທຸກຄັ້ງທ່ານຕ້ອງລ້າງຕີນລ້າງມືໃຫ້ສະອາດ ເພາະນ້ຳເປື້ອນຈະມີເຊື້ອພະຍາດຢູ່ຫຼາຍ ເຊິ່ງມັນຈະນຳມາແກ່ ໂຣກອະຫິວາ, ໂຣກມືຕີນເປື່ອຍ, ແຜອັກເສບ ເປັນຕົ້ນ

dryhair

ພະຍາຍາມເຮັດຕົວໃຫ້ແຫ້ງຢູ່ສະເໝີ

ຫາກວັນໃດທີ່ທ່ານປຽກຝົນມາ ຢ່າຟ້າວຍ່າງເຂົ້າຫ້ອງແອ ຫຼື ຍ່າງຜ່ານພັດລົມເດັດຂາດ ເພາະຈະເຮັດໃຫ້ຮ່າງກາຍປັບຕົວບໍ່ທັນ ທ່ານຄວນປ່ຽນເຄື່ອງ ແລະ ເຊັດຜົມໃຫ້ແຫ້ງກ່ອນ ຫຼື ເຮັດໃຫ້ໂຕທ່ານແຫ້ງທີ່ສຸດ ແລະ ຄວນດື່ມນ້ຳອຸ່ນໃສ່ ເພາະວິທີນີ້ຈະຊ່ວຍໃຫ້ອຸນຫະພູມໃນຮ່າງກາຍກັບມາເປັນປົກກະຕິ

cookingpan

ກິນອາຫານໃຫ້ສະອາດ

ນອກຈາກຈະເຮັດໃຫ້ຮ່າງກາຍສະອາດແລ້ວ ອາຫານທີ່ກິນລົງໄປຕ້ອງສະອາດອີກດ້ວຍ ເພາະລະດູຝົນຈະມີອຸນຫະພູມທີ່ເໝາະກັບການຈະເລີຍເຕີບໂຕຂອງເຊື້ອໂຣກ, ແບັກທີເຣຍ ແລະ ຈຸລິນຊີທັງຫຼາຍ ແລະ ຈະມີໂອກາດເຂົ້າມາໃນອາຫານການກິນຂອງທ່ານໄດ້ສູງ ເຊິ່ງຖ້າຫາກທ່ານກິນອາຫານທີ່ມີເຊື້ອໂຣກເຂົ້າໄປໃນຮ່າງກາຍແລ້ວ ບາງທ່ານອາດຈະເກີດອາການຖອກທ້ອງຮຸນແຮງໄດ້

spray

ຢ່າໃຫ້ຍຸງກັດ

ເຮົາຮູ້ກັນດີຢູ່ວ່າໃນຊ່ວງລະດູຝົນຍຸງມີຫຼາຍເປັນພິເສດ ເນື່ອງຈາກສະພາບອາກາດຄວາມຊຸ່ມ ຈິ່ງອຳນວຍຄວາມສະດວກໃຫ້ແກ່ການຈະເລີນພັນຂອງຍຸງ ແລະ ຍຸງໃນລະດູຝົນຈະເປັນພາຫະນະນຳໂຣກຮ້າຍແຮງມາສູ່ຄົນໄດ້ເຊັ່ນ: ໄຂເລືອດອອກເປັນຕົ້ນ

woman with orange

ກິນສະໝຸນໄພເປັນປະຈຳ

ສະໝຸນໄພເຊັ່ນ: ຫົວສີໃຄ, ຂ່າ, ຂີງ, ກະທຽມ ແລະ ຂິມິ້ນ ລ້ວນມີຄຸນສົມບັດຮັກສາອຸນຫະພູມຂອງຮ່າງກາຍ ແລະ ສົ່ງເສີມລະບົບພູມຄຸຸ້ມກັນຂອງຮ່າງກາຍໄດ້ເປັນຢ່າງດີ

cold_3

ຫາກໄອ ຫຼື ຈາມ ໃຫ້ໃຊ້ຜ້າອັດປາກທຸກຄັ້ງ

ເມື່ອມີອາການໄອ ຫຼື ຈາມ ໃຫ້ໃຊ້ຜ້າອັດປາກທຸກຄັ້ງເພື່ອບໍ່ໃຫ້ເຊື້ອໂຣກແຜ່ກະຈາຍໄປສູ່ຄົນອື່ນ ຫຼື ເຮັດໃຫ້ເຊື້ອໂຣກແຜ່ກະຈາຍໄປຕາມຮ່າງກາຍໄດ້

 

ທີ່ມາ: http://health.kapook.com

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...