Homeມູມໄອທີລາວຈະຍືດເວລານຳໃຊ້ແບັດເຕີຣີຂອງໂນດບຸກ Windows 7 ໃຫ້ດົນທີ່ສຸດໄດ້ຈັ່ງໃດ?

ຈະຍືດເວລານຳໃຊ້ແບັດເຕີຣີຂອງໂນດບຸກ Windows 7 ໃຫ້ດົນທີ່ສຸດໄດ້ຈັ່ງໃດ?

Published on

ມີລາຍງານຂ່າວວ່າ ຄອມພິວເຕີທີ່ໃຊ້ຣັນ Windows 7 ຊ່ວຍໃຫ້ສຳນັກງານ, ອົງການປະຢັດຄ່າໄຟຟາຟ້າໄດ້ຫລາຍກວ່າ 320.000 ກີບຕໍ່ເຄື່ອງຕໍ່ປີ ເຊຶ່ງຜົນປະໂຫຍດນີ້ ຍັງສົ່ງຜົນເຖິງການບໍລິຫານຈັດການພະລັງງານຂອງຄອມພິວເຕີໂນດບຸກທີ່ມີປະສິດທິພາບຂື້ນນຳ ແຕ່ທັງນີ້ຜູ້ໃຊ້ຈະຕ້ອງມີຄວາມເຂົ້າໃຈພື້ນຖານຂອງລະບົບກ່ອນ ຈິ່ງສາມາດດຶງເອົາພະລັງງານຈາກແບັດເຕີຣີໂນດບຸກທີ່ຣັນ Wimdows 7 ໄດ້ຢ່າງເຕັມເມັດເຕັມໜ່ວຍ.

ທ່ານຮູ້ບໍ່ວ່າ ນອກຈາກສ່ວນສະແດງຜົນຂອງໂນດບຸກທີ່ນຳໃຊ້ພະລັງງານໄຟຟ້າຫລາຍກວ່າໝູ່ແລ້ວ ຍັງມີອຸປະກອນສ່ວນໃດຂອງເຄື່ອງອີກແດ່? ທີ່ນຳໃຊ້ພະລັງງານຈາກແບັດເຕິຣີທຽບເທົ່າກັນ ໂປຣເຊດເຊີສ? Wi-Fi ແລະ Bluetooth? ຫຼື ລຳໂພງ? ຂ້າພະເຈົ້າວ່າບໍ່ຕ້ອງເດົາດີກວ່າ ກຣາບວົງມົນຂ້າງລຸ່ມນີ້ຈະເຮັດໃຫ້ທ່ານຜູ້ອ່ານໄດ້ຮູ້ຄວາມຈິງວ່າ ໃນໂນດບຸກໜຶ່ງເຄື່ອງມີການນຳໃຊ້ພະລັງງານໄຟຟ້າທີ່ສ່ວນໃດຫລາຍ-ໜ້ອຍແບບໃດ ? ເພື່ອໃຊ້ເປັນພື້ນ ຖານໃນການເລືອກລະບົບຈັດການພະລັງງານທີ່ຈະເຮັດໃຫ້ນຳໃຊ້ໂນດບຸກຈາກແບດເຕິຣີທີ່ເຫລືອຢູ່ໄດ້ດົນທີ່ສຸດນັ້ນເອງ.

16.1

ໃນສ່ວນຂອງ Windows Vista ຈະຖືກວິຈານຢ່າງໜັກພໍສົມຄວນສຳລັບລະບົບຈັດການ ພະລັງງານແບດເຕີຣີທີ່ພົບວ່າມັນຍັງໝົດອ່າວໄວ ໂດຍເຫັນໄດ້ເຖິງບັນຫາດັ່ງກ່າວ ທາງໄມໂຄຣຊ໋ອບຈິ່ງໄດ້ພະຍາຍາມຢ່າງໜັກໃນການ
ພັດທະນາປະສິດທິພາບການຈັດການພະລັງງານຂອງແບດເຕີຣີເທິງລະບົບປະຕິບັດການ Windows 7 ເຖິງຢ່າງໃດກະຕາມ ຫາກແບດເຕີຣີຂອງໂນດບຸກຂອງທ່ານເກົ່າເຫລືອເກີນ ຈັງໃດມັນກໍໝົດໄວໂດຍບໍ່ຕ້ອງສົງໄສ ແລະ ນັ້ນ ເປັນສັນຍານໃຫ້ຮູ້ເຖິງເວລາທີ່ຈະຕ້ອງຊື້ແບັດເຕີຣີກ້ອນໃໝ່ໄດ້ແລ້ວແຕ່ຖ້າແບັດເຕີຣີຂອງທ່ານຍັງຄຸນນະພາບດີຢູ່ ສາລະໜ້າຮູ້ເຫລົ່ານີ້ຈະຊ່ວຍຍືດອາຍຸການນຳໃຊ້ແບັດເຕິຣີໄດ້.

ກັບມາເບິ່ງທີ່ປະເດັນຫລັກຂອງບົດນີ້ ຊຶ່ງຈະເວົ້າເຖິງໂນດບຸກທີ່ຣັນ Windows 7 ເປັນສຳຄັນ ກ່ອນອື່ນໝົດຕ້ອງບອກວ່າ ແຜງຄວບຄຸມການຈັດການພະລັງງານຂອງ Windows 7 ສ້າງຂຶ້ນມາໄດ້ດີສົມຄວນ ໂດຍມັນເປິດໂອກາດໃຫ້ຜູ້ໃຊ້ສາມາດປັບແຕ່ງຄວາມແຈ້ງຂອງໜ້າຈໍ ແລະ ເລືອກແຜນການໃຊ້ພະລັງງານໄວ້ໃຊ້ໄດ້ເລີຍໂດຍຜູ້ໃຊ້ສາມາດເຂົ້າເຖິງລະບົບການຈັດການພະລັງງານຂອງWindows 7 ໄດ້ໂດຍການກົດປຸ່ມ Windows+X ຊຶ່ງໃນນີ້ ຈະເປິດໂອກາດໃຫ້ທ່ານປັບປ່ຽນໄດ້ທຸກຢ່າງຕັ້ງແຕ່ ຄວາມແຈ້ງໄປຈົນເຖິງການກຳນົດແຜນການໃຊ້ພະລັງງານ ຖ້າທ່ານຕ້ອງການຕົວເລືອກທີ່ລະອຽດກວ່າທ່ານກໍສາມາດຄລິກທີ່ໄອຄ້ອນ Battery ໃນ System Tray ເທິງ
Taskbar ຂອງທ່ານແລ້ວເລືອກ More power options.

42857077470627190334

ຕໍ່ຈາກນີ້ທ່ານຜູ້ອ່ານກໍສາມາດປ່ຽນແປງການໃຊ້ພະລັງງານຂອງໂນດບຸກໄດ້ເມື່ອຕ້ອງການແລ້ວ ບໍ່ວ່າຈະເປັນການຫລຸດຄວາມສະຫວ່າງ ເມື່ອໃດເຖິງຈະເຂົ້າsleep mode ຫຼື ສາມາດກຳນົດຄວາມແຈ້ງ ຂອງໜ້າຈໍກ່ອນສຽບປັກໄຟ
ແລະ ຫລັງຈາກສຽບປັກໄຟ ນອກຈາກການປັບຫລຸດຄວາມແຈ້ງຂອງໜ້າຈໍເພື່ອປະຢັດພະລັງງານແລ້ວ ທ່ານຍັງສາມາດເຂົ້າໄປວາງແຜນການໃຊ້ພະລັງງານໄດ້ທີ່ CHANGE ADVANCED POWER SETTINGS ທ່ານສາມາດປ່ຽນຄ່າການໃຊ້ພະລັງງານຕ່າງໆ ໄດ້ຢ່າງລະອຽດນັບຕັ້ງແຕ່ຄວາມໄວຂອງ processor ( ຊ້າລົງກໍໃຊ້ໄຟໜ້ອຍລົງ ເອົາໄວ້ເລືອກໃຊ້ຕອນທີ່ແບັດເຕີຣີເຫລືອໜ້ອຍສຸດໆ ) ລະບົບຄວາມເຢັນ ( ກໍລະນີນັ່ງເຮັດວຽກໃນຫ້ອງທີ່ມີແອເຢັນໆ ) ຕະຫລອດຈົນການກຳນົດການເຮັດວຽກຂອງປຸ່ນ Power.

16914343302868925313

ນອກຈາກຈະຫລຸດການໃຊ້ພະລັງງານໂດຍອຸປະກອນທີ່ກິນໄຟຫລັກໆເຊັ່ນໜ້າຈໍ ຊີພີຢູ ຊິບເຊັດ ແລ້ວ ຍັງມີ Wi-Fi ຊຶ່ງຖ້າຫາກບໍ່ໄດ້ເຊື່ອມຕໍ່ແຕ່ເປີດສະວິດນີ້ປະໄວ້ ມັນກໍຈະພະຍາຍາມຊອກຫາເນັດເວີກຢູ່ຕະຫລອດເວລາ ເພື່ອເຊື່ອມຕໍ່ກັບເຄື່ອຂ່າຍ ຊຶ່ງກິນໄຟບໍ່ແມ່ນໜ້ອຍ ຫາກທ່ານກຳລັງພິມເອກະສານ ຫຼື ອ່ານອີບຸກ ປີດສະວິດ Wi-Fi ໄວ້ເລີຍຈະເປັນການດີກວ່າ ສ່ວນໂປຣແກຣມທີ່ບໍ່ໄດ້ໃຊ້ແຕ່ນອນແຊ່ຢູ່ໃນ Taskbar ກໍເປືອງພະລັງງານຄືກັນ ອັນໃດທີ່ບໍ່ໃຊ້ກໍຄວນປິດໄວ້ດີກວ່າ ໃນກໍລະນີທີ່ເຄື່ອງຂອງທ່ານມີ RAM ໜ້ອຍ ແລະ ທ່ານຕ້ອງການຣັນໂປຣແກຣມຢ່າງໜ້ອຍ2-3 ໂປຣແກຣມພ້ອມກັນຢູ່ເປັນປະຈຳ ເຮັດໃຫ້ຕ້ອງສະຫລັບການເຮັດວຽກໄປມາ ແນ່ນອນວ່າ ພາລະສ່ວນໜຶ່ງຈະຕ້ອງໄປຢູ່ທີ່ຮາດດິສຄ໌ທີ່ຕ້ອງໃຊ້ເຮັດໜ້າທີ່ແທນໜ່ວຍຄວາມຈຳ ແລະ ແນວໃດກໍລົງທ້າຍດ້ວຍການໃຊ້ພະລັງງານແບັດເຕີຣີທີ່ມີຫລາຍໂດຍບໍ່ຕັ້ງໃຈ ກໍລະນີນີ້ແນະນຳວ່າລົງທຶນຊື້ RAM ມາເພີ່ມຕື່ມ.

ຮຽບຮຽງໂດຍ: ປານີນາ ຈັນທະນະຄອນ

ທີ່ມາ: http://www.vtetoday.la/

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...