Homeຂ່າວເຫດການສະຫາຍເລຂາທິການໃຫຍ່ ຕ້ອນຮັບຜູ້ແທນກວດກາສູນກາງ ພັກກອມມູນິດຫວຽດນາມ

ສະຫາຍເລຂາທິການໃຫຍ່ ຕ້ອນຮັບຜູ້ແທນກວດກາສູນກາງ ພັກກອມມູນິດຫວຽດນາມ

Published on

ຂປລ.ໃນວັນທີ 26 ພຶດສະພາ 2016 ນີ້, ສະຫາຍ ບຸນ​ຍັງ ວໍ​ລະ​ຈິດ ​ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ ພັກ​ປະຊາຊົນ​ປະຕິວັດ​ລາວ ປະທານ​ປະ​ເທດ ​ແຫ່ງ ສປປ ລາວ, ໄດ້​​ໃຫ້ກຽດຕ້ອນຮັບ​ ການເຂົ້າຢ້ຽມຂໍ່ານັບຂອງ ສະຫາຍ ເຈີ່ນ ກວກ ເວື້ອງ (Trn Quc vưng) ກໍາມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກໍາມະການກວດກາສູນກາງ ພັກກອມມູນິດຫວຽດນາມ ພ້ອມດ້ວຍຄະນະ ທີ່​ຫ້ອງ​ວ່າການ​ນສູນ​ກາງ​ພັກ ນະຄອນຫລວງ​ວຽງຈັນ, ໃນ​ໂອກາດທີ່​ເດີນທາງ​ມາຢ້ຽມຢາມ ເຄື່ອນໄຫວແລກປ່ຽນບົດຮຽນຢູ່ ສປປ ລາວ ລະຫວ່າງວັນທີ 24-26 ພຶດສະພານີ້.

ໂອກາດດັ່ງກ່າວ, ສະຫາຍ ບຸນ​ຍັງ ວໍລະ​ຈິດ ໄດ້ກ່າວຕ້ອນຮັບຊົມ​ເຊີຍ, ພ້ອມທັງຕີລາຄາສູງ ຕໍ່ການມາຢ້ຽມຢາມ ແລະ ເຮັດວຽກຂອງ​ຄະນະ​ຜູ້​ແທນ ​​ເຊິ່ງມີຄວາມໝາຍສໍາຄັນເປັນຢ່າງຍິ່ງ, ເປັນການປະກອບສ່ວນອັນສໍາຄັນ ເຂົ້າໃນການເພີ່ມພູນຄູນສ້າງ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃຫ້ນັບ​ມື້ຈະເລີນງອກງາມຍິ່ງໆຂຶ້ນ ເວົ້າລວມ, ເວົ້າສະເພາະ ໃນການພົວພັນຮ່ວມມືຊ່ວຍເຫລືອຊຶ່ງກັນ ແລະ ກັນ ລະຫວ່າງ ສອງຄະນະກວດກາສູນກາງພັກ ລາວ-ຫວຽດນາມ, ເປັນການສືບຕໍ່ປຶກສາຫາລື ແລະ ລົງນາມ ບົດບັນທຶກການຮ່ວມມືສະບັບໃໝ່ ທີ່ເປັນບ່ອນອີງໃຫ້ແກ່ການຮ່ວມມື ລະຫວ່າງ ສອງຄະນະກວດກາສູນກາງພັກ ໃນຕໍ່ໜ້າ.

ພາຍຫລັງ ​ເຂົ້າຢ້ຽມຂໍ່ານັບ ສະຫາຍ ເລຂາທິການໃຫຍ່ ບຸນ​ຍັງ ວໍລະ​ຈິດ ຄະນະຜູ້ແທນຍັງໄດ້ເຂົ້າ ຢ້ຽມຊົມ ຫໍພິພິທະພັນ ໄກສອນ ພົມວິຫານ ແລະ ສະຖານທີ່ວັດທະນະ​ທໍາ ​ຢູ່ນະຄອນຫລວງວຽງຈັນ ອີກຈໍານວນໜຶ່ງ.

ກ່ອນໜ້າ​ນີ້ ສະຫາຍ ເຈີ່ນ ກວກ ເວື້ອງ ພ້ອມດ້ວຍຄະນະ ກໍ​ໄດ້​ເຂົ້າ​ຢ້ຽມຂ່ຳນັບ ສະຫາຍ​ ນາງ ປານີ ຢາ​ທໍ່ຕູ້ ກຳມະການ​ກົມ​ການ​ເມືອງ​ສູນ​ກາງ​ພັກ, ປະທານ​ສະພາ​ແຫ່ງ​ຊາດ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...