ບາດາຜູ້ນຳທົ່ວໂລກເລີ່ມການປະຊຸມກຸ່ມປະເທດອຸດສາຫະກຳຊັ້ນນຳຂອງໂລກ ຫຼື ຈີ 7 ທີ່ຍີ່ປຸ່ນໃນມື້ນີ້ ໂດຍມີປະເດັນເສດຖະກິດ ບັນຫາການກໍ່ການຮ້າຍ ແລະ ຜູ້ອົບພະຍົມ ລວມເຖິງການລົງປະຊາມະຕິຂອງອັງກິດທີ່ຈະອອກຈາກການເປັນສະມາຊິກສະຫະພາບເອີຣົບ (ອີຢູ) ເປັນຫົວຂໍ້ສຳຄັນໃນການຫາລືຄັ້ງນີ້.
ຜູ້ນຳປະເທດ ແລະ ລັດຖະບານຈາກສະຫະລັດ, ອັງກິດ, ຝຣັ່ງ, ເຢຍລະມັນ, ອີຕາລີ, ການາດາ ແລະ ຍີ່ປຸ່ນ ຊຶ່ງເປັນປະເທດເຈົ້າພາບພົບປະຫາລືກັນທີ່ເມືອງອິເສະຊິມະ ຫ່າງໄປປະມານ 300 ກິໂລແມັດທາງຕາເວັນຕົກສຽງໃຕ້ຂອງນະຄອນຫຼວງໂຕກຽວ ໃນກຸ່ມຜູ້ນຳລວມເຖິງປະທານາທິບໍດີບາຣັກ ໂອບາມາ ຜູ້ນຳສະຫະລັດຊຶ່ງເດີນທາງຢ້ຽມຢາມຄັ້ງປະຫວັດສາດທີ່ເມືອງຮິໂຣຊິມາຊຶ່ງເຄີຍຖືກລະເບີດປະລຳມະນູສະໄໝສົງຄາມໂລກ ຄາດວ່າປະເດັນເສດຖະກິດໂລກຈະເປັນຫົວຂໍ້ສຳຄັນໃນການຫາລືຢ່າງເປັນທາງການຊ່ວງບ່າຍມື້ນີ້ ເຖິງວ່າບາງປະເທດຍັງມີຄວາມຄິດເຫັນແຕກຕ່າງກັນຢູ່ໃນເລື່ອງຂອງການຈັດສັນງົບປະມານ ແລະ ການໃຊ້ຈ່າຍໃນບັນຫາທົ່ວໂລກ.