ສຳນັກຂ່າວຕ່າງປະເທດ ລາຍງານໃນວັນທີ 24 ພຶດສະພາຜ່ານມານນີ້ວ່າ ເກີດເຫດການນອງເລືອດຄັ້ງໃໝ່ ຢູ່ພາກຕາເວັນອອກຂອງອູແກຣນ ໂດຍທະຫານກອງທັບອູແກຣນ ໄດ້ປະທະກັບກອງກຳລັງແບ່ງແຍກດິນແດນ ທີ່ນິຍົມຣັດເຊຍ ເຮັດໃຫ້ມີຜູ້ເສຍຊີວິດ 7 ຄົນ ແລະ ໄດ້ຮັບບາດເຈັບອີກ 9 ຄົນ.
ທັງນີ້ ກອງທັບອູແກຣນ ໄດ້ຕໍ່ສູ້ກັບກຸ່ມແບ່ງແຍກດິນແດນ ທີ່ນິຍົມຣັດເຊຍ ທາງພາກຕາເວັນອອກຂອງປະເທດ ມາດົນກວ່າ 2 ປີແລ້ວ ແລະ ມີຜູ້ເສຍຊີວິດຫລາຍກວ່າ 9,300 ຄົນ, ເຖິງແມ່ນວ່າໃນປັດຈຸບັນ ການສູ້ຮົບຢ່າງເຕັມຮູບແບບ ຈະຫລຸດຜ່ອນລົງແລ້ວກໍຕາມ ແຕ່ກໍຍັງປະກົດມີການປະທະກັນຢູ່ເລື້ອຍໆ ຊຶ່ງຕ່າງຝ່າຍ ຕ່າງກໍກ່າວຫາອີກຝ່າຍໜຶ່ງ ວ່າເປັນຜູ້ລະເມີດຂໍ້ຕົກລົງຢຸດຍິງ ທີ່ຕົກລົງກັນໄວ້ເມື່ອ 1 ປີຜ່ານມາ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!