ອາການຂອງໂຣກນອນບໍ່ລັບ ແມ່ນມີຫຼາຍຮູບແບບ ທັງການນອນລັບຍາກ, ການຕື່ນຕອນກາງເດິກ, ການນອນລັບໆ ຕື່ນໆ ຫຼື ການຕື່ນຕອນເຊົ້າມືດແລ້ວບໍ່ສາມາດນອນລັບຕໍ່ໄດ້ອີກເປັນຕົ້ນ.

ການຮັກສາໂຣກນອນບໍ່ລັບເບື້ອງຕົ້ນ
– ຊອກຫາສາເຫດຂອງການນອນບໍ່ລັບ ເພາະ ຫາກເປັນຍ້ອນໂຣກພະຍາດຕ້ອງຮັກສາໂຣກນັ້ນໃຫ້ຫາຍດີ
– ເຮັດກິດຈະກຳຊ່ວງຕອນກາງເວັນໃຫ້ຫຼາຍໆ ຫຼີກລ່ຽງການນອນເວັນ ແລະ ພະຍາຍາມເຂົ້ານອນໃຫ້ຖືກເວລາເພື່ອຝຶກຮ່າງກາຍໃຫ້ຊິນເຄີຍກັບເວລານອນ
– ຈັດຫ້ອງນອນໃໝ່ ໃຫ້ຫ້ອງນອນມີອາກາດຖ່າຍເທທີ່ດີ ສະອາດ, ສະຫງົບ, ບໍ່ເປື້ອນ, ບໍ່ມີຝຸ່ນ.
– ອອກກຳລັງກາຍທຸກວັນຢ່າງໜ້ອຍວັນລະ 15-30 ນາທີ ແລະ ກ່ອນເຂົ້ານອນຢ່າງໜ້ອຍ 2 ຊົ່ວໂມງ ຈະຊ່ວຍໃຫ້ນອນລັບດີ
– ຫຼີກລ່ຽງການດື່ມຊາ, ກາເຟ ກ່ອນເຂົ້ານອນ
– ດື່ມນ້ຳອຸ່ນ 1 ຈອກ ຫຼື ກ້ວຍ 1 ໜ່ວຍ ກ່ອນເຂົ້ານອນຈະຊ່ວຍໃຫ້ນອນລັບດີ

ການຮັກສາໂຣກນອນບໍ່ລັບດ້ວຍສະໝຸນໄພ
ຂີ້ເຫຼັກ ນຳໃບຂີ້ເຫຼັກອ່ອນມາ 1 ກຳມື ຕົ້ມກັບນ້ຳ 1 ລິດ ແລ້ວຕອງເອົາແຕ່ນ້ຳເພື່ອນຳມາດື່ມກ່ອນນອນ ຄັ້ງລະ 1 ຈອກ ຂໍ້ຄວນລະວັງຄືຫ້າມດື່ມເກີນກາຍ 1 ຈອກ/ຄັ້ງ ເພາະອາດເຮັດໃຫ້ຖອກທ້ອງໄດ້