spot_img
Homeຂ່າວທ້ອງຖິ່ນແຂວງສະຫວັນນະເຂດ ຮັບຮອງເອົາ 6 ບ້ານ ເປັນບ້ານວັດທະນະທຳສົມບູນ

ແຂວງສະຫວັນນະເຂດ ຮັບຮອງເອົາ 6 ບ້ານ ເປັນບ້ານວັດທະນະທຳສົມບູນ

Published on

ແຂວງສະຫວັນນະເຂດ ຮັບຮອງເອົາ 6 ບ້ານ ເປັນບ້ານວັດທະນະທຳສົມບູນ

ກຸ່ມບ້ານດົງທ່າເມືອງອຸທຸມພອນ ໄດ້ເປັນບ້ານວັດທະນະທຳສົມບູນ ແຂວງສະຫວັນນະເຂດ ຮັບຮອງເອົາ 6 ບ້ານຄື: ໂນນປ່າໄລ່, ດົງທ່າ, ດົງໃນ, ດົງຂວາງ, ໜອງແປນ, ນາຄຳ ທີ່ຂຶ້ນກັບກຸ່ມບ້ານດົງທ່າ ເມືອງອຸທຸມພອນ ເປັນບ້ານວັດທະນະທຳສົມບູນ
ເຊິ່ງໄດ້ຈັດມີພິທີປະກາດ 6 ບ້ານດັ່ງກ່າວ ເປັນບ້ານວັດທະນະທຳຂຶ້ນຢ່າງເປັນທາງການ ໃນວັນທີ 21 ພຶດສະພາ 2014ນີ້ ທີ່ວັດບ້ານໂນນປ່າໄລ່, ເຂົ້າຮ່ວມເປັນກຽດໃນພິທີຄັ້ງນີ້ມີທ່ານ ບຸນຍູ້ ທຳມະວົງ ເຈົ້າເມືອງໆອຸທຸມພອນ, ທ່ານ ສົມຈັນ ຈວງໃບຄຳ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ຫ້ອງການກ່ຽວຂ້ອງ, ອຳນາດການປົກ ຄອງ ແລະ ປະຊາຊົນກຸ່ມບ້ານດັ່ງກ່າວເຂົ້າຮ່ວມຢ່າງພ້ອມພຽງ.

ກຸ່ມບ້ານດົງທ່າ ຕັ້ງຫ່າງຈາກເທສະບານເມືອງອຸທຸມພອນ ໄປທາງທິດເໜືອຕາມສາຍທາງເລກ 10 ປະ ມານ 38 ກິໂລແມັດ, ເປັນຊົນເຜົ່າຜູ້ໄທ, ລວມມີ 818 ຄົວເຮືອນ, ມີ 1.012 ຄອບຄົວ, ມີຈຳນວນພົນລະເມືອງທັງໝົດ 5.210 ຄົນ, ມີເນື້ອທີ່ບ້ານ 5.183 ກວ່າເຮັກຕາ, ທັງ 6 ບ້ານມີລະບົບການຈັດຕັ້ງຄົບຊຸດໜາແໜ້ນພໍສົມ ຄວນ, ໃຕ້ການຊີ້ນຳຂອງຄະນະພັກຮາກຖານກຸ່ມດົງທ່າ, ມີ 3 ໜ່ວຍພັກນຳພາ, ມີສະມາຊິກພັກ 25 ສະຫາຍ, ປະ ຈຸບັນກຳລັງກໍ່ສ້າງເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ, ກຸ່ມບ້ານລວມມີເນື້ອທີ່ການຜະລິດເຂົ້ານາປີທັງໝົດ 1.364 ເຮັກຕາ, ສະມັດຕະພາບການຜະລິດ 2,8 ໂຕນ/ເຮັກຕາ, ສະເລ່ຍ 733 ກິໂລ/ຄົນ/ປີ, ໂດຍລາຍຮັບສ່ວນໃຫຍ່ຂອງປະຊາຊົນແມ່ນໄດ້ມາຈາກການຂາຍເຂົ້າ ແລະ ຂາຍສັດລ້ຽງ ນອກນັ້ນ ຍັງມາຈາກການຫັດຖະກຳ ແລະ ບໍລິການອີກຈຳນວນໜຶ່ງ. ກຸ່ມບ້ານດົງທ່າ ປະກອບມີໂຮງຮຽນອະນຸບານ 1 ແຫ່ງ, ປະຖົມ 6 ແຫ່ງ, ມັດທະຍົມ 1 ແຫ່ງ, ມີຄູ 34 ຄົນ, ນັກຮຽນ 1.181 ຄົນ ໃນນີ້ ເດັກໃນເກນອາຍຸເຂົ້າຮຽນ ແລະ ຜູ້ໃຫຍ່ 15-45 ປີ ຮູ້ໜັງສືກວມເອົາ100%, ມີສຸກສາລາ 1 ແຫ່ງ, ມີຖົງຢາປະຈຳບ້ານ 3 ຖົງ, ມີ ອສບ/ແພດຈຳນວນ 10 ຄົນ, ເຊິ່ງມາຮອດ ປະຈຸບັນນີ້, ມີຄອບຄົວທີ່ຜ່ານຕາມ 5 ມາດຖານຂອງຄົວບ້ານວັດທະນະທຳ ແລະ ໄດ້ຖືກຮັບຮອງເປັນຄອບຄົວວັດ ທະນະທຳແລ້ວ 714 ຄອບຄົວ, ເທົ່າກັບ 87% ຂອງຄອບຄົວທັງໝົດ. 


ໂອກາດນີ້, ໃນພິທີຍັງໄດ້ມີການມອບ-ຮັບໃບຢັ້ງຢືນແມ່ຍິງ 3 ດີ ແລະ ໜ່ວຍແບບຢ່າງຊາວໜຸ່ມ 4 ບຸກແກ່ 6 ບ້ານຕື່ມອີກ. ຈາກນັ້ນ, ໃນຕອນທ້າຍຂອງພິທີທ່ານເຈົ້າເມືອງໆອຸທຸມພອນ ພ້ອມດ້ວຍບັນດາແຂກທີ່ມີກຽດພາຍ ໃນງານ ກໍໄດ້ຮ່ວມກັນລັ່ນຄ້ອງ 9 ບາດ ເພື່ອຄວາມເປັນສິລິມຸງຄຸນ ແລະ ເປັນສັນຍາລັກແຫ່ງການປະກາດກຸ່ມ ບ້ານດົງທ່າເປັນບ້ານວັດທະນະທຳຢ່າງສົມບູນ.

ທີ່ມາ www.facebook.com/Savanhphuttana-News/

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...