spot_img
Homeນານາສາລະລ້ຽງກຸ້ງຝອຍໃນຫລຸມພລາສຕິກ 2 ເດືອນກໍ່ຈັບຂາຍໄດ້

ລ້ຽງກຸ້ງຝອຍໃນຫລຸມພລາສຕິກ 2 ເດືອນກໍ່ຈັບຂາຍໄດ້

Published on

ກະສິກຳວັນນີ້ເຮົາຈະມານຳສະເໜີ ວິທີການລ້ຽງກຸ້ງຝອຍໃນຫລຸມພລາສຕິກ ເປັນອາຊີບເສີມທີ່ໜ້າສົນໃຈ ເພາະມັນສາມາດສ້າງລາຍຮັບໄດ້ ແລະ ກິນໄດ້ ການລ້ຽງກໍ່ງ່າຍບໍ່ຍາກຢ່າງທີ່ຄິດ ແຕ່ຈະລ້ຽງແນວໃດນັ້ນເຮົາມາອ່ານກັນເລີຍ

5 (2)

ກຽມຫລຸມສຳລັບລ້ຽງກຸ້ງ
1. ເລີ່ມຈາກການຂຸດຫຼຸມຂະໜາດກ້ວາງປະມານ 2ແມັດ ຍາວ 8 ແມັດ ແລະ ເລິກ 70ຊມ
2. ນຳພລາສຕິດສີດຳທີ່ມີຄວາມໜາປະມານ 7-8 ຊມ ມາປູລົງຫລຸມ ແລ້ວໃຊ້ດິນຈີບຕາມແຄມທັບພລາສຕີກແໜ້ນໆ (ຕາມພາບ)
3. ເຕີມນ້ຳລົງໄປໃນຫລຸມໃຫ້ພໍດີ ແລ້ວປະໄວ້ປະມານ 7-10ວັນ
4. ຕໍ່ມາໃຫ້ນຳຜັກຕົບ, ສາລ່າຍ, ຫຍ້າຂົນ ທີ່ຫາໄດ້ຕາມທຳມະຊາດມາໄວ້ໃນຫຼຸມ

ວິທີປ່ອຍກຸ້ງລົງຫລຸມ
1. ນຳກຸ້ງຝອຍຈາກແຫລ່ງນ້ຳທຳມະຊາດມາປະມານ 5 ຂີດ ຖ້າເປັນໂຕແມ່ຫຼາຍຍິ່ງດີ
2. ປ່ອຍກຸ້ງຝອຍລົງໄປປະມານ 7 ວັນທຳອິດບໍ່ຕ້ອງໃຫ້ອາຫານ ເພາະກຸ້ງກຳລັງປັບສະພາບໃນຫຼຸມ

ສູດວິທີດັບກິ່ນຂ້າເຊື້ອພະຍາດໃນຫລຸມ ແລະ ເຮັດໃຫ້ກຸ້ງໃຫຍ່ໄວ
– ໃຊ້ EM 2 ບ່ວງແກງ, ກາກນ້ຳຕານ 2ບ່ວງແກງ, ນ້ຳ 1 ລິດ ມາປະສົມໃຫ້ເຂົ້າກັນແລ້ວໝັກໄວ້ໃນຮົ່ມປະມານ 1 ອາທິດ
– ອັດຕາສ່ວນໃນການໃຊ້ : ອີເອັມ 1 ລິດ ຕໍ່ນ້ຳ 20 ລິດ ໃຊ້ຝັກບົວຫົວນ້ຳໃຫ້ທົ່ວຫຼຸມ ແມ່ນໃຊ້ຫຼັງເຕີມນ້ຳລົງໄປກ່ອນການປ່ອຍກຸ້ງ ຈະຊ່ວຍດັບກິ່ນຂ້າເຊື້ອພະຍາດໃນຫຼຸມ ແລະ ເຮັດໃຫ້ກຸ້ງໃຫຍ່ໄວຂຶ້ນ

1 (3)

ອາຫານກຸ້ງຝອຍ ແລະ ການໃຫ້ອາຫານກຸ້ງ
– ນຳເອົາແຕ່ໄຂ່ແດງທີ່ຕົ້ມສຸກແລ້ວຈຳນວນ 2 ໜ່ວຍ ມາປະສົມກັບຮຳອ່ອນ 3 ຂີດ ຈາກນັ້ນຄົນເຂົ້າກັນ ແລ້ວເຮັດເປັນປັ້ນ ເທົ່າກຳປັ່ນຈາກນັ້ນກໍ່ນຳໄປເກືອກຸ້ງ 1 ຫຼຸມປະມານ 3 ປັ້ນ ທຸກໆມື້ ຫຼັງຈາກ 1 ເດືອນ ກຸ້ງຂອງທ່ານຈະເລີ່ມວາງໄຂ່ ໃຫ້ສັງເກດເບິ່ງຕອນກາງຄືນ ໂດຍນຳໄຟສາຍມາຊ່ອງເບິ່ງວ່າກຸ້ງວາງໄຂ່ ຫຼື ບໍ່
– ໃນສ່ວນເຕັກນິກການເລັ່ງໃຫ້ກຸ້ງວາງໄຂ່ໄວນັ້ນ ສາມາດເຮັດໄດ້ໂດຍ ການນຳເອົາສາຍຢາງເປີດນ້ຳລົງຫລຸມ ເປີດນ້ຳແຮງໆ ປ່ອຍໄວ້ປະມານ 10-20 ນາທີ ເພາະກຸ້ງນັ້ນມັກຫຼິ້ນນ້ຳໄຫລ ແລະ ຈະດີດຕົວເຮັດໃຫ້ໄຂ່ຕົກລົງມາ ເຊິ່ງໃນທຳມະຊາດນັ້ນກຸ້ງຈະບໍ່ວາງໄຂ່ຖ້ານ້ຳນິ້ງ ລ້ຽງຕໍ່ໄປປະມານ 1-2 ເດືອນ ກຸ້ງກໍ່ຈະໃຫຍ່ເຕັມທີ່ ແລະ ສາມາດຈັບຂາຍໄດ້ ແນະນຳວ່າການລ້ຽງກຸ້ງໃນຫລຸມບໍ່ໃຫ້ຈຳນວນກຸ້ງເກີນ 20-30 ກິໂລ ຕໍ່ 1ຫຼຸມ
2 (3)
ທີ່ມາ: http://fb.thaiarcheep.com/2016/05/2_13.html

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...