spot_img
Homeນານາສາລະວິທີປູກດອກພຸດຮ້ອຍພວງມະໄລ

ວິທີປູກດອກພຸດຮ້ອຍພວງມະໄລ

Published on

ກະສິກຳວັນນີ້ເຮົາຈະມານຳສະເໜີກ່ຽວກັບການປູກຕົ້ນດອກພຸດ ເພື່ອສ້າງລາຍຮັບເຂົ້າຄອບຄົວ ເພາະດອກພຸດແມ່ນເປັນທີ່ນິຍົມຫຼາຍໃນນຳດອກມັນໄປໃຊ້ໃນການຮ້ອຍພວງມະໄລ ບູຊາ ແລະ ເປັນດອກໄມ້ທີ່ໄດ້ຂາຍດີ ຕະຫຼາດດອກໄມ້ມີຄວາມຕ້ອງການຕະຫຼອດ ແລະ ນັບມື້ຄວາມຕ້ອງການກໍ່ຫຼາຍຂຶ້ນ ໂດຍສະເພາະຊ່ວງເຂົ້າພັນສາ, ປີໃໝ່ ແລະ ງານຕ່າງໆ ປົກກະຕິວັນສິນກໍ່ຕ້ອງໄດ້ໃຊ້ ນີ້ແມ່ນເຫດຜົນວ່າເປັນຫຍັງຕ້ອງປູກດອກພຸດໄວ້ຂາຍ ເພາະມັນສ້າງລາຍຮັບທີ່ດີໃຫ້ແກ່ທ່ານໄດ້ ແລະ ທີ່ສຳຄັນໃຊ້ງົບປະມານບໍ່ຫຼາຍ ດູແລກໍ່ບໍ່ຫຍຸ້ງຍາກຫຼາຍ

wedding_740

ໃນເນື້ອທີ່ດິນ 1 ໄຮ່ ສາມາດປູກກົກດອກພຸດໄດ້ 200 ຕົ້ນ ດອກພຸດຈະມັກຢູ່ສະຖານທີ່ອາກາດປອດໂປ່ງຮັບແສງແດດ ແລະ ຈະມັກດິນທີ່ມີການລະບາຍນ້ຳໄດ້ດີ ການປູກແມ່ນປູກໃນຕອນລະດູຝົນແມ່ນຈະຕິດຮາກໄວ ແລະ ອັດຕາການຕາຍມີໜ້ອຍ

ການຂຸດຂຸມປູກດອກພຸດແມ່ນ ຄວາມກ້ວາງ 50ຊມ, ຄວາມຍາວ 50ຊມ, ຄວາມເລິກ 50ຊມ ເມື່ອຂຸດຂຸມແລ້ວໃຫ້ນຳປຸ໋ຍຄອກຮອງກົ້ນຂຸມ ຄົນໃຫ້ເຂົ້າກັນກັບດິນ ແລະ ຕາກດິນໄວ້ປະມານ 1 ວັນ ຈາກນັ້ນກໍ່ເອົາຕົ້ນດອກພຸດທີ່ກຽມໄວ້ມາໃສ່ລົງຂຸມແລ້ວເອົາດິບປົກມ້ຽນໃຫ້ແໜ້ນ ແລະ ຫົດນ້ຳໃສ່

ການດູແລຮັກສາ

1.ການຫົດນ້ຳ ຕອ້ງຫົດນ້ຳພໍສົມຄວນ ສັງເກດເບິ່ງວ່າຫາກດິນຍັງຊຸ່ມຢູ່ ກໍ່ບໍ່ຟ້າວຫົດ ຖ້າໃຫ້ດິນແຫ້ງໝາດໆກ່ອນ ຈິ່ງຄ່ອຍຫົດ ໃນລະດູແລ້ງ ແມ່ນຫົດນ້ຳວັນລະ 2ຄັ້ງ ເຊົ້າ-ແລງ ໃນຊ່ວງລະດູຝົນລະວັງຢ່າໃຫ້ນ້ຳຖ້ວມຂັງ ເພາະຈະເຮັດໃຫ້ຮາກຕົ້ນດອກພຸດເນົ່າ, ໃບເຫຼືອງ ແລະ ຕາຍໄດ້

2.ການກຳຈັດສັດຕູພືດ ຫາກເຫັນສັດຕູພືດຂຶ້ນກົກດອກພຸດ ໃຫ້ກຳຈັດຖິ້ມ ເພື່ອປ້ອງກັນສັດຕູພືດໄປຍາດອາຫານຈາກຕົ້ນດອກພຸດ

3.ການໃສ່ປຸ໋ຍ ຄວນເນັ້ນໃສ່ປຸ໋ຍຄອກສະລັບກັບປຸ໋ຍເຄມີ ສູດ 15 15 15 ເດືອນລະ 1 ຄັ້ງ ເພື່ອປະຫຍັດຕົ້ນທຶນ

4.ການຕັດກ່າງ ຫຼັງຈາກເຫັນວ່າກ້ານດອກພຸດແຕກກິ່ງກ້ານຫຼາຍເກີນໄປ ໃຫ້ຕັດແຕ່ງກ່າງອອກເປັນພຸ່ມ ຈະຊ່ວຍໃຫ້ດອກພຸດເປັນຊົງພຸ່ມສວຍງາມ ແຖມຍັງລຸດຜ່ອນໂຣກ ແລະ ແມງໄມ້ໄດ້ອີກ ແລະ ຈະເຮັດໃຫ້ຕົ້ນດອກພຸດມີອາຍຸຍືນຍາວຮອດ 10 ປີ

ການຂະຫຍາຍພັນຂອງດອກພຸດແມ່ນໃຊ້ກ່າງແກ່ ຕັດອອກມາຊຳໄວ້ 1 ຄືນ ແລ້ວສາມາດນຳໄປປູກໃນດິນທີ່ກຽມໄວ້ ຫຼື ບາງຄົນກໍ່ຕັດມາປູກເລີຍກໍ່ໄດ້

ດອກພຸດຈະມີລາຄາແພງໃນຊ່ວງຍາມໜາວ ເພາະບໍ່ຄ່ອຍມີດອກຫຼາຍ ແລະ ຍາມຝົນລາຄາກໍ່ຖືກລົງຖ້າເກັບຂາຍກໍ່ຢູ່ໃນລາຄາປະມານ ກິໂລລະ 10,000 ກິບ-15,000ກີບ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...