ສຸຂະພາບກັບລາວໂພສຕ໌ວັນນີ້ ເຮົາຈະມາເວົ້າເຖິງ ໂຣກຄວາມດັນຕ່ຳ ເຊິ່ງໂຣກນີ້ເປັນອີກໂຣກໜຶ່ງທີ່ພົບຫຼາຍໃນຄົນລາວ ແລະ ຄົນເກືອບທຸກໄວອາຍຸທີ່ສາມາດເປັນໂຣກນີ້ໄດ້ ແລະ ວັນນີ້ເຮົາຈະພາທຸກທ່ານມາຮູ້ກ່ຽວກັບໂຣກນີ້ກັນ
ໂຣກຄວາມດັນຕ່ຳອາດກ່າວໄດ້ວ່າເປັນພາວະອາການທີ່ບໍ່ແມ່ນໂຣກພະຍາດ ແລະ ຍັງບໍ່ຮູ້ສາເຫດທີ່ແນ່ນອນ ໂດຍອາດເກີດຈາກຜູ້ກ່ຽວ ເປັນພະຍາດອື່ນເຊັ່ນ: ໂຣກຫົວໃຈ, ພາວະຂາດນ້ຳ, ເສຍເຫື່ອຫຼາຍ, ຖອກທ້ອງ, ພາວະອ່ອນເພຍ, ການອົດນອນ, ເລືອດຈາງ…
ອາການຂອງຜູ້ທີ່ເປັນຄວາມດັນຕ່ຳ ຈະຮູ້ສຶກເມື່ອຍ ບໍ່ມີແຮງ ວິນຫົວຢູ່ຕະຫຼອດເວລາ ໝ້າມືດ ບາງຄັ້ງອາດເປັນລົມ, ຊັອກ ແລະ ຮາກ ຖ້າຄວາມດັນເລືອດຫາກລຸດລົງຫຼາຍຈະເຮັດໃຫ້ຜູ້ກ່ຽວເກີດພາວະຂາດອົກຊີເຈນ ເຖິງຂັ້ນເສຍຊີວິດໄດ້.
ຄົນທີ່ເປັນຄວາມດັນຕ່ຳ ຄວນນກິນອາຫານທີ່ມີຄຸນປະໂຫຍດໃຫ້ຄົບ 5 ໝູ່ ແລະ ກິນອາຫານທີ່ມີແຄລຊ້ຽມສູງ ອາຫານທີ່ຍ່ອຍງ່າຍ, ມີທາດນ້ຳຕານ ທີ່ຕ້ອງໃຫ້ກິນອາຫານປະເພດນີ້ກໍ່ເພື່ອສະສົມພະລັງງານໃຫ້ຮ່າງກາຍ ແລະ ອາຫານ, ເຄື່ອງດື່ມທີ່ຄວນຫຼີກລ່ຽງມີ: ປະເພດກາເຟ, ຂະໜົມປັງຕ່າງໆ ແລະ ຢ່ານອນເດິກ ພັກຜ່ອນໃຫ້ພຽງພໍ ນອນຢ່າງໜ້ອຍວັນລະ 6-8 ຊົ່ວໂມງ, ອອກກຳລັງກາຍຢ່າງສະໝ່ຳສະເໝີຄັ່ງລະ 15-30 ນາທີ ຢ່າງໜ້ອຍອາທິດລະ 3 ຄັ້ງ ເພື່ອເພີ່ມຄວາມແຂງແຮງຂອງກ້າມເນື້ອຫົວໃຈ ແລະ ຫຼອດເລືອດ
ເພື່ອຊ່ວຍບຳລຸງເລືອດ ແລະ ບຳລຸງສຸຂະພາບຂອງຄົນທີ່ເປັນຄວາມດັນຕ່ຳ ໂດຍມີສະໝຸນທີ່ໃຊ້ໃນການຮັກສາມີດັ່ງນີ້:
ນຳເມັດພິກໄທແຫ້ງ 15 ກຣາມ ແລະ ໝາກດິບລີ້ (ພາສາໄທ) 15 ກຣາມ ຕົ້ມກັບນ້ຳປະມານ 1 ລິດ ໃຫ້ຟົດ ຈາກນັ້ນກໍ່ປະໄວ້ໃຫ້ນ້ຳອຸ່ນໆ ແລ້ວດື່ມ ຄັ້ງລະ 1 ຈອກ ເວລາດື່ມເຊົ້າ – ແລງ ກ່ອນອາຫານ ຈະຊ່ວຍເພີ່ມຄວາມດັນເລືອດໃຫ້ສູງຂຶ້ນໄດ້
ທີ່ມາ: http://www.pikool.com/