ວັນນີ້ເຮົາຈະມາແນະນຳ 10 ເມືອງທີ່ບໍ່ໜ້າຢູ່ທີ່ສຸດໃນໂລກ ເຊິ່ງຈະມີປະເທດໃດແນ່ ແລະ ເປັນຍ້ອນຫຍັງບັນດາເມືອງເຫຼົ່ານີ້ຈິ່ງບໍ່ໜ້າຢູ່ ເຮົາມາຮູ້ໄປພ້ອມກັນເລີຍ

ອັນດັບ10 ເມື່ອງ ປໍຣໂຕແປຣງ ສາທາລະນະລັດເຮຕິ

ປໍຣໂຕແປຣງ ເປັນເມືອງຫຼວງຂອງປະເທດເຮຕິ ເປັນປະເທດໜຶ່ງໃນທະວີບອາເມລິກາເໜືອມີປະຊາກອນອາໃສຢູ່ 2.5 -3 ລ້ານຄົນ ເມືອງນີ້ມີສະພາບທາງການເມືອງບໍ່ສະຫງົບປານໃດ ແລະ ມີນັກທ່ອງທ່ຽວເຂົາໄປບໍ່ຫຼາຍ

ອັນດັບ 9 ເມືອງກິນຊາຊ່າ ສາທາລະນະລັດ ຄອງໂກ

ກິນຊາຊ່າ ເປັນເມືອງຫຼວງ ແລະ ເມືອງໃຫຍ່ທີ່ສຸດຂອງສາທາລະນະລັດ ຄອງໂກ ມີປະຊາກອນອາໃສຢູ່ທັງໝົດ 8 ລ້ານຄົນ ໃນເມືອງນີ້ມີຄະດີອາດສະຍາກຳສູງຫຼາຍ ອັດຕາສ່ວນຄະດີອາດສະຍາກຳ 112.3 ຄົນ ຕໍ່ ປະຊາກອນ 100,000 ຄົນ

ອັນດັບ 8 ເມືອງ ນູແອກຊັອດ ສາທາລະນະລັດ ອິດສະລາມມໍຣິເຕເນຍ

ນູແອກຊັອດ ເປັນເມືອງຫຼວງ ແລະ ເປັນເມືອງທີ່ມີຂະໜາດໃຫຍ່ທີ່ສຸດໃນປະເທດ ມໍຣິເຕເນຍ ຕັ້ງຢູ່ຝັ່ງມະຫາສະໝຸດແອັດແລນຕິກ ມີປະຊາກອນ 9 ແສນຄົນ ແລະ ໃນຈຳນວນນີ້ມີຈຳນວນຄົນອົບພະຍົບໄປເພື່ອໜີບັນຫາຄວາມແຫ້ງແລ້ງເປັນຈຳນວນຫຼາຍ

ອັນດັບ 7 ເມືອງ Pointe Noire ສາທາລະນະລັດ ຄອງໂກ

Pointe Noire ເປັນເມືອງທີ່ໃຫຍ່ເປັນອັນດັບ 2 ຂອງສາທາລະນະລັດ ຄອງໂກ ເມືອງນີ້ມີສະຖິຕິນັກທ່ອງທ່ຽວຖືກທຳຮ້າຍ ແລະ ຖືກປຸ້ນຊັບສິນເປັນປະຈຳ

ອັນດັບ 6 ເມືອງ ຊານາ ສາທາລະນະລັດ ເຢເມນ

ຊານາ ເປັນເມືອງຫຼວງຂອງປະເທດ ເຢເມນ ມີປະຊາກອນອາໃສຢູ່ປະມານ 2 ລ້ານຄົນ ເມືອງນີ້ຈະມີເຕັມໄປດ້ວຍອາຄານເຮືອນຊານທີ່ທັນສະໄໝ, ເມືອງນີ້ຍັງເຕັມໄປດ້ວຍບູຮານສະຖານ ແລະ ສະຖາປັດຕະຍາກຳອັນເກົ່າແກ່ຫຼວງຫຼາຍ ແຕ່ຫຼັງເກີດເຫດການທຳຮ້າຍຊາວຕ່າງຊາດ ແລະ ລະເບີດສະຖານທູດສະຫະລັດ ເມື່ອບໍ່ດົນມານີ້ເຮັດໃຫ້ນັກທ່ອງທ່ຽວເດີນທາງເຂົ້າປະເທດນ້ອຍລົງຫຼາຍ

ອັນດັບ 5 ເມືອງ ຄາຣທູມ ສາທາລະນະລັດ ຊູດານ

ຄາຣທູມ ເປັນເມືອງຫຼວງ ປະເທດຊູດານ ມີປະຊາກອນອາໃສຢູ່ 2,207,794 ຄົນ ຊູດານຍັງມີບັນຫາຄວາມບໍ່ສະຫງົບ ແລະ ມີການສູ່ຮົບກັນພາຍໃນປະເທດ ເຊິ່ງເຮັດໃຫ້ປະຊາກອນເສຍຊີວິດເປັນຈຳນວນຫຼາຍ

ອັນດັບ 4 ເມືອງ ບຣາຊາວິລ ສາທາລະນະລັດ ຄອງໂກ

ບຣາຊາວິລ ເປັນເມືອງຫຼວງ ແລະ ເປັນເມືອງໃຫຍ່ທີ່ສູດຂອງ ສາທາລະນະລັດ ຄອງໂກ ມີປະຊາກອນອາໃສຢູ່ 1 ລ້ານຄົນ ເມືອງນີ້ມີທັງຄວາມຂັດແຍ້ງລະຫວ່າງລັດຖະບານ ແລະ ຜູ້ກໍ່ການຮ້າຍ ລວມເຖິງຄວາມຂັດແຍ້ງກັບປະເທດເພື່ອນບ້ານ ເປັນສາເຫດທີ່ເຮັດໃຫ້ປະຊາກອນລົ້ມຕາຍເປັນຈຳນວນຫຼາຍ ຈິ່ງເກີດການອົບພະຍົບຖິ່ນຖານເພື່ອໜີສົງຄາມ

ອັນດັບ 3 ເມືອງ ເອັນຈາເມນາ ສາທາລະນະລັດຊາດ (Chad)

ເມືອງ ເອັນຈາເມນາ ເປັນເມືອງໃຫຍ່ທີ່ສຸດໃນປະເທດຊາດ ມີປະຊາກອນອາໃສຫຼາຍກ່ວາ 700,000 ຄົນ ເມືອງນີ້ມີສະຖານທີ່ທ່ອງທ່ຽວທີ່ສວຍງາມຫຼາຍແຫ່ງ ແຕ່ໜ້າເສຍດາຍທີ່ມັກເກີດເຫດການຄວາມບໍ່ສະຫງົບ ແລະ ເກີດບັນຫາວຸ້ນວາຍຕະຫຼອດ ເລີຍເຮັດໃຫ້ຕິດເປັນອັນດັບ 3 ເມືອງທີ່ບໍ່ໜ້າຢູ່ທີ່ສຸດຂອງໂລກ

ອັນດັບ 2 ເມືອງ ບັງກີ ສາທາລະນະລັດ ແອຟຣິກາກາງ

ເມືອງ ບັງກີ ມີປະຊາກອນອາໃສຫຼາຍກ່ວາ 5 ແສນຄົນ ເມືອງນີ້ໄດ້ຮັບການຂຶ້ນທະບຽນເປັນເມືອງມໍລະດົກໂລກ ສາຂາວັດທະນະທຳ ຈາກອົງການຢູເນັສໂກ ເມື່ອ ປີ ຄ.ສ 2006 ແຕ່ໜ້າເສຍດາຍທີ່ເມືອງນີ້ມັກມີເຫດການຄວາມບໍ່ສະຫງົບ ແລະ ບັນຫາຄວາມຮຸນແຮງທີ່ມັກເກີດຂຶ້ນຢ່າງຕໍ່ເນື່ອງມາເປັນເວລາຍາວນານເຖິງ 20 ປີແລ້ວ

ອັນດັບ 1 ເມືອງ ແບກແດດ ສະທາລະນະລັດ ອິຣັກ

ແບກແດດ ເປັນເມືອງຫຼວງ ແລະ ເມືອງໃຫຍ່ທີ່ສຸດໃນປະເທດ ອິຣັກ ແລະ ເປັນເມືອງອັນດັບສອງຂອງໂລກອາຫລັບ (ຮອງຈາກ ໄຄໂຣ) ແລະ ໃຫຍ່ເປັນອັນດັບສອງຂອງອາຊີຕະເວັນຕົກສຽງໃຕ້ ມີປະຊາກອນອາໃສໃນເມືອງນີ້ຫຼາຍກ່ວາ 6,5 ລ້ານຄົນ ເມືອງ ແບກແດດ ເປັນເມືອງສູນກາງດ້ານວິທະຍາການ ແລະ ວັດທະນະທຳ ເພາະເປັນເມືອງ ມໍລະດົກດ້ານໂຕເລກ ຕົວອັກສອນ ດວງດາວ ໂຫຣາສາດ ແລະ ການແພດ ມາຈາກລຸ້ນບັນພະບູລຸດທີ່ຜ່ານມາມັກເກີດສົງຄາມ ແລະ ເຫດການບໍ່ສະຫງົບເປັນປະຈຳໃນເມືອງນີ້ ຈຶ່ງເຮັດໃຫ້ເມືອງນີ້ກາຍເປັນເມືອງທີ່ບໍ່ໜ້າຢູ່ເປັນອັນດັບ 1 ຂອງໂລກ

ທີ່ມາ: www.ilovetogo.com