Homeຂ່າວຕ່າງປະເທດອາເມຣິກາເປີດນຳໃຊ້ ລະບົບປ້ອງກັນຂີປະນາວຸດ ຢູ່ຣູມານີ! ດ້ານຣັດເຊຍປະນາມ ເປັນໄພຕໍ່ຄວາມໝັ້ນຄົງ!

ອາເມຣິກາເປີດນຳໃຊ້ ລະບົບປ້ອງກັນຂີປະນາວຸດ ຢູ່ຣູມານີ! ດ້ານຣັດເຊຍປະນາມ ເປັນໄພຕໍ່ຄວາມໝັ້ນຄົງ!

Published on

ສຳນັກຂ່າວຕ່າງປະເທດ ລາຍງານໃນວັນທີ 12 ພຶດສະພາຜ່ານມານີ້ວ່າ ສະຫະລັດອາເມຣິກາ ແລະ ອົງການສົນທິສັນຍາ ປ້ອງກັນແອັດແລນຕິກເໜືອ ຫລື ນາໂຕ້ ໄດ້ປະກາດເລີ່ມເປີດນຳໃຊ້ ລະບົບປ້ອງກັນຂີປະນາວຸດ ມູນຄ່າ 800 ລ້ານໂດລາ ທີ່ຖານທັບອາກາດ ເດເວເຊລູ ທາງພາກໃຕ້ຂອງປະເທດຣູມານີ ໂດຍອ້າງວ່າ ເພື່ອປົກປ້ອງຕົນເອງ ແລະ ປະເທດເອີຣົບ ຈາກການຍິງຂີປະນາວຸດມາຈາກປະເທດຕ່າງໆ ໂດຍສະເພາະແມ່ນອີຣ່ານ.

ໃນຂະນະດຽວກັນ, ດ້ານເຈົ້າໜ້າທີ່ຂອງຣັດເຊຍ ໄດ້ອອກມາປະນາມການເຄື່ອນໄຫວດັ່ງກ່າວ ຂອງສະຫະລັດອາເມຣິກາ ແລະ ກຸ່ມນາໂຕ້ ໂດຍທ່ານ ດິມິທຣີ ເປສະຄອບ ໂຄສົກລັດຖະບານຣັດເຊຍ ໄດ້ອອກມາລະບຸວ່າ ຕາມຄວາມເຫັນຂອງຜູ້ຊ່ຽວຊານແລ້ວ ເຮັດໃຫ້ພວກເຮົາເຊື່ອວ່າ ການເປີດໃຊ້ງານ ລະບົບປ້ອງກັນຂີປະນາວຸດໃນຄັ້ງນີ້ ເປັນໄພຄຸກຄາມຢ່າງແທ້ຈິງ ຕໍ່ຄວາມໝັ້ນຄົງຂອງຣັດເຊຍ. ສ່ວນ ພົນເອກ ວະລາດີເມຍ ໂຄໂມເຢດອບ ປະທານກຳມາທິການປ້ອງກັນຊາດ ແຫ່ງ ສະພາດູມາ (ສະພາຜູ້ແທນປະຊາຊົນຣັດເຊຍ) ໄດ້ອອກມາລະບຸອີກວ່າ ພວກເຂົາໄດ້ຂະຫຍາຍແນວຍິງ ຊຶ່ງບໍ່ແມ່ນແຕ່ 100% ແຕ່ເປັນ 1000% ແມ່ນມີເປົ້າໝາຍທີ່ພວກເຮົາ ຊຶ່ງບໍ່ກ່ຽວກັບອີຣ່ານ ແຕ່ຫາກແມ່ນຣັດເຊຍ ແລະ ຂີດຄວາມສາມາດທາງນິວເຄລຍ ຂອງພວກເຮົາ.

NjpUs24nCQKx5e1EaDqY2Qk76lY04c86ePRTY7w5yu6
ທ່ານ ດິມິທຣີ ເປສະຄອບ ໂຄສົກລັດຖະບານຣັດເຊຍ

ແນວໃດກໍຕາມ, ສະຫະລັດອາເມຣິກາ ຍັງຄົງເດີນໜ້າໂຄງການກໍ່ສ້າງ ລະບົບປ້ອງກັນຂີປະນາວຸດໃນທະວີບເອີຣົບ ຊຶ່ງໄດ້ມີການວາງແຜນມາແຕ່ດົນນານແລ້ວ ແລະ ເຖິງແມ່ນໄດ້ມີຫາງສຽງຄັດຄ້ານຈາກຣັດເຊຍ ມາໂດຍຕະຫລອດກໍຕາມ, ໃນວັນສຸກທີ 13 ພຶດສະພາ 2016 ນີ້ ສະຫະລັດອາເມຣິກາ ກໍຍັງຢືນຢັນ ຈະລົງມືກໍ່ສ້າງລະບົບປ້ອງກັນແບບດຽວກັນນີ້ ເປັນແຫ່ງສຸດທ້າຍ ຢູ່ດິນແດນຂອງປະເທດໂປໂລຍ ຊຶ່ງມີກຳນົດກໍ່ສ້າງສຳເລັດ ພາຍໃນທ້າຍປີ 2018.

 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...