ກະຊວງສາທາລະນະສຸກເອກວາດໍແຈ້ງວ່າ ໄວຣັສໄຂ້ຫວັດໃຫຍ່ສາຍພັນ H1N1 ຂ້າຊີວິດຄົນໃນປະເທດໄປແລ້ວຢ່າງໜ້ອຍ 39 ຄົນນັບຕັ້ງແຕ່ເດືອນເມສາ ແລະ ພົບຜູ້ປ່ວຍແລ້ວ 239 ຄົນ.
ກະຊວງສາທາລະນາສຸກເອກວາດໍລະບຸວ່າ ລະດູໜາວທີ່ສຸດທີ່ເກີດຂຶ້ນທົ່ວປະເທດໃນຂະນະນີ້ເປັນສາເຫດທີ່ເຮັດໃຫ້ມີຄົນເຈັບຈຳນວນຫຼາຍ ແລະຍັງມີລາຍງານຄົນເປັນໄຂ້ຫວັດໃຫຍ່ H1N1 ໃນຫຼາຍປະເທດທີ່ຢູ່ໃນອາເມລິກາໃຕ້ເຊັ່ນດຽວກັນ ນອກຈາກໄວຣັສ H1N1 ແລ້ວ ເອກວາດໍຍັງພົບຜູ້ປ່ວຍໄວຣັສໄຂ້ຫວັດໃຫຍ່ເອສາຍພັນ H3N2 ແລະໄຂ້ຫວັດໃຫຍ່ຢູ່ໃນຂະນະນີ້ນຳ ຢ່າງໃດກໍຕາມ ກະຊວງໄດ້ສີດວັກແຊັງປ້ອງກັນໄວຣັສ H1N1 ໃຫ້ແກ່ປະຊາຊົນແລ້ວບໍ່ຕໍ່າກວ່າ 3 ລ້ານຄົນ ແລະ ສົ່ງເຈົ້າໜ້າທີ່ອອກສີດພົ່ນຢາຂ້າເຊື້ອໄວຣັສຕາມເຮືອນ ແລະ ສູນພັກຜູ້ປະສົບໄພແຜ່ນດິນໄຫວໃຫຍ່ເມື່ອກາງເດືອນກ່ອນ.
ເອກວາດໍເຄີຍເກີດໄຂ້ຫວັດໃຫຍ່ H1N1 ລະບາດດົນເຖິງ 1 ປີ ເມື່ອວັນທີ 15 ພຶດສະພາ 2011 ຄັ້ງນັ້ນພົບຄົນເຈັບ 2.251 ຄົນ ແລະ ເສຍຊີວິດ 129 ຄົນ.