ສຳນັກງານຕາງໜ້າສະຫະພາບເອີຣົບປະຈຳລາວ ໄດ້ຈັດງານລ້ຽງທາງການ ເພື່ອສະເຫຼີມສະຫຼອງ ຄົບຮອບ 66ປີ ຖະແຫຼງການຊູມານ ຫຼື ວັນເອີຣົບ ວັນທີ 9 ພຶດສະພາ ທີ່ຕຶກ ‘Europe House’ ນະຄອນຫຼວງວຽງຈັນ.
ທ່ານ ນ. ເຂັມມະນີ ພົນເສນາ ລັດຖະມົນຕີ ກະຊວງການຄ້າ ແລະ ອຸດສະຫະກຳ ແລະ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີ ກະຊວງການຕ່າງປະເທດ ຕ່າງໜ້າລັດຖະບານ ແລະ ໃນນາມ ແຂກກິດຕິມະສັກ ຮ່ວມກັບ ທ່ານ ມີແຊນ ໂກແຟງ, ອຸປະທູດອີຢູ ປະຈຳລາວ ແລະ ທ່ານ ຟຣອງຊີສໂກ ຟົງຕານ ທູດ ອີຢູ ປະຈຳອາຊຽນ ຮວມທັງ ບັນດາທູດປະເທດສະມາຊິກອີຢູ, ທູຕານຸທູດ, ພະນັກງານອາວຸໂສ ຈາກກະຊວງການ ຕ່າງໆ, ຕາງໜ້າ ອົງການຈັດຕັ້ງສາກົນ ຫຼາຍກ່ວາ ຮ້ອຍທ່ານເຂົ້າຮ່ວມພິທີສະເຫຼີມສະຫູອງໃນຄັ້ງນີ້.
