ຮ້ອນໆແບບນີ້ພວກເຮົາ ຂໍແນາະນຳວິທີເຮັດ ນ້ຳປັ່ນໝາກໂມ ແລະ ສະຕໍເບີຣີ ເປັນເຄື່ອງດືມຄາຍຄວາມຮ້ອນ
ສ່ວນປະກອບ:
– ໝາກໂມແຊ່ແຂງ 2 ຖ້ວຍນ້ອຍ.
– ສະຕໍເບີຣີແຊ່ແຂງ 1 ຖ້ວຍນ້ອຍ.
– ນ້ຳໝາກພ້າວ 1 ຈອກໃຫຍ່.
– ໃບມິ້ນ (ຫອມຮໍ້) 10 ຍອດ.
– ນ້ຳເຜິ້ງໜ້ອຍໜຶ່ງ ຫຼື ບໍ່ໃສ່ເລີຍກໍ່ໄດ້.
ວິທີປຸງແຕ່ງ:
• ເມື່ອໝາກໄມ້ແຂງແລ້ວກໍ່ເອົາອອກມາໃສ່ໂຖປັ່ນພ້ອມກັບນ້ຳໝາກພ້າວ ແລະ ໃບມິ້ນແລ້ວປັ່ນທຸກຢ່າງໃຫ້ລະອຽດຈົນເປັນເນື້ອດຽວກັນ. ຈາກນັ້ນ, ກໍ່ລົດຊາດຕາມໃຈມັກຈະຕື່ມນ້ຳເຊື່ອມ ຫຼື ນ້ຳເຜິ້ງໃສ່ຕື່ມກໍ່ໄດ້, ຖອກໃສ່ຈອກຕົກແຕ່ງດ້ວຍສະຕໍເບີຣີ ແລະ ໃບມິ້ນ.
ສັບພະຄຸນ:
ໃບມິ້ນ (ຜັກຫອມຮໍ້):
– ຜັກຫອມຮໍ້ສາມາດແກ້ອາການເຈັບທ້ອງ, ທ້ອງອືດ, ຊ່ວຍກຳຈັດລົມໃນກະເພາະ ໂດຍການຄັ້ນເອົາແຕ່ນ້ຳຈາກຕົ້ນ ແລະ ໃບມາດື່ມ ຫຼື ຈະກິນແບບສົດໆກໍ່ໄດ້ ເຊິ່ງຈະຊ່ວຍດັບກິ່ນປາກໄດ້ນຳ.
– ຊ່ວຍອາການຈຸກທ້ອງໃນເດັກ ໂດຍເອົາໃບປະມານ 2-3 ໃບ ມາບົດໃຫ້ລະອຽດແລ້ວປະສົມກັບນ້ຳເລັກນ້ອຍ ຈະຊ່ວຍໃຫ້ອາການບັນເທົາລົງ. ເຊິ່ງເປັນຢາທີ່ຊ່ວຍຢຸດຢັ້ງເຊື້ອພະຍາດໄດ້ດີ.
– ນອກຈາກນັ້ນ, ຍັງຊ່ວຍໃຫ້ສະໝອງປອດໂປ່ງ, ປ້ອງກັນໄຂ້ຫວັດ, ບຳລຸງສາຍຕາ ແລະ ຊ່ວຍໃຫ້ຫົວໃຈແຂງແຮງ ເຊິ່ງໃນຜັກຫອມຮໍ້ຍັງເຕັມໄປດ້ວຍເບຕ້າ ແຄໂຣທີນ, ແຄລຊຽມ, ວິຕາມິນຊີອີກດ້ວຍ.

ຈາກ: ເສດຖະກິດ – ການຄ້າ