ເກີບກັດເປັນອີກປັນຫາທີ່ສາງຄວາມເຈັບປວດທໍລະມານໃຫ້ກັບຕີນຄົນເຮົາເປັນທີ່ສຸດ ແລະ ເຊື່ອວ່າມັນອາດເປັນປັນຫາາທີ່ຫຼາຍຄົນເຄີຍປະສົບມາແລ້ວແນ່ນອນ ນັ້ນມັນຍັງສົ່ງຜົນເຮັດໃຫ້ຕີນຂອງທ່ານນັ້ນປັນບາດແຜ່ແຖມຍັງເປັນອຸປະສັກໃນການເຮັດກິດຈະກຳຕ່າງໆຂອງທ່ານ
ເກີບກັດຕີນນັ້ນສ່ວນໃຫຍ່ແລ້ວມັກຈະເກີດຈາກການເລືອກເກີບຂະໜາດທີ່ບໍ່ພໍດີກັບຕີນປານໃດ ຫຼື ອາດຈະເກີດມາຈາກວ່າເປັນເກີບຄູ່ໃໝ່ທີ່ຍັງບໍ່ທັນໄດ້ໃສ່ຈັກເທືອ ຈຶ່ງເຮັດໃຫ້ບໍ່ທັນຍືດເທື່ອຈິ່ງສົ່ງຜົນໃຫ້ເກີດການຮຸກຖູໄດ້ງ່າຍ.
ວິທີຮັກສາເກີບກັດຕີນນັ້ນມີຫຼາຍວິທີການຄື:
1. ນ້ຳມັນປະພດຕ່າງໆຊ່ວຍໄດ້ເຊັ່ນວ່າ: ນ້ຳມັນໝາກພ້າວ, ຄີມທາຜິວ ແລະ ເບບີ້ອອຍເປັນຕົ້ນ ໂດຍການເອົານ້ຳມັນຈຳພວກນີ້ມາທາບໍລິເວນທາງໃນຂອງເກີບແລ້ວປະໄວ້ປະມານ 2-3 ມື້ ກໍຈະເຮັດໃຫ້ເກີບທີ່ແຂງນັ້ນອ່ອນໄດ້
2. ວາສະລິນ: ກໍຊ່ວຍໄດ້ພຽງແຕ່ນຳເອົາວາສະລິນມາທາໃຫ້ທົ່ວບໍລິເວນເກີບມັກກັດນັ້ນແລ້ວປະໄວ້ປະທານ 2-3 ຊົ່ວໂມງຈາກນັ້ນກໍເອົາສຳລີມາເຊັດອອກແລ້ວກໍນຳມາໃສ່ຕາມປົກກະຕິຈະຊ່ວຍໃນການຮຸກຖູລະຫວ່າງຕີນກັບເກີບເປັນຢ່າງດີ
3. ແປ້ງຝຸ່ນ: ນຳເອົາແປ້ງຝຸ່ນມາມາທ່າໃສ່ຕີນ ແລະ ໂຮຍໃສ່ເກີບນັ້ນຈະຊ່ວຍໃຫ້ເກີດການມື່ນຊິ່ງຈະຊ່ວຍຫຼຸດການຮຸກຖູຂອງເກີບພ້ອມຍັງຊ່ວຍດູດຄວາມອັບ, ຫຼຸດກິ່ນອັບ ທັງຍັງແກ້ອາການຕີນເໝັນ.
4. ທຽນໄຂ ຫຼື ທຽນເຜິ້ງ: ພຽງແຕ່ນຳເອົາທຽນເຜິ້ງມາຖູໃສ່ບໍລິເວນເກີບທີ່ຮຸກຖູກັບຕີນເຮົາ ມັນຈະຊ່ວຍໃຫ້ພື້ນເກີບນຸ້ມບໍ່ແຂງ ແລະ ຊ່ວຍຫຼຸດການຮຸກຖູເປັນຢ່າງດີ
ຂໍ້ມູນຈາກ: ວາລະສານມະຫາຊົນ