ທາງການສະຫະລັດເຕືອນພົນລະເມືອງຊາວອາເມລິກາໃນອັຟການິສຖານໃຫ້ລະມັດລະວັງຕົວເນື່ອງຈາກອາດສ່ຽງຖືກລັກພາຕົວໄດ້ ພາຍຫຼັງຈາກມີຊາວອາເມລິກາຄົນໜຶ່ງໜີລອດຈາກການຖືກລັກພາຕົວໃນໃຈກາງນະຄອນຫຼວງຄາບູລ ແລະ ສະມາຊິກໜ່ວຍບັນເທົ່າທຸກຊາວອົດສະຕຣາລີຖືກຈັບຕົວໄປເມື່ອອາທິດຜ່ານມາ.
ນາງ ແຄທຣີນ ວິລສັນ ສັງກັດອົງການນອກພາກລັດຂອງອົດສະຕຣາລີຖືກລັກພາຕົວໄປທີ່ເມືອງຈາລາລາບັດ ໃກ້ຊາຍແດນປາກີສຖານເມື່ອ 28 ເມສາ ສະຖານທູດສະຫະລັດໃນນະຄອນຫຼວງຄາບູຈິ່ງຂໍປະກາດເຕືອນຊາວອາເມລິກາໃຫ້ລະມັດລະວັງຄົນຮ້າຍລັກພາຕົວ ຫຼື ຖືກຈັບເປັນຕົວປະກັນ ແລະ ຂໍໃຫ້ພົນລະເມືອງຊາວອາເມລິກາຮັກສາຕົວໃຫ້ປອດໄພ ໂດຍລະບຸວ່າການລັກພາຕົວມີເປົ້າໝາຍຍັງຊາວຕ່າງຊາດຊຶ່ງລວມເຖິງຊາວອາເມລິກາ.