ສຳນັກຂ່າວຕ່າງປະເທດ ລາຍງານໃນວັນທີ 5 ພຶດສະພາຜ່ານມານີ້ວ່າ ເພັດຂະໜາດໃຫຍ່ທີ່ສຸດໃນໂລກ ນ້ຳໜັກ 1,190 ກະຣັດ ກຽມຖືກນຳອອກມາປະມູນຂາຍ ໂດຍສະຖາບັນປະມູນລະຫວ່າງປະເທດ ໂຊທີບີ ນະຄອນຫລວງລອນດອນ ປະເທດອັງກິດ ໃນກຳນົດວັນທີ 29 ມິຖຸນາຈະມາເຖິງນີ້ ໂດຍຄາດວ່າຈະຖືກປະມູນຊື້ ໃນລາຄາແພງມະຫາສານເຖິງ 70 ລ້ານໂດລາ.

ທັງນີ້ ບໍລິສັດບໍ່ເພັດ ລູຄາຣາ ໄດມອນ ຂອງປະເທດການາດາ ເປັນຜູ້ຄົ້ນພົບເພັດເມັດດັ່ງກ່າວ ໃນປະເທດບອດວານາ ໃນເດືອນພະຈິກປີ 2015 ທີ່ຜ່ານມາ ໂດຍມີຂະໜາດໃຫຍ່ທໍ່ກັບລູກເຕັນນິສ ແລະ ເຊື່ອວ່າ ເພັດເມັດດັ່ງກ່າວນີ້ ມີອາຍຸເຖິງປະມານ 2,500-3,000 ລ້ານປີ.