spot_img
Homeຂ່າວທ້ອງຖິ່ນຄຳ​ວຽງ​ງາມ​ຮັບອະ­ນຸ­ຍາດ​ເຂົ້າ​ສຶກ​ສາສ້າງ​ເຂື່ອນ​ໃສ່​ສາຍ​ນ້ຳ​ເຊ​ໂປນ

ຄຳ​ວຽງ​ງາມ​ຮັບອະ­ນຸ­ຍາດ​ເຂົ້າ​ສຶກ​ສາສ້າງ​ເຂື່ອນ​ໃສ່​ສາຍ​ນ້ຳ​ເຊ​ໂປນ

Published on

ວັນ​ທີ 29 ເມ­ສາ 2016 ທີ່​ຫ້ອງ​ປະ­ຊຸມ​ພະ​ແນກ​ແຜນ­ການ ແລະ​ການ​ລົງ­ທຶນ​ແຂວງ​ສະ­ຫວັນ​ນະ​ເຂດໄດ້​ມີ​ພິ­ທີ​ເຊັນ​ບົດ​ຄວາມ​ເຂົ້າ­ໃຈ​ໃນ​ການ​ສຶກ​ສາ​ຄວາມ​ເປັນ​ໄປ​ໄດ້​ໂຄງ­ການ​ພັດ­ທະ­ນາ​ເຂື່ອນ​ໄຟ­ຟ້າ​ນ້ຳ­ຕົກ​ຂະໜາດ​ນ້ອຍ​ຢູ່​ສາຍ​ນ້ຳ​ເຊໂປນ, ເຂດ​ບ້ານ​ແກ້ງ​ຫຼວງ, ເມືອງ​ເຊໂປນ,ແຂວງ​ສະ­ຫວັນ​ນະ​ເຂດ​ເຂົ້າ​ຮ່ວມ​ເຊັນບົດ​ບັນ­ທຶກ​ໃນ​ຄັ້ງ​ນີ້​ມີ: ທ່ານ ກອງ​ຄຳ ໄຊ​ປັນ­ຍາ ຮອງ​ຫົວ­ໜ້າ​ພະ​ແນກ​ແຜນການ ແລະ​ການ​ລົງ­ທຶນ​ແຂວງ, ທ່ານ ບຸນລ້ວນ ລີ​ໄຊ​ຍະ​ລາດ ຫົວ­ໜ້າ​ພະ​ແນກ​ພະລັງ​ງານ ແລະ ​ບໍ່​ແຮ່​ແຂວງ, ທ່ານ ພູ​ສະໄໝ ກິດ​ຕະ​ລາດ ຮອງ​ຫົວ­ໜ້າ​ຫ້ອງ​ວ່າ ການ​ປົກ­ຄອງ​ແຂວງ ແລະ​ທ່ານ ປາ​ຈິດ ຄຳ​ວຽງ​ງາມ ຜູ້­ອຳ­ນວຍ­ການ​ບໍ­ລິ­ສັດ ຄຳ​ວຽງ​ງາມ ຈຳ­ກັດ​ຜູ້​ດຽວ ຜູ້​ລົງ­ທຶນໂດຍ​ຊ້ອງ​ໜ້າ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

ອີງ​ຕາມ​ຂໍ້​ຕົກ­ລົງ​ເລກ​ທີ 554/ຈຂ. ຂ ຂອງ​ທ່ານ​ເຈົ້າ­ແຂວງ​ສະ­ຫວັນ​ນະເຂດ​ລະ­ບຸ​ວ່າ: ເຫັນ​ດີ​ອະ­ນຸ­ມັດ​ໃຫ້​ພະ​ແນກ ແຜນ­ການ ແລະ​ການ​ລົງ­ທຶນ​ແຂວງ, ພະແນກ​ພະ­ລັງ­ງານŒບໍ່​ແຮ່​ແຂວງ ແລະ​ພາກສ່ວນ​ທີ່​ກ່ຽວ­ຂ້ອງ​ຂອງ​ແຂວງ​ເຊັນ​ບົດ ບັນ­ທຶກ​ຄວາມ​ເຂົ້າ­ໃຈ​ໃນ​ການ​ສຶກ​ສາຄວາມ​ເປັນ​ໄປ​ໄດ້​ໂຄງ­ການ​ພັດ­ທະ­ນາເຂື່ອນ​ໄຟ­ຟ້າ​ນ້ຳ­ຕົກ​ຂະ­ໜາດ​ນ້ອຍ​ຢູ່​ສາຍນ້ຳ​ເຊ​ໂປນ​ຂອບ​ເຂດ​ສິດ​ຂອງ​ແຂວງ​ສາ ມາດ​ອະ­ນຸ­ມັດ​ໄດ້   15 ເມ​ກາ​ວັດ ລົງມາ​ພ້ອມ​ທັງ​ໃຫ້​ບໍ­ລິ­ສັດ​ຄຳ​ວຽງ​ງາມ ຈຳ­ກັດ​ຜູ້​ດຽວ​ວາງ­ເງິນ​ຄ້ຳ­ປະ­ກັນ​ການຈັດ​ຕັ້ງ​ປະ­ຕິ­ບັດ​ບົດ​ບັນ­ທຶກ​ຄວາມ​ເຂົ້າໃຈ​ຈຳ­ນວນ 15 ພັນ​ໂດ​ລາ  ແລະ​ທຶນ​ຄຸ້ມຄອງ​ຕິດ­ຕາມ​ໂຄງ­ການ​ຈຳ­ນວນ 5 ພັນ​ໂດ​ລາ.

ບົດ​ບັນ­ທຶກ​ດັ່ງ­ກ່າວ​ລະ­ບຸ​ວ່າ: ອຳນາດ​ການ​ປົກ­ຄອງ ແຂວງ​ສະ­ຫວັນ​ນະເຂດ​ກໍ​ຄື​ລັດ­ຖະ­ບານ​ແຫ່ງ ສປປ ລາວ ມີຄວາມ​ມຸ້ງ​ມາດ​ປາ­ຖະ­ໜາ​ຈະ​ສົ່ງ­ເສີມການ​ພັດ­ທະ­ນາ​ແຫຼ່ງ​ຊັບ­ພະ­ຍາ­ກອນ​ທຳມະ​ຊາດ​ທີ່​ບົ່ມ​ຊ້ອນ​ຢູ່​ພາຍ​ໃນ​ແຂວງ​ຂອງຕົນ, ຊຶ່ງ​ທາງ​ບໍ­ລິ­ສັດ​ຄຳ​ວຽງ​ງາມຈຳກັດ​ຜູ້​ດຽວມີ​ຈຸດ­ປະ­ສົງ​ຈະ​ລົງ­ທຶນ​ການສຶກ​ສາ, ສຳ​ຫຼວດ​ຄວາມ​ເປັນ​ໄປ​ໄດ້​ໃນ​ການ​ພັດ­ທະ­ນາ​ໂຄງ­ການ​ເຂື່ອນ​ໄຟ­ຟ້ານ້ຳ­ຕົກ​ຂະ­ໜາດ​ນ້ອຍ​ຢູ່​ສາຍ​ນ້ຳ​ເຊ​ໂປນ, ເຂດ​ບ້ານ​ແກ້ງ​ຫຼວງ, ເມືອງ​ເຊ​ໂປນ, ແຂວງ​ສະ­ຫວັນ​ນະ​ເຂດ.

ໂອ­ກາດ​ນີ້​ທ່ານ ປາ​ຈິດ ຄຳ​ວຽງ​ງາມຜູ້­ອຳ­ນວຍ­ການ​ບໍ­ລິ­ສັດ​ຄຳ​ວຽງ​ງາມ ຈຳກັດ​ຜູ້​ດຽວ​ໄດ້​ໃຫ້​ສຳ­ພາດ​ຕໍ່​ສື່​ພວກ​ເຮົາຕື່ມ​ວ່າ: ນັບ​ຈາກ​ນີ້​ໄປ​ອີກ​ບໍ່​ພໍ​ເທົ່າ­ໃດ ເດືອນ​ຂ້າງ​ໜ້າ​ນີ້​ທາງ​ບໍ­ລິ­ສັດ​ຂອງ​ພວກເຮົາ​ກໍ່​ຈະ​ໄດ້​ສຸມ​ໃສ່​ການ​ເລີ່ມ​ລົງ­ມື​ສຳຫຼວດ​ວັດ­ແທກ​ລະ­ດັບ​ນ້ຳ, ການ​ໄຫຼ​ຂອງນ້ຳ​ເຂົ້າ​ອ່າງ​ລວມ​ໄປ​ເຖິງ​ວຽກ​ທໍ­ລະ­ນີຕ່າງໆ​ອີກ​ທັງ​ນີ້​ກໍ​ເພື່ອ​ໃຫ້​ທ່ວງ​ທັນ​ກັບ ໄລ­ຍະ​ເວ­ລາ​ທີ່​ໄດ້​ລົງ​ນາມ​ຮ່ວມ​ກັນ​ກໍ​ຄືທາງ​ພັກ​ລັດ​ທີ່​ໄດ້​ໃຫ້​ຄວາມ​ເຊື່ອ​ໝັ້ນ​ຕໍ່​ບໍລິ​ສັດ​ຂອງ​ພວກ​ເຮົາ​ເຂົ້າ​ມາ​ຮັບ­ຜິດ­ຊອບ​ໂຄງ­ການ​ດັ່ງ­ກ່າວ​ນີ້.

ທີ່ມາ: logo

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...