spot_img
Homeສຸຂະພາບ ແລະ ສີ່ງແວດລ້ອມອົງການໄອຊັບ ສືບຕໍ່ຊ່ອຍເຫຼືອດ້ານສຸຂະພາບແມ່ ແລະ ເດັກ ເມືອງໄຊບົວທອງ ແຂວງຄໍາມ່ວນ

ອົງການໄອຊັບ ສືບຕໍ່ຊ່ອຍເຫຼືອດ້ານສຸຂະພາບແມ່ ແລະ ເດັກ ເມືອງໄຊບົວທອງ ແຂວງຄໍາມ່ວນ

Published on

ອົງການໄອຊັບ ຈະຊ່ວຍເຫຼືອງົບປະມານຈຳນວນ 270.000 ໂດລາສະຫະລັດ ເພື່ອປັບປຸງສະຖານະດ້ານສຸຂະພາບແມ່ ແລະ ເດັກ ໃນ 3 ບ້ານເປົ້າໝາຍຄື ບ້ານປ່າກ້ວຍທົ່ງ ປ່າກ້ວຍດົງ ແລະ ບ້ານຜາໂຄ້ງ ຢູ່ເມືອງໄຊບົວທອງ ແຂວງຄຳມ່ວນ.

ທ່ານ ມາຊະອະກິ ທະເຄຊິເງະ ຫົວໜ້າໂຄງການໄອຊັບ ປະຈຳລາວ ກ່າວໃນພິທີເຊັນບົດບັນທຶກຄວາມເຂົ້າໃຈ (MOU) ວ່າ ອົງການໄອຊັບ ໄດ້ຈັດຕັ້ງປະຕິບັດບັນດາກິດຈະກຳການຮັກສາສຸຂະພາບແບບຊຸມຊົນມີສ່ວນຮ່ວມ ເລີ່ມແຕ່ປີ 2005 ທີ່ເມືອງເຊບັ້ງໄຟ ແລະ ໄດ້ສິ້ນສຸດໂຄງການໃນປີ 2015 ຮວມໄລຍະເວລາ 10 ປີ ເຊິ່ງເຫັນໄດ້ວ່າ ການຈັດຕັ້ງປະຕິບັດຂອງໂຄງການແມ່ນໄດ້ຮັບປະສິດທິພາບດີ ສະນັ້ນ ທາງໂຄງການຈິ່ງໄດ້ສະເໜີງົບປະມານຈາກ ໂຮງໝໍ ເຊັນແມຣີ (St.Mary’s Hospital) ຈຳນວນ 270.000 ໂດລາສະຫະລັດ ເພື່ອສືບຕໍ່ໂຄງການໃນ 3 ບ້ານເປົ້າໝາຍທີ່ເມືອງໄຊບົວທອງ ເຊິ່ງໂຄງການດັ່ງກ່າວຈະໄດ້ເລີ່ມຈັດຕັ້ງປະຕິບັດໃນເດືອນເມສາ 2016 ຫາເດືອນ ມີນາ 2019 ຮວມໄລຍະເວລາ 4 ປີ.

ຈຸດປະສົງຂອງໂຄງການແມ່ນເພື່ອເສີມສ້າງຄວາມເຂັ້ມແຂງຂອງກິດຈະກຳໃຫ້ສຸຂະສຶກສາ ດ້ານໂພຊະນາການ ແລະ ສຸຂະອະນາໄມໃຫ້ແກ່ພະນັກງານຫ້ອງການສາທາລະນະສຸກເມືອງ ປັບປຸງການບໍລິການດ້ານສຸຂະພາບໃຫ້ແກ່ເດັກອາຍຸລຸ່ມ 5 ປີ ແລະ ແມ່ຍິງຖືພາ ປັບປຸງຄວາມຊຳນິຊຳນານໃນການໃຫ້ສຸຂະສຶກສາຂອງພະນັກງານຫ້ອງການສາທາລະນະສຸກເມືອງ ແລະ ຄວາມຮູ້ ຄວາມເຂົ້າໃຈສຳລັບປະຊາຊົນພາຍໃນບ້ານຕໍ່ກັບວຽກງານສຸຂະສຶກສາ ເພື່ອພັດທະນາຊັບພະຍາກອນມະນຸດ ສຳລັບການສົ່ງເສີມໃຫ້ຊຸມຊົນມີສ່ວນຮ່ວມໃນຂະແໜງສາທາລະນະສຸກ ໂດຍຜ່ານການແລກປ່ຽນທາງດ້ານບຸກຄະລາກອນລະຫວ່າງປະເທດຍີ່ປຸນ ແລະ ສປປ.ລາວ.

ສໍາລັບພິທີເຊັນບົດບັນທຶກ (MOU) ໄດ້ຈັດຂຶ້ນໃນວັນທີ 28 ເມສາ 2016 ຜ່ານມາ ທີ່ພະແນກສາທາລະນະສຸກແຂວງຄຳມ່ວນ ໂດຍມີທ່ານ ສົມໃຈ ເພັດສີນວນ ຮອງເຈົ້າແຂວງໆຄຳມ່ວນ ທ່ານ ດຣ. ພາສຸກ ຄຳມະນີທອງ ຮອງຫົວໜ້າພະແນກສາທາລະນະສຸກແຂວງ ທ່ານ ມາຊະອະກິ ທະເຄຊິເງະ ຫົວໜ້າໂຄງການໄອຊັບ ປະຈຳລາວ ພ້ອມດ້ວຍພາກສ່ວນທີ່ກ່ຽວຂ້ອງຈາກຂັ້ນແຂວງ ແລະ ເມືອງເຂົ້າຮ່ວມ.

ຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ແຈ້ງການເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ 11 ໃຕ້ ຂອງລົດບັນທຸກຫນັກ

ພະແນກ ໂຍທາທິການ ແລະ ຂົນສົ່ງອອກແຈ້ງການເລື່ອງ: ເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ...

ກັກຕົວແກ້ງມົ້ວສຸມນໍ້າກະທ້ອມ ເຂດບ້ານໂພນພິມ ເມືອງທ່າແຂກ ແຂວງຄຳມ່ວນ

ເຈົ້າໜ້າທີ່ ປກສ ແຂວງຄຳມ່ວນໃຫ້ຮູ້ວ່າ: ເວລາປະມານ 22:00 ໂມງ ຂອງວັນທີ 16 ກັນຍາທີ່ຜ່ານມາ, ໄດ້ພົບເຫັນເປົ້າໝາຍ ຈຳນວນ 7 ຄົນ ກຳລັງຄ້າ-ຂາຍ...

ນໍ້າປະປາ ນວ ແຈ້ງ ໄລຍະນີ້ການຜະລິດນຳ້ປະປາບໍ່ສະດວກ ສົ່ງຜົນນໍ້າໄຫຼຄ່ອຍ-ບໍ່ມີນໍ້າ

ອີງຕາມແຈ້ງການຂອງລັດວິສະຫະກິດນໍ້າປະປານະຄອນຫຼວງ ລົງເມື່ອວັນທີ 18 ກັນຍາ 2024 ກ່ຽວກັບການຜະລິດນໍ້າປະປາບໍ່ສະດວກ ແລະ ຈະສົ່ງຜົນກະທົບຕໍ່ປະຊາຊົນຜູ້ຊົມໃຊ້ນໍ້າປະປາ (ລາຍລະອຽດແຈ້ງການລຸ່ມນີ້)  

ແຈ້ງເຕືອນພາຍຸໜຸນເຂດຮ້ອນ ຊູລີກ ຈະຜ່ານສະຫວັນນະເຂດ ຄຳມ່ວນ ບໍລິຄຳໄຊ ວັນທີ 21 ກັນຍາ 2024

ອີງຕາມແຈ້ງການຂອງກົມອຸຕຸນິຍົມ ແລະ ອຸທົກກະສາດລົງເມື່ອວັນທີ 19 ກັນຍາ 2024 ກ່ຽວກັບແຈ້ງເຕືອນໄພ ພາຍຸໜຸນເຂດຮ້ອນ ຊູລີກ (Soulik) ໃນລະຫວ່າງ ວັນທີ 19 –...