ວັນນີ້ລາວໂພສຕ໌ມີເລື່ອງການເບິ່ງເງິນເບິ່ງຄຳມາຝາກກັນ ເພື່ອເປັນຄວາມຮູ້ໃໝ່ໆ ເພື່ອວັນໜຶ່ງທ່ານອາດຈະໄດ້ໃຊ້ ແບບສົມມຸດວ່າ ທ່າໄປທ່ຽວແລ້ວເກັບສາຍຄໍຄຳໄດ້ ຫຼື ມີຄົນເອົາຄຳມາຂາຍໃຫ້ ປະມານນີ້! ເຊິ່ງຈະຮູ້ໄດ້ຈັ່ງໃດວ່າແທ້ ຫຼື ປອມເຮົາມາຮູ້ໄປພ້ອມກັນເລີຍ
ວິທີເບິ່ງຄຳແທ້
1. ທົດສອບຄຳດ້ວຍການໃຊ້ເຫຼັກກ້າ
ທອງຄຳແທ້ນັ້ນຈະບໍ່ຖືກດູດໂດຍເຫຼັກກ້າ ຖ້າແມ່ນຄຳປອມເຫຼັກກ້າຈະດູດທັນທີ
2. ທົດສອບຄຳແທ້ໂດຍການກັດ
ຄຳແທ້ຈະບໍ່ແຂງເວລາກັດເຂົ້າໄປກໍ່ຈະເກີດຮອຍກັດ, ຮອຍບຸ້ມຢ່າງເຫັນໄດ້ຊັດເຈນ ຖ້າເປັນຄຳປອມ ມັນຈະແຂງເວລາກັດມັນອາດຈະລອກ ຫຼື ບໍ່ມີຮອຍຫັຍງເລີຍ
3. ທົດສອບຄຳໂດຍການໂຍນລົງແວ່ນແກ້ວ
ຄຳແທ້ຈະມີເນື້ອທີ່ນຸ້ມພໍສົມຄວນ ບໍ່ແຂງຄືເຫຼັກ ຫຼື ທອງແດງ ດັ່ງນັ້ນເມື່ອເວລາໂຍນຄຳແທ້ລົງແວ່ນແກ້ວຈະໄດ້ຍິນສຽງດັງແບບເບົາໆສຽງນຸ້ມໆ ບໍ່ມີສຽງແຫຼມໆດັງໆ ຖ້າເປັນຄຳປອມສຽງຈະດັງແກ໊ງໆໆໆ ຢ່າງຊັດເຈນ