ຂປລ. ທະນາຄານການຄ້າຕ່າງປະເທດລາວ (ທຄຕລ) ໄດ້ໄຂກອງປະຊຸມສາມັນຜູ້ຖືຮຸ້ນປະຈໍາປີ 2015 ຂຶ້ນໃນວັນທີ 28 ເມສາ ນີ້ ທີ່ອາຄານຕະຫລາດຫລັກຊັບລາວ ເພື່ອຄົ້ນຄວ້າພິຈະລະນາ ແລະ ຮັບຮອງເອົາຜົນການດໍາເນີນທຸລະກິດປະຈໍາປີ 2015, ແຜນດໍາເນີນທຸລະກິດ ແລະ ຕົວເລກແຜນທຸລະກິດສໍາລັບປີ 2016 ໂດຍສະເພາະໂຄງສ້້າງການຈັດຕັ້ງຄະນະສະພາບໍລິຫານ, ຄະນະກວດສອບຜູ້ຖືຮຸ້ນ ທຄຕລ, ການຈັດແບ່ງປັນຜົນໃຫ້ແກ່ຂາຮູ້ນ ທຄຕລ 2 ງວດປີ 2015 ແລະ ຮັບຮອງບໍ ລິສັດຜູ້ກວດສອບພາຍນອກ.
ກອງປະຊຸມຄັ້ງນີ້, ໂດຍເປັນປະທານຂອງ ທ່ານ ປອ. ບຸນເຫລືອ ສິນໄຊວໍລະວົງ ປະທານສະພາບໍລິຫານທະນາຄານການຄ້າຕ່າງປະເທດລາວມະຫາຊົນ, ເປັນກຽດເຂົ້າຮ່ວມຂອງທ່ານ ສີລາ ວຽງແກ້ວ ຮອງລັດຖະມົນຕີກະຊວງການເງິນ, ທ່ານນາງ ວັດທະນາ ດາລາລອຍ ຮອງຜູ້ວ່າການທະນາ ຄານ ແຫ່ງ ສປປ ລາວ ພ້ອມນີ້ກໍມີຜູ້ຖືຮຸຸ້ນ ແລະ ນັກລົງທຶນເຂົ້າຮ່ວມ ທີ່ມີລັກສະນະເພີ່ມຂຶ້ນກວ່າເກົ່າ ຖ້າທຽບໃສ່ການຈັດກອງປະຊຸມຜູ້ຖືຮຸ້ນຄັ້ງສາມັນຜ່ານມາ.
ກອງປະຊຸມດັ່ງກ່າວ, ຖືວ່າເປັນກອງປະຊຸມໃຫຍ່ສຸດຍອດ ສໍາລັບທະນາຄານການຄ້າຕ່າງປະເທດລາວມະຫາຊົນ ທີ່ເປັນບໍລິສັດຈົດທະບຽນໃນຕະຫລາດຫລັກຊັບລາວ ເຊິ່ງໄດ້ດໍາເນີນຢ່າງຖືກ ຕ້ອງສອດຄ່ອງຕາມລະບຽບການ ແລະ ກົດໝາຍກ່ຽວຂ້ອງ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!