spot_img
HomeມູມໄອທີລາວHonor 5C ເປີດໂຕຢ່າງເປັນທາງການ ເຜີຍສະເປັກ Kirin 650 ນຳ!!

Honor 5C ເປີດໂຕຢ່າງເປັນທາງການ ເຜີຍສະເປັກ Kirin 650 ນຳ!!

Published on

ຖືໄດ້ວ່າເປັນການເປີດໂຕກ່ອນທີ່ Huawei P9 Lite ຈາກບໍລິສັດແມ່ຈະເປີດໂຕກໍເວົ້າໄດ້ ແລະການເປີດໂຕຢ່າງເປັນທາງການນີ້ເອງແມ່ນຢູ່ທີ່ປະເທດຈີນ ດ້ວຍຊື່ລຸ້ນວ່າ Honor 5C. Honor ແມ່ນເປັນບໍລິສັດລູກຂອງ Huawei ທີ່ແຍກອອກມາສ້າງຜະລິດຕະພັນເປັນຂອງໂຕເອງ ໂດຍໃຊ້ຊື່ Honor ເປັນຊື່ໃນການເຮັດຕະຫຼາດໃນປັດຈຸບັນ.

image

ສຳລັບສະເປັກຂອງ Honor 5C ແມ່ນມາພ້ອມກັບໜ້າຈໍຂະໜາດ 5.2 ນິ້ວ, ເຊິ່ງໃຊ້ຈໍ IPS LCD ້ຄວາມລະອຽດ 1920 x 1080 ພິກເຊວ (FHD). ໃຊ້ງານຊິບປະມວນຜົນລະດັບກາງໂຕໃໝ່ຫຼ້າສຸດແບບ Kirin 650 ເປັນຊິບແບບ octa-core (4xCortex-A53@2.0GHz + 4xCortex-A53@1.7GHz) ແລະໃຊ້ງານຊິບປະມວນຜົນກຣາບຟິກ Mali 830 MP2 (ບໍ່ແນ່ໃຈ), ມາພ້ອມກັບ RAM 2GB. ພື້ນທີ່ຈັດເກັບພາຍໃນໃຫ້ມາ 16GB, ສາມາດເພີ່ມ microSD ໄດ້ສູງສຸດ 128GB.

ເພີ່ມຕື່ມ: Kirin 650 ແມ່ນໃຊ້ຂະບວນຜະລິດແບບ 16nm

image

ໃນສ່ວນຂອງກ້ອງຫຼັງແມ່ນມີຄວາມລະອຽດ 13 ລ້ານພິກເຊວ ພ້ອມຄ່າຮູຮັບແສງ f/2.0, ມີແຟລັດ LED ໜຶ່ງດວງ. ສ່ວນກ້ອງໜ້ານັ້ນມີຄວາມລະອຽດ 8ລ້ານພິກເຊວ ພ້ອມຄ່າຮູຮັບແສງ f/2.0 ແລະມີສະແກນລາຍນິ້ວມືທີ່ດ້ານຫຼັງໂຕເຄື່ອງ

image

Honor 5C ແມ່ນຮອງຮັບລະບົບ 2 ຊິມ ແລະຮອງຮັບສັນຍານການເຊື່ອມຕໍ່ແບບຄອບຄຸມ, ຮອງຮັບ 2G/3G ແລະ Cat.6 LTE (ສະເພາະເວີຊັ່ນ 4G) ຄວາມໄວດາວໂຫຼດສູງສຸດທີ່ 300Mbps ແລະຄວາມໄວອັບໂຫຼດສູງສຸດ 50Mbps. ຮອງຮັບ Bluetooth v4.1, Wi-Fi b/g/n (ບໍ່ມີ Wi-Fi ac), GPS, GLONASS ແລະ Beidou ສຳລັບການວາງຕຳແໜ່ງຈາກດາວທຽມ ແລະມີ ວິທະຍຸ FM ມາພ້ອມ.

image

ໃນດ້ານສັດສ່ວນຂອງໂຕເຄື່ອງແມ່ນ 147.1 x 73.8 x 8.3 ມມ ແລະໜັກຢູ່ທີ່ 156 ກຣາມ (ຖືວ່າໜັກກວ່າ P9 Lite), ແບັດເຕີຣີໃຫ້ມາ 3,000mAh. ຮອງຮັບພອຣດເຊື່ອມຕໍ່ Type-C ແລະ microUSB 2.0. ສຳລັບ Honor 5C ນີ້ມາພ້ອມກັບລະບົບ Android 6.0 Marshmallow ລຸ້ນຫຼ້າສຸດ ແລະທັບດ້ວຍ EMUI 4.1.

ສຳລັບຕອນນີ້ແມ່ນເປີດໃຫ້ສັ່ງຈອງແລ້ວທີ່ປະເທດຈີນ ແລະຈະຈຳໜ່າຍໃນວັນທິ 5 ພຶດສະພານີ້, ລາຄາເລີ່ມຕົ້ນສຳລັບໂມເດວ 3G ຂອງ Honor 5C ແມ່ນ 899 ຢວນ (1.126.000 ກີບ), ສ່ວນໂມເດວ 4G ຍັງບໍ່ມີຂໍ້ມູນ ແມ່ນ 999 ຢວນ (1.250.000 ກີບ). ລວມໄປເຖິງ ສຳລັບຂໍ້ມູນກ່ຽວກັບລຸ້ນວາງຈຳໜ່າຍໃນທົ່ວໂລກຍັງບໍ່ມີປະກາດອອກມາແຕ່ຢ່າງໃດ

ທີ່ມາ:gsmarena

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...