spot_img
Homeສຸຂະພາບ ແລະ ສີ່ງແວດລ້ອມສາທາ​ຊີ້ພົບ​ພະຍາດ​ໄຂ້ຍຸງ 414 ກໍລະ​ນີ ແຕ່​ບໍ່ມີ​ຜູ້​ເສຍ​ຊີວິດ

ສາທາ​ຊີ້ພົບ​ພະຍາດ​ໄຂ້ຍຸງ 414 ກໍລະ​ນີ ແຕ່​ບໍ່ມີ​ຜູ້​ເສຍ​ຊີວິດ

Published on

ສູນວິເຄາະ-ລະບາດວິທະຍາ ກົມຄວບຄຸມພະຍາດຕິດຕໍ່ກະຊວງສາທາ ລະ ນະສຸກ ໄດ້ເປີດ ເຜີຍຜົນການກວດພົບ ເຊື້ອພະຍາດໄຂ້ຍຸງທົ່ວປະເທດ ມາຮອດກາງ ເດືອນເມສາຜ່ານມາວ່າ:ມີ 414 ກໍລະນີ ແຕ່ບໍ່ມີຜູ້ເສຍຊີວິດ,ໃນນັ້ນບ່ອນ ພົບ ຫລາຍກວ່າໝູ່ແມ່ນແຂວງສາລະວັນມີ 129, ແຂວງອັດຕະປື 102 ກໍລະນີ, ນະ ຄອນຫລວງວຽງຈັນ 61 ກໍລະນີ, ແຂວງ ເຊກອງ 34 ກໍລະນີ, ຈຳປາສັກ 28 ກໍລະ ນີ, ແຂວງ ວຽງຈັນ 22 ກໍລະນີ ແລະ ແຂວງອື່ນຈຳນວນໜຶ່ງ, ທຽບໃສ່ປີ 2013 ຮອດເດືອນເມສາພົບ 1.861 ກໍລະນີ ແລະ ເສຍຊີວິດ 5 ຄົນ.

ທ່ານ ສຈ.ດຣ ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກກ່າວວ່າ: ມາ ຮອດປະຈຸບັນ ເຖິງວ່າບໍ່ມີ ຜູ້ເສຍຊີວິດກໍຕາມ ກະຊວງສາທາລະນະ​ສຸກ ໄດ້ເພີ່ມທະວີຄວາມເອົາໃຈໃສ່ປະ ຕິບັດວຽກງານກັນ ແລະ ຄວບຄຸມພະຍາດດັ່ງ

ກ່າວ ໂດຍສະເພາະຢູ່ແຂວງສາລະວັນ ແລະ ແຂວງອື່ນໆທີ່ພົບ ກໍລະນີພະຍາດໄຂ້ຍຸງ ຊຶ່ງໄດ້ມີການປຸກລະດົມ ເພື່ອຂໍຄວາມ ຮ່ວມມືຈາກອຳນາດການປົກຄອງ ແລະ ປະຊາ ຊົນໃນທ້ອງຖິ່ນ, ສ້າງຂະບວນການສຳຫລວດໜອນນ້ຳ ແລະ ທຳລາຍແຫລ່ງ ເພາະພັນຍຸງລາຍ; ສືບຕໍ່ເຝົ້າ ລະວັງ ແລະ ລາຍງານໃຫ້ເປັນປົກກະຕິເນັ້ນໜັກເຂດທີ່ມີຄວາມສ່ຽງສູງ ແລະ ບ່ອນທີ່ພົບໜອນ ນ້ຳ-ຍຸງລາຍ ຫລາຍ. ສຳລັບແຂວງສາລະວັນໄດ້ມີການກວດກາຄືນດ້ານວິຊາການ ກ່ຽວກັບການນຳໃຊ້ຢາຂ້າໜອນ ນ້ຳ- ຍຸງ ລາຍ ຊຶ່ງຍັງພົບເຫັນຈຳນວນຫລວງຫລາຍ, ທັງນີ້ກໍເນື່ອງຈາກການຮ່ວມມືຂອງຊຸມຊົນຍັງໜ້ອຍ. ຢ່າງໃດ ກໍຕາມຂະແໜງສາ ທາລະນະ​ສຸກ ຍັງໄດ້ເນັ້ນໃຫ້ປະຊາຊົນເອົາໃຈໃສ່ປະຕິບັດ 5 ປໍເຊັ່ນ: ປົກປິດພາຊະນະ ທີ່ມີນ້ຳຂັງ, ປ່ຽນຖ່າຍນ້ຳໃນພາຊະນະ, ປ່ອຍປາຫາງນົກຍຸງ, ປັບປຸງສິ່ງແວດລ້ອມ ແລະ ປະຕິບັດກິດຈະກຳ ປະຈຳອາທິດຢ່າງຕໍ່ເນື່ອງ.

ໃນທ້າຍເດືອນຜ່ານມາ ກະຊວງສາທາລະນະ​ສຸກໄດ້ສຳເລັດການຈັດກອງປະຊຸມ ກ່ຽວກັບຍຸງລາຍ ຮ່ວມກັບພາກພື້ນ ອາຊີ-ປາຊີຟິກ ຢູທີ່ແຂວງຫລວງພະບາງ ໂດຍມີການເຜີຍແຜ່ຜົນສຳເລັດ ແລະ ບົດຮຽນ ຂອງ ສປປ ລາວ ໃນການຄວບຄຸມ ພະຍາດ ໄຂ້ຍຸງລາຍ ໃຫ້ແກ່ບັນດາປະເທດທີ່ກຳລັງ ມີການລະບາດຂອງ ພະຍາດດັ່ງກ່າວ.

ທີ່ມາ http://laophatthananews.blogspot.com/2014/05/414.html

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...