spot_img
Homeນານາສາລະການລ້ຽງປູໃນອ່າງຊີເມັນ ເພື່ອເປັນສິນຄ້າ

ການລ້ຽງປູໃນອ່າງຊີເມັນ ເພື່ອເປັນສິນຄ້າ

Published on

dscf5611

ກະສິກຳວັນນີ້ລາວໂພສຕ໌ຂໍນຳສະເໜີການລ້ຽງປູນາ ເພື່ອເປັນສິນຄ້າ ຫາກໃຜຕອນນີ້ກຳລັງຫວ່າງວຽກ ຫຼື ກຳລັງຊອກຫາອາຊີບເສີມກໍ່ລອງສຶກສາ ແລະ ນຳໄປເຮັດໄດ້

ໂດຍທຳມະຊາດຂອງປູນາ ໃນຊ່ວງລະດູຝົນປູກໍ່ຈະອອກມາຈັບຄູ່ຫາກິນຕາມທົ່ງນາ ສະສົມອາຫານ ໂຕເມຍກໍ່ຈະເລີ່ມຖືພາປະມານເດືອນພຶດສະພາ ເຖິງ ເດືອນກໍລະກົດ ປູໂຕເມຍຈະມີໄຂ່ໃນທ້ອງປະມານ 500-1,000 ໜ່ວຍ ຊ່ວງນີ້ຫາກເຮົານຳແມ່ປູມາລ້ຽງໃນອ່າງຊີເມັນທີ່ກຽມໄວ້ ມັນກໍ່ຈະສາມາດໃຊ້ຊີວິດໄດ້ຕາມປົກກະຕິ ແລະ ເຕີບໃຫຍ່

y

ການສ້າງອ່າງຊີເມັນເພື່ອລ້ຽງປູ
ການສ້າງອ່າງຊີເມັນຈະມີຂະໜາດ 2×3 ແມັດ ຈະເຮັດແບບເທພື້ນປູນ ຫຼື ຈະລ້ຽງແບບພື້ນດິນກໍ່ໄດ້ ແຕ່ແນະນຳໃຫ້ເຮັດແບບພື້ນປູນແລ້ວໃສດິນປູໜ້າປະມານ 20-30 ຊັງຕີແມັດ ເພື່ອໃຫ້ປູໄດ້ຂຸດ ໂດຍການໃສ້ດິນເຂົ້າໄປໃນອ່າງນັ້ນ ເທດິນແບບລາດອຽງອີກຂ້າງໜຶ່ງມີນ້ຳ ຮຽນແບບອ່າງທຳມະຊາດນັ້ນເອງ ຫຼື ຈະເທດິນໃສ່ທັງໝົດແລ້ວໃສ່ນ້ຳໄວ້ໃນຊາມໄວ້ກໍ່ໄດ້ແລ້ວແຕ່ສະດວກ

ໃນອ່າງຄວນປູກພືດໄວ້ໃຫ້ປູ້ພື່ອເປັນແຫລ່ງອາຫານເຊັ່ນ: ຜັກບົ້ງ, ຜັກຕົບ ແລ້ວຫາເສດໄມ້ ຫຼື ກ້ານໝາກພ້າວມາໃສ່ໃນອ່າງ ຈາກນັ້ນກໍ່ປ່ອຍປູນາລົງລ້ຽງ 1 ກິໂລ/ 1 ອ່າງ (ອັດຕາສ່ວນໂຕຜູ້ໂຕເມຍຢ່າງລະເທົ່າໆກັນ)

i

ອາຫານສຳລັບລ້ຽງປູນາ

ການໃຫ້ອາຫານໂດຍໃຊ້ອາຫານປາດຸກເມັດນ້ອຍເສີມດ້ວຍເຂົ້າຫູງສຸກຂົນສອງຢ່າງນີ້ເຂົ້າກັນ ແລ້ວນຳໄປຫວ່ານປະມານ 1 ກຳມື ໃນຊ່ວງຕອນແລງ ເນື່ອງຈາກປູນາຈະອອກຫາກິນໃນຕອນກາງຄືນ ແລະ ທ່ານຄວນດູແລອ່າງປູໃຫ້ສະອາດໂດຍການເກັບມ້ຽນເສດອາຫານທີ່ປູກິນເຫຼືອຖິ່ມ ແລະ ເກັບປູທີ່ກ້າມລຸດອອກເນື່ອງຈາກຈະສົ່ງຜົນໃຫ້ປູຕົວອື່ນມາລຸມທຳຮ້າຍ ແລະ ຕາຍໄດ້ ຖ້າຫາກທ່ານປະໃຫ້ເສດອາຫານຫຼືປູທີ່ຕາຍໄວ້ດົນໆຈະເກີດມີກິ່ນເໝັນເນົ່າ ແລະ ມີເຊື້ອຣາເກີດຂຶ້ນເຮັດໃຫ້ປູເກີດໂຣກໄດ້ງ່າຍ

ປູນາຈະຂຸດຮູເພື່ອຈຳສິນ ແລະ ໃຊ້ເປັນທີ່ລົບຊ້ອນຕົວຈາກສັດຕູຈາກທຳມະຊາດ ເມື່ອມີອາຫານອຸດົມສົມບູນປູຈະອອກມາກິນອາການຢ່າງສະໝ່ຳສະເໝີ ແລະ ຈະປະສົມພັນທຸກຄັ້ງໃນຊ່ວງລະດູຝົນຂອງປີຖັດໄປ

ii

ການເພາະພັນປູ
ປູນາສາມາດນຳມາເພາະພັນໃນໂຮງຟັກເພື່ອຜະລິດລູກປູນ້ອຍໄດ້ເຊັ່ນດຽວກັນກັບປູມ້າ ຫຼື ປູທະເລ ອ່າງທີ່ໃຊ້ເປັນອ່າງຊີເມັນ ຖັງພລາສຕິກ ຫຼື ຕູ້ແກ້ວ ກໍ່ໄດ້ ຂະໜາດຂອງອ່າງບໍ່ຈຳກັດ ຂຶ້ນກັບຄວາມຕ້ອງການຂອງທ່ານ
ພໍ່ແມ່ພັນປູ
ພໍ່ແມ່ພັນ ໃນໄລຍະທຳອິດກໍ່ຄົງຕ້ອງຮວບຮວມຈາກທຳມະຊາດ ຈະເລີ່ມເພາະຈາກພໍ່ແມ່ພັນກໍ່ໄດ້ ຫຼື ຈະໃຊ້ແມ່ປູທີ່ມີໄຂ່ຢູ່ແລ້ວກໍ່ໄດ້ ປະຫຍັດເວລາ
ການອະນຸບານປູ
ໃນຊ່ວງ 15 ວັນທຳອິດ ຄວນໃຫ້ ໄຮແດງ ໜອນແດງ ເທົາ ຫຼື ໄຂ່ຕົ້ມ ກິນເປັນອາຫານ ຫຼັງຈາກນັ້ນຄວນໃຫ້ປາ ຫຼື ກຸ້ງສັບກັບອາຫານເມັດທີ່ໃຊ້ລ້ຽງລູກປາດຸກກໍ່ໃຊ້ໄດ້ ເມື່ອມີອາຍຸ 30 ວັນ ກໍ່ສາມາດນຳໄປປ່ອຍລ້ຽງໃນອ່າງດິນ ຫຼື ອ່າງຊີເມັນ ເພື່ອໃຫ້ມີຂະໜາດໃຫຍ່ເຕັມໄວ ລູກປູໃນໄລຍະນີ້ຄວນປ່ອຍລ້ຽງໃນປະລິມານ 10,000 ໂຕ/ ເນື້ອທີ່ 1 ຕາລາງແມັດ
ການຈະເລີນເຕີບໃຫຍ່ຂອງປູ
ຫຼັງຈາກຟັກເປັນໂຕແລ້ວຈະລອກຄາບປະມານ 13-15 ຄັ້ງກໍ່ຈະໃຫຍ່ເປັນປູເຕັມໄວໄດ້ຂະໜາດຂາຍໃນຕະຫຼາດ ຕ້ອງໃຊ້ເວລາປະມານ 6-8 ເດືອນ
ການລອກຄາບ
ປູທີ່ຈະລອກຄາບສັງເກດຈາກຮອຍຕໍ່ທາງສ່ວນທ້າຍຂອງກະດອງຈະກ້ວາງຫຼາຍກ່ວາປົກກະຕິ ເມື່ອໃກ້ຈະລອກຄາບປູຈະນິ້ງ ແລະ ຢຽດຂາອອກໄປທັງສອງຂ້າງ ຈາກນັ້ນຮອຍຕໍ່ຂອງກະດອງຈະເປີດອອກ ປູຈະໃຊ້ເວລາລອກຄາບປະມານ 1 ຊົ່ວໂມງ

ເຊີນເບິ່ງສິດີໂອດ້ານລຸ່ມນີ້ເລີຍ ໃຫ້ສຽງເປັນພາສາໄທເພື່ອເຮັດໃຫ້ທ່ານເຂົ້າໃຈການສື່ສານດ້ານພາສາງ່າຍຂຶ້ນ

 
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...