spot_img
Homeຂ່າວຕ່າງປະເທດຍີ່ປຸ່ນວຸ້ນ ອົບພະຍົບປະຊາຊົນໜີເຂື່ອນແຕກ ເຫດແຜ່ນດິນໄຫວຮຸນແຮງ

ຍີ່ປຸ່ນວຸ້ນ ອົບພະຍົບປະຊາຊົນໜີເຂື່ອນແຕກ ເຫດແຜ່ນດິນໄຫວຮຸນແຮງ

Published on

ປະຊາຊົນຍີ່ປຸ່ນຕື່ນຕົກໃຈຢ່າງແຮງ ເຫດແຜ່ນດິນໄຫວໃຫຍ່ຄັ້ງໃໝ່ຂະໜາດ 7.3 ຣິກເຕີ ສັ່ນສະເທືອນເກາະຄິວຊູເປັນຄັ້ງທີ 2 ໃນຕອນເດິກຂອງວັນທີ 15 ເມສາ ທີ່ຜ່ານມາ ທັງຄວາມຮຸນແຮງແລະສ້າງຄວາມເສຍຫາຍແກ່ ແຂວງຄູມາໂມໂຕ້ ຮ້າຍແຮງກວ່າຄັ້ງທຳອິດ ເບື້ອງຕົ້ນມີລາຍງານຜູ້ເສຍຊີວິດແລະໄດ້ຮັບບາດເຈັບຈຳນນນວນຫຼາຍ ໃນຂະນະທີ່ເຂື່ອນແຫ່ງໜຶ່ງໄດ້ແຕກ ຈົນຕ້ອງອົບພະຍົບປະຊາຊົນໜີຢ່າງອຶກກະທຶກ.

ສຳນັກຂ່າວຕ່າງປະເທດລາຍງານມື້ເຊົ້ານີ້ວ່າ ແຜ່ນດິນໄຫວໃຫຍ່ ຂະໜາດ 7.3 ຣິກເຕີສັ່ນເກາະຄິວຊູ ທາງພາກໃຕ້ຂອງປະເທດຍີ່ປຸ່ນຊ້ຳອີກ ເມື່ອເວລາ 1:25 ນາທີ ຂອງຄ່ຳຄືນວັນທີ 15 ຕໍ່ໃສ່ 16 ເມສາ ຕາມເວລາທ້ອງຖິ່ນ ພາຍຫຼັງທີ່ຫາກໍເກີດແຜ່ນດິນໄຫວຮຸນແຮງ 6.4 ຣິກເຕີໄປ ເມື່ອຕອນຄ່ຳວັນທີ 14 ເມສາທີ່ຜ່ານມາ. ແຜ່ນດິນໄຫວຄັ້ງໃໝ່ນີ້ຕາມລາຍງານມີຜູ້ເສຍຊີວິດໄປແລ້ວຢ່າງໜ້ອຍ 3 ຄົນ, ບາດເຈັບຫຼາຍກວ່າຮ້ອຍຄົນ ແລະຄາດວ່າມີປະຊາຊົນຈຳນວນຫຼວງຫຼາຍຕິດຄ້າງຢູ່ໃຕ້ຊາກອາຄານບ້ານເຮືອນຫຼາຍຫຼັງທີ່ພັງຖະຫຼົ່ມລົງມາ. ໃນຂະນະທີ່ແຜ່ນດິນໄຫວຄັ້ງທຳອິດ ເຮັດໃຫ້ມີຜູ້ເສຍຊີວິດໄປແລ້ວ 9 ຄົນ.

ຂະນະແຮງສັ່ນສະເທືອນຂອງແຜ່ນດິນໄຫວ ສ້າງຄວາມຕື່ນຕົກໃຈແກ່ປະຊາຊົນຫຼາຍພັນຄົນ ຈົນຕ້ອງແລ່ນອອກຈາກເຮືອນ ແລະມານອນຢູ່ນອກເຮືອນ ຕາມສວນສາທາລະນະ ລວມທັງສູນພັກຊົ່ວຄາວດ້ວຍຄວາມຢ້ານກົວ

ສຳນັກຂ່າວ ບີບີຊີ ລາຍງານວ່າ ສູນກາງແຜ່ນດິນໄຫວຄັ້ງໃໝ່ ຂະໜາດ 7.3 ມີຄວາມເລິກພຽງ 10 ກິໂລແມັດ ສົ່ງຜົນໃຫ້ເກີດແຮງສັ່ນສະເທືອນຢ່າງຮຸນແຮງ ແລະຍັງເປັນເຫດໃຫ້ເຂື່ອນຢູ່ບ້ານນິຊິຮາຣາແຕກ ຈົນຕ້ອງຂຸ້ນຂ້ຽວອົບພະຍົບປະຊາຊົນໃນພື້ນທີ່ດັ່ງກ່າວອອກມາຢ່າງເລັ່ງດ່ວນ ອີກທັງຍັງມີການແຈ້ງເຕືອນໄພຄື້ນຍັກສຶນາມິ ແຕ່ຄຳປະກາດເຕືອນໄດ້ຍົກເລີີກໄປໃນເວລາປະມານ 50 ນາທີຕໍ່ມາ.

ເຂື່ອນແຕກ NjpUs24nCQKx5e1EaKyDaKGT4gF78K78TbfyIppk0Dt NjpUs24nCQKx5e1EaKyDaKGT4gF78LASmFFZShXP7tc NjpUs24nCQKx5e1EaKyDaKGT4gF78LFnemOqb19wQyT

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...