Homeຂ່າວເຫດການປກສ ຈະຈັດຕຳຫລວດຈະລາຈອນ ກວ່າ 2,500 ຄົນທົ່ວປະເທດ ເຂັ້ມງວດໄລຍະບຸນປີໃໝ່ລາວ!

ປກສ ຈະຈັດຕຳຫລວດຈະລາຈອນ ກວ່າ 2,500 ຄົນທົ່ວປະເທດ ເຂັ້ມງວດໄລຍະບຸນປີໃໝ່ລາວ!

Published on

ຂປລ. ​ເພື່ອ​ເຮັດ​ໃຫ້ການ​ສະ​ເຫລີ​ມສະຫລອງ​ປີ​ໃໝ່​ປີນີ້​ ມີ​ຄວາມ​ເບີກບານ​ມວນຊື່ນ, ​ເປັນ​ລະບຽບ ຮຽບຮ້ອຍ, ຖືກຕ້ອງ​ຕາມ​ຮີດຄອງ​ປະ​ເພນີ​ອັນ​ດີງາມ​ຂອງ​ຊາດ ​ແລະ ຫລີກ​ລ້ຽງ​ຜົນ​ເສຍ​ຫາຍ​ທາງ​ດ້ານ​ຊີວິດ, ຊັບ​ສິນ ​ແລະ ສຸຂະພາບ​ຂອງ​​ປະຊາຊົນ​ບັນດາ​ເຜົ່າ ​ໃນ​ຂອບ​ເຂດ​ທົ່ວ​ປະ​ເທດ​ໃຫ້​ມີ​ຄວາມ​ປອດ​ໄພ.

ທ່ານ ພັນ​ໂທ ຄໍາ​ຖະຫວາຍ ​​ເພັດ​ອຸ​ໄທ ຫົວໜ້າ​ກົມ​ຕໍາຫລວດ​ຈະລາຈອນ ກະຊວງ​ປ້ອງ​ກັນ​ຄວາມ​ສະຫງົບ ໄດ້​ຈັດ​​ຖະ​ແຫລ​ງຂ່າວຕໍ່​ສື່​ມວນ​ຊົນ ​ໃນ​ວັນ​ທີ 6 ​ເມສາ​ ນີ້​ ວ່າ:​ ກົມ​ຕໍາຫລວດ​ຈະລາຈອນ ກະຊວງ​ປ້ອງກັນ​ຄວາມ​ສະຫງົບ ​ໄດ້​ມີ​​ແຜນ​ຈັດ​ຕັ້ງປະຕິບັດວຽກງານສະກັດກັ້ນການລ່ວງລະເມີດກົດລະບຽບ ທີ່ພາໃຫ້ເກີດອຸປະຕິເຫດຈະລາຈອນທາງບົກ ໃນໄລຍະປີໃໝ່ລາວ ຄື: ​ການ​ກວດກາ​ຕາມ​ສາຍ​ທາງ​ເຂົ້າ-ອອກ​ເມືອງ ​ແລະ ​ເສັ້ນທາງ​ຫລວງ​ແຫ່ງ​ຊາດ, ​ເສັ້ນທາງ​ຍຸດທະ​ສາດ ຫລື ​ເສັ້ນທາງ​ຂອງ​ແຂວງ ​ເພື່ອ​ແນ່​ໃສ່​ເຮັດ​ໃຫ້​ວຽກ​ງານສະກັດ​ກັ້ນ ການ​ເກີດ​ອຸປະຕິເຫດ​ຕາມ​ທ້ອງ​ຖະໜົນ ​ໃນ​ທົ່ວ​ປະ​ເທດ​ໃຫ້​ຫລຸດ​ໜ້ອຍ​ຖອຍ​ລົງ ​ເຊິ່ງຈະ​ໄດ້ນໍາ​ໃຊ້​ເຈົ້າ​ໜ້າທີ່​ເຂົ້າ​ປະຕິບັດໜ້າ​ທີ່​ 2.500 ກວ່າ​ສະຫາຍ. ​​ໃນ​ນັ້ນ​ ສະ​ເພາະ​ນະຄອນຫລວງວຽງ​ຈັນ​ ຈະ​ໄດ້​ນໍາ​ໃຊ້​ເຈົ້າ​ໜ້າທີ່ 600 ກວ່າ​ສະຫາຍ ​ແລະ ຕັ້ງ​ຈຸດ​ກວດ​ທາງ​ 13 ​ເໜືອ ແລະ 13 ​ໄຕ້. ພ້ອມ​ນັ້ນ, ກໍ​ມີການ​ໂຄສະນາ​ເຜີຍ​ແຜ່​ກົດ​ຈະລາ​ຈອນ​ໃຫ້​ກວ້າງ​ຂວາງທົ່ວ​ເຖິງ ​ດ້ວຍ​ຫລາຍ​ຮູບ, ຫລາຍ​ສີ, ຫລາຍ​ວິທີ​ການ ​ເຊັ່ນ: ຈັດ​ຕັ້ງ​ພະນັກງານ​ລົງ​ເຄື່ອນ​ໄຫວ​ໂຄສະນາ​ຕາມ​ເສັ້ນທາງ, ສະຖາ​ນີລົດ​ບັນທຸກ-​ໂດຍສານ, ສະຖານ​ທີ່​ຊຸມ​ຊົນ, ຈັດ​ຕັ້ງ​ກໍາລັງ​ລົງ​ປະ​ຈໍາ​ຈຸດ, ປະ​ຈໍາ​ປ້ອມ,​ ໃນ​ເທສະບານ​ຕົວ​ເມືອງ, ສະ​ເພາະ​ປ້ອມ​ຖາວອນ 24 ຊົ່ວ​ໂມງ, ປ້ອມ​ຊົ່ວຄາວ 16 ຊົ່ວ​ໂມງ, ປະສານ​ສົມທົບ​ກັບ​ພາກສ່ວນ​ທີ່​ກ່ຽວຂ້ອງ ​ມີ​ສ່ວນ​ຮ່ວມ​ສ້າງ​ກິດຈະ​ກໍາ​ຂັບ​ຂີ່​ປອດ​ໄພ ​ແລະ ​ເປັນເຈົ້າການ​ປ້ອງ​ກັນ, ສະກັດ​ກັ້ນ​ການ​ເກີດ​ອຸປະຕິ​ເຫດ​. ນອກ​ນີ້​​, ຈະ​ມີ​ເຈົ້າ​ໜ້າ​ທີ່​ອອກ​ກວດ​ຕາມ​ເສັ້ນທາງ​ ເຊິ່ງຈະ​ເລີ່​ມຈັດ​ຕັ້ງ​ປະຕິບັດ​ແຕ່​ວັນ​ທີ 11-17 ​ເມສາ ນີ້.

ທ່ານ ຍັງ​​​ໄດ້ຮຽກຮ້ອງມາ​ຍັງ​ຜູ້​ໃຊ້​ລົດ​-ໃຊ້​ຖະໜົນ ໃຫ້ປະຕິບັດ​ກົດ​ລະບຽບ​ຈະລາຈອນ​ຢ່າງ​ເຂັ້ມ​ງວດ, ຫ້າມ​ດື່ມ​ສິ່ງ​ມືນ​ເມົາ​ແລ້ວ​ຂັບ​ຂີ່​ລົດ, ຫ້າມ​ແລ່ນ​ລົດ​ໄວ​ເກີນ​ກໍານົດ, ຫ້າມ​ບັນທຸກ​ຂົນ​ສົ່ງສີນ​ຄ້າໜັກ ​ແລະ ຄົນ​ໂດຍສານ​ເກີນ​ກໍານົດ, ຫ້າມ​ເອົາ​ຖັງ​ນໍ້າ​ຕ່າງ​ໃສ່​ລົດ​ທຸກ​ປະ​ເພດ​ຫົດ ຫລື ສາດ​ນໍ້າ​ໃສ່​ກັນ, ຫ້າມ​ແລ່ນ​ລົດ​ເປັນ​ພືຶງ​, ເປັນ​ແພ ​ແລະ ​ແຂ່ງ​ກັນ​ຕາມ​ສາຍ​ທາງ​ຕົວ​ເມືອງ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...