spot_img
Homeຂ່າວທ້ອງຖິ່ນລາຄາສິນຄ້າບໍ່ຫລຸດລົງໃນທ້ອງຕະຫລາດເຮັດໃຫ້ປະຊາຊົນເດືອດຮ້ອນ

ລາຄາສິນຄ້າບໍ່ຫລຸດລົງໃນທ້ອງຕະຫລາດເຮັດໃຫ້ປະຊາຊົນເດືອດຮ້ອນ

Published on

ຈົດໝາຍຈາກຊາວບ້ານເພື່ອແລກປ່ຽນທັດສະນະ: ສະມາຄົມລົດໂດຍສານສາຍເໜືອ ແລະ ສາຍໃຕ້ຢືນຢັນຈະບໍ່ຫລຸດຄ່າລົດໂດຍສານປະຈໍາທາງເດັດຂາດ ແຕ່ຈະຮັກສາລາຄາເດີມໄວ້ຄືເກົ່າ ເຖິງແມ່ນວ່າລາຄານໍ້າມັນລົງຢ່າງຕໍ່ເນື່ອງຕໍ່ຕາມ.

ເຈົ້າໜ້າທີ່ທາງສະມາຄົມກ່າວບາງຕອນວ່າ: ເປັນຫຍັງພວກເຮົາບໍ່ຍອມລົງຄ່າໂດຍສານ? ໃນຄວາມເປັນຈິງນັ້ນເປັນຜົນມາຈາກບາງຂອດປະສານງານ ແລະ ບາງຂໍ້ຄົກຄ້າງຍັງບໍ່ທັນພົບເຫັນຂໍ້ຢຸດຕິໄດ້ ຍົກຕົວຢ່າງ ໃນດ້ານເຫດຜົນ ຖ້າພວກເຮົາຫລຸດຄ່າລົດໂດຍສານລົງຈະໄດ້ ຫລື ບໍ່? ໃນທາງປະຕິບັດອາດເປັນໄປໄດ້ ແຕ່ໃນລາຍລະອຽດເປັນໄປໄດ້ຍາກເນື່ອງຈາກອາໄຫລ່ລົດໂດຍສານຍັງບໍ່ໄດ້ຫລຸດລາຄາລົງ, ຕີນລົດບໍ່ໄດ້ຫລຸດລາຄາ ແລະ ບັນຫາອື່ນໆທີ່ຕິດພັນກັບຜູ້ປະກອບການ ສະນັ້ນຖ້າຢາກໃຫ້ພວກເຮົາຫລຸດຄ່າໂດຍສານລົງ ກໍໝາຍວ່າທຸກໆພາກສ່ວນຕ້ອງຫລຸດລາຄາສິນຄ້າທີ່ຕິດພັນກັບບໍລິການ ແລະ ການໃຊ້ສອຍໃນລົດໂດຍສານ.

ແນວໃດກໍດີ ບັນຫາການຄວບຄຸມ ແລະ ຄຸ້ມຄອງລາຄາສິນຄ້າໃນທ້ອງຕະຫລາຍຍັງຖືວ່າເປັນບັນຫາພົ້ນເດັ່ນທີ່ສຸດ ເຊິ່ງກາຍເປັນຂໍ້ອ້າງຂອງຜູ້ປະກອບການ ແລະ ໜ່ວຍງານກ່ຽວຂ້ອງ ທາມກາງລາຍຮັບຂອງປະຊາຊົນ, ລັດຖະກອນ, ທະຫານ ແລະ ຕໍາຫລວດຍັງຈັ້ງຄືເກົ່າ. ຖ້າສົມທຽບຄວາມເປັນຈິງໃນຊີວິດປະຈໍາວັນລາຄາສິນຄ້າປະເພດເຂົ້າສານອາຫານແຫ້ງ, ປາ, ໝູ, ງົວ, ເຝີ, ຜັກ ແລະ ອື່ນໆບໍ່ໄດ້ມີທ່າທີຈະຫລຸດລົງເລີຍ ໃນນັ້ນຜູ້ປະກອບການ ແລະ ພໍ່ແມ່ຄ້າບາງລາຍເຮັດໃຫ້ຄືຫູໜວກກິນພານ ຂະນະທີ່ເຈົ້າໜ້າທີ່ກໍມີມາດຕະການເດັດຂາດໃນການນໍາເອົາກຸ່ມຄົນເລົ່ານັ້ນເຂົ້າລະບຽບໃນສັງຄົມ ແລະ ຫລຸດຜ່ອນຫາສຽງບໍ່ດີ. ພວກເຮົາຄວນເບິ່ງບົດຮຽນປະເທດເພື່ອນບ້ານອາຊຽນເຂົເຈົ້າເຮັດແນວໃດ?ເພື່ອນໍາປັບປຸງ ແລະ ສ້າງຄວາມເຊື່ອໝັ້ນໃຫ້ສັງຄົມ ບັນດາປະເທດອາຊຽນຈໍານວນບໍ່ໜ້ອຍໄດ້ໃຊ້ມາດຕະການກໍານົດຖ້ວຍ ແລະ ຈານອາຫານດ້ວຍວິທີໄລ່ລຽງສິນຄ້າລະອຽດ ຈົນຜູ້ປະກອບການອ້າງກໍຊໍ່ ຖ້າບໍ່ປະຕິບັດກໍໃຫ້ເຂົາເຈົ້າເຊົາໄປເລີຍ……

ດ້ວຍເຫດລະຜົນຂໍໃຫ້ໜ່ວຍງານກ່ຽວຂ້ອງຕ້ອງເບິ່ງຄືນ ແລະ ແກ້ໄຂຮີບດ່ວນ ໂດຍສະເພາະຕ້ອງລົງໄປເບິ່ງຕົວຈິງ, ໄປເບິ່ງບ່ອນປູກຜັກ, ບ່ອນຜະລິດວັດຖຸດິບ ແລະ ອື່ນໆຈຶ່ງຈະຮູ້ວ່າຕົ້ນທຶນການຜະລິດຫລາຍປານໃດ ຫລັງຈາກນັ້ນກໍຕ້ອງກໍານົດລາຄາສິນຄ້າ.

ແຫລາງຂ່າວຈາກ: ປະເທດລາວ

ບົດຄວາມຫຼ້າສຸດ

ເມືອງສິງ ເລັ່ງຟື້ນຟູຫລັງນໍ້າຖ້ວມເປັນຄັ້ງທີ 2

ທ່ານ ຈັນພິພັກ ກອງຈໍາປາ, ເຈົ້າເມືອງໆ ສິງ ແຂວງຫລວງນໍ້າທາ ໃນວັນທີ 3 ຕຸລາ 2024 ວ່າ: ເນື່ອງຈາກຝົນຕົກໜັກເປັນເວລາຫລາຍຊົ່ວໂມງນັບແຕ່ຕອນ ເຊົ້າວັນທີ 1...

ພະຍາກອນອາກາດ ປະຈໍາວັນທີ 04 ຕຸລາ 2024

ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມ ຕາເວັນອອກສ່ຽງເໜືອພັດປົກຄຸມ. ເຊິ່ງຈະເຮັດໃຫ້ອາກາດຈະເຢັນ ໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງ ບລະເວນ...

ຈະລາຈອນນະຄອນຫຼວງວຽງຈັນ ມີຄວາມພ້ອມ 100% ອຳນວຍຄວາມສະດວກໃນໄລຍະກອງປະຊຸມສຸດຍອດອາຊຽນ ຄັ້ງທີ 44,45

ພັທ ສັງຄົມ ພົມມະລາດ ຫົວໜ້າພະແນກຕໍາຫຼວດຈາລະຈອນ ນະຄອນຫລວງວຽງຈັນ ໃຫ້ສໍາພາດຕໍ່ສື່ມວນຊົນໃນວັນທີ 3 ຕຸລາ 2024 ວ່າ: ມາຮອດປັດຈຸບັນ, ເຈົ້າໜ້າທີ່ຕໍາຫລວດຈະລາຈອນ ນະຄອນຫລວງວຽງຈັນ ພ້ອມແລ້ວຈະອໍານວຍຄວາມສະດວກໃນການສັນຈອນຕາມທ້ອງຖະໜົນໃນໄລຍະທີ່...

ແຈ້ງພັກການຮຽນ-ການສອນ! 497 ແຫ່ງ ໃນນະຄອນຫຼວງວຽງຈັນ ວັນທີ 8-11 ຕຸລາ 2024

ອີງຕາມແຈ້ງການຂອງພະແນກສຶກສາທິການ-ກິລາ ນະຄອນຫຼວງວຽງຈັນ ລົງເມື່ອວັນທີ 3 ຕຸລາ 2024 ກ່ຽວກັບພັກການຮຽນ-ການສອນ ໃນໄລຍະກອງປະຊຸມສຸດຍອດອາຊຽນວັນທີ 8-11 ຕຸລາ 2024 (ອ່ານເພິ່ມລຸ່ມນີ້)